Tesalonikika reè jɔ̀naà 1:6 - Bible Dzùùngoo Unicode

⁶ Ye bàu ɲe shɔ̀ùnminanbaa ì, ye yè bà Tsìfaà shɔ̀ùnminanbaa ì. È ɲɛn à tsɛ byɛnbe xɔɔ̀ ko e raà sa, ye yè e tsiiŋ Ŋaablà re Goomaa nà ko taamadzibe ka, Ŋaablà re Dzi Fɛnɛɛ rè taamadzibe.

Tesalonikika reè jɔ̀naà 1:6 Referans Kwoze

Korɛntsika reè jɔ̀naà 11:1

Ye bà mun shɔ̀ùnminanbaa ì, a ci mun sa Kirisà shɔ̀ùnminanbaa nìi tsuru.

Korɛntsika reè jɔ̀naà 4:16

Tà doùn, mun ye màxɔ̀ɔn, ye bà mun shɔ̀ùnminanbaa ì.

Kɛɛradzin neè faadziɛ 13:52

Tà doùn, kàràndzìn ye reè taama na dzi fɔ è bè geren, è ɲan yeè bà na tsyɛɔ̀n Ŋaablà re Dzi Fɛnɛɛ rà.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Tesalonikika reè fiiraa 3:9

À na ni a ci à shi naà ni ɲe suun dɛ, ɲe tɔ̀ fau nì ɲe yè bà ni ba jaakpadeyra, ye yè ɲe shɔ̀ùn mìnàn.

Yùxanà zhììgìraa 1:11

Mun ne kɛ̀niunmaà, maà gooɲaan shɔ̀ùnmìnàn waa, ŋà goowùɔ rìì shɔ̀ùnmìnàn. Mòò riì goowùɔ faa, tɔ Ŋaablà raa, ŋà mòò riì gooɲaan faa, tɔ̀ na Ŋaablà jaɔ̀ waa.

Efɛsika reè 5:1

Tà doùn, Ŋaabla ye nìì reè kɛ̀niɔ̀n e dzin, ye bà à shɔ̀ùnminanbaa ì.

Yùxanà 8:12

Tà shɔ̀ùn, Yesù yè e vu bo jàmaà nà kɔn ci: «Mun nì dziɲantsiɛ vyevyeè, mòò riì ye e gban mun kpɛyn, tɔ̀ fa jìì tsitsiɛ̀ ɲàn dɛ, ŋà, à tsìfa nà jaamabee vyevyeè tàrà.»

Matsiyù 16:24

Tɔ̀un, Yesù yè dzin e re kàràndzin neè rà ci: «Mòò riì ye ba ni à re è gban mun kpɛyn, fɔ è ɲɛyn bo e yɛrɛ tsɛ, è gbaàn gɔɔ̀ sen, è kòmànà e gban mun kpɛyn.

Piyɛrì jɔ̀naà 3:13

Tsì rii yɛ̀rɛ̀ to nà ɲaan fa ye ra, ye ye ba e shiɔ̀ goowuu faa rìì là ?

Piyɛrì jɔ̀naà 1:8

Yesù rìi, ye jaa na ɲɛn à mà ŋe waa, ye to y'à kɛ̀niɔ̀n. Ye jaa na ni à ra dòònuùn waa, ye to ɲɛyna faɔ̀ à ra, ye ɲan ye bà tsyɛɔ̀n taamadzibe ra nìi jaa na dzia dè tsu, nɔɔrɔ yè bà ni à ɲan.

Piyɛrì jɔ̀naà 1:6

Tɔ̀ kamà ye taama dzi, ye to kɛ̀nsɛɛn ye ba ni byɛnbee kaatsi giri gè doùn dòònuùn, tɔ̀ ye bà naɔ̀ taamaŋununbe ka ye mà waatsi dɛɛnin bàsɔùn doùn.

Dzyèèsìbee mòdzin neè 10:34

Ɔ̀ɔn, kàsòdzin neè raa byɛnbee, ye tɔ̀ fau twɛy ka. Nìi to bàu ye suun ge reè tsiumaà, ye taama dzibeu tɔ̀ ra, kàtsu y'a tɔ̀ ci ye gè tàraɔ̀ nìì tsuru na ni waa, dò to na ni à mà waa.

Tesalonikika reè fiiraa 1:4

Tà tsuru, ye baɔ̀ ɲe yɛ̀rɛ̀blàbè kun Ŋaablà re ɲɛynamoo kur'lèè doùn. È ɲɛn à tsɛ, ye ɲanshiɔ̀, ye yè bà ni ɲɛynaà tsɛ. Dzuunbweè ko byɛnbee ni ye tsɛ, ŋà ye tɔ̀ sapɛ kuɔ e ɲan.

Filipika reè 3:17

Neema reè, ye bà mun shɔ̀ùnminanbaa ì. Ye jìì san wùù riì jàu ɲe ɲan, nìì reè ni tɔ̀ fyɛ̀ùn, ye siin fa twɛy rà.

Korɛntsika reè fiiraa 8:5

Ɲe taa na ni nìi mà, y'à fau è geren tɔ̀ sapɛ tsɛ. Soore, yè yɛr'la sìun Tsìfaà rà. Tà shɔ̀ùn kɔn Ŋaablà saɔ doùn, yè e yɛrɛ sin ɲe sa ra.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Kɛɛradzin neè faadziɛ 9:31

Àwà, tɔ̀ waatsi rɔn, ɲɛynamoo kuru nìì reè ni Yude mar'la ɲàn ko nìì reè ni Galile mar'la ɲàn ko nìì reè ni Samari mar'la ɲàn, jaancin na ni è kuru soo soo sapɛ tsɛ. È na jɔun ni tàrà beè kudɛyn, è re blàbe yeè bà na ni Ŋaablà tsɛ. Ŋaablà re Dzi Fɛnɛɛ na è dzwɛ̀maa nìi fa, tɔ̀ baraka rɔ̀n, è na giribe beè.

Kɛɛradzin neè faadziɛ 5:41

Kɛɛradzin neè taama dzibeuma brìsi yè bo kitsi kunun kur'là mòdzin neè tɛyn, kàtsu y'à jàu, ci à dzibeu Ŋaablà ra rìì, yè ye byɛn, yè ye seey Yesù tsoò kamà.

Korɛntsika reè jɔ̀naà 11:2

Mun tsoo dzi ɲɛɛn ye tsɛ, è ɲɛn à tsɛ, goo gè o ge, ye taa ni mun mà, mun to kàr'nìi sìun ye ra, y'a màraɔ̀ a ci m'a sìun ye ra nìi tsuru.

Korɛntsika reè fiiraa 6:10

Mùn jàa ci mùn taama ŋunun, mùn taama to dzi kudɛyn. Mùn jàa ci mun gbakɔɔn, tɔ̀ to y'à tàrà mùn mòò giri baɔ̀ gètsi. Mùn jàa ci gèsɔn na ni mùn suun, tɔ̀ to y'à tàrà gè sapɛ ni ɲe re.

Tesalonikika reè fiiraa 3:7

Ye wù ye yè ɲe shɔ̀ùn mìnàn nìi tsuru, ye yɛ̀r'leè y'à tɔ̀. È ɲɛn à tsɛ, è ɲe to ye fi, ɲe na e re jaamabee fa pìrìpàrà waa.

Tsìmotè fiiraa 4:2

ci waatsi wuu sen ɲɛn waatsi ɲaan tsɛ, e Ŋaablà re Goomaa dè, a tsi à tsɛ. Doò dzuun bo, mòdzian sɔ̀ɔ̀n dè, e màxɔ̀n. Mɔ̀ɲɔn brisi doùn, yè kàràn.