Bib sou entènèt

Paj dakèy
Bib sou entènèt
Tesalonikika reè jɔ̀naà 1:10

Tesalonikika reè jɔ̀naà 1:10 - Bible Dzùùngoo Unicode

¹⁰ Ye tɔ̀ fau, ye yè bà ni à Dzin Kpir'la sèè naà màshu è bo jìrànxɔɔ̀ doùn, nìi Yesù, à tɔ̀ niì kpunan bou fùn nèè fi, è bà mùn tsià Ŋaablà re vununta nàkɔɔn nà.

Gade chapit la Kopi

tounen moute ⬆

Tesalonikika reè jɔ̀naà 1:10
46 Referans Kwoze

Tesalonikika reè jɔ̀naà 5:9

È ɲɛn à tsɛ, Ŋaablà na mùn bo à re vununta yè bà ni wɔ mùn tsɛ waa, ŋà à mùn bou ni, mìn bà ni tsi mùn Tsìfa Yesù Kirisà baraka rɔ̀n,

Matsiyù 3:7

Àwà Yùxanà y'à jàu Faridziɲɛn rèè giri, ko Sadusiɲɛn rèè giri nàa, sànko wò yeè è jaara foò Ŋaablà re shia goo rèè rà, è dzin è ra ci: «Fɔnfwɛyn kuru ì, tsì rii vwɛ̀yn jaa kpàdèu ye ra, Ŋaablà re vununta nàkɔɔn jɔun ?

Kɛɛradzin neè faadziɛ 2:24

Ŋà, Ŋaablà y'a fau è sèè kpunan, è bo saàn byɛnbee ɲàn. Tɔ fau, kàtsu saàn fa ni dzi à mà ɲinan to e raa dzia doùn waa.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Piyɛrì jɔ̀naà 1:3

Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.

Dzyèèsìbee mòdzin neè 9:28

Tɔ̀ fau'n kuru soo rà, Ŋaablà Jaara Modzìàn sa bàu saaka jaa soo pe rii, è mòdzian rè gooɲaantsiɛ mɛɛy bo è vu ra. À tou è nà e jaa fiira ɲan kɔn. Tɔ̀un, à fa bà gooɲaantsii reè mɛɛy kamà dɛ waa, Ŋà, nìì reè y'à màshua, à nà bà naɔ̀ twɛy rìì tsi.

Ɔ̀rɔ̀mùnka reè 4:25

À dɔ̀un dziira mùn ne fìrìgoo rèè rìì kamà, è sèè kpunan bo saàn ɲàn, è kpadè ci mùn tereòn.

Lukì 3:7

Tɔ̀un, mòdzian na nàa Yùxanà kpɛyn jàma brìsi brìsi, ci è ye jaara foò Ŋaablà re shia goo rèè rà. Yùxanà yè dziàn è ra ci: «Fɔnfwɛyn kuru ì ! Tsì rii vwɛ̀yn jaa kpàdèu ye ra, Ŋaablà re vununta nàkɔɔn jɔun ?

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

Ɔ̀rɔ̀mùnka reè 8:34

Tsì rii nà kitsi mɛɛy è tsɛ ? [Yesù] Kirisà rìì na san, è sèè kɔn è kpunan bo fùn nèè fi gbɛ ? Wò rii na tsùuŋnà Ŋaablà sirama si jaa rè, è bà ni màfyɛɛ̀n nà mùn ne o ?

Goo kpàdèuma rèè 1:18

Mun jaama. Mun saun, ŋà mun yɛ jaama, waatsi sen ɲɛn waatsi tsɛ. Saàn ko fùn nèè tàà sa neèdzian ni mun suun.

Kɛɛradzin neè faadziɛ 1:11

Twɛy yè dzin è ra ci: «Galileka reè, fee rìì ye tsìiŋnà mìin, ye yè bà Ŋaablaxɔɔ̀ siɛ̀n ? Yesù nìi bou ye fi, è sen fu bè jìrànxɔɔ̀ doùn, à sen fu bèu nìi tsuru, ye nà à sèè jàà nakɔɔn ja sii sɔn see tɔ̀ fau'n kuru soo rà.»

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

Tesalonikika reè jɔ̀naà 2:16

È ɲe jɔun shuà ɲe mà nà to gooma kun kpɛrɛ mòdzin neè ka, yè bà ni tsi waa. Tɔ̀ tsuru, è sɔn ba bèe e re gooɲaantsiɛ tɛ̀y. Ŋà à lataan, Ŋaablà re vununtaà bàu ni è tsɛ.

Korɛntsika reè jɔ̀naà 1:7

Tà tsuru, mùn Tsìfa Yesù Kirisà nà nà e yɛrɛ kpadè rìi fa, è ye to tɔ̀ màshua rà, Ŋaablà ɲanwùɔ kwɛ̀yge pɛn na ye fɔɔn waa.

Piyɛrì fiiraa 3:12

Ye yè Ŋaablà na jisee màshu, y'a jisee ɲantabe. Tɔ̀ sii sèè, sàà nà jìrànxɔɔ̀ kun à y'à jɛ̀rɛ̀n, ko à doùn ge reè sa.

Dzyèèsìbee mòdzin neè 10:27

Nìi too, tɔ̀ rii yɛ, a shiuma brìsi yè Ŋaablà re kitsia màshu tsuù, sà brìsi to nà Ŋaablà ɲan rèè bà e fɔnɔn.

Tsitè 2:13

Mìn tɔ̀ fa, mùn si xɔ nìi tsɛ, mìn bà ni tɔ̀ goo blàa màshua rà, ko mùn Tsibaa Yesù Kirisà, mùn ne Ŋaablà blaa nɔɔrɔ nìi nà kpàdè.

Filipika reè 3:20

Nìi ɲe, ɲe raa fàtsiɛ ni jìrànxɔɔ̀ doùn nì, ɲe to Tsibaa Tsìfa Yesù Kirisà màshua è bo mɔn nì.

Galatsika reè 3:13

Kirisà ɲe kùngɔ màbou sàrìyaa dangaa suun, à yɛ̀r'la yè bà danga ɲe kamà, kàtsu à sɛbɛɔ̀n ci: «Mòò o moò nà gban gɔɔ̀ rà, tɔ̀ yeè danga.»

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

Kɛɛradzin neè faadziɛ 17:31

È wù yè tɔ̀ fa, kàtsu, Ŋaabla jisee soo rii tsùuŋnà nìi sii sèè, à nà kitsia kùnùn dziɲantsiɛ mòdzian sapɛ tsɛ, sààben ka. Àwà, à mòò sɔn dzin soo rii boo e jaa ra, è tà tsùù à goo rèè shi jɔun. À goo rìi ka tɔ̀ kpàdèe mùn na, tɔ̀ rii bàu tɔ̀ mòò sɔɔ̀n saunmaà, à y'à sèè kpunan e shɔùn, è bo fùn nèè fi.»

Kɛɛradzin neè faadziɛ 4:10

Àyìwà, ye sapɛ, ko Isirayɛlì mòdzian sapɛ, ye bà à tɔ̀, ci a y'a jà nèe kpir'lee cɛrɛmabeu gbereyn gbereyn, è nà e tsiì ye jaaterema mìin, à Nazarɛtsika kpiri Ŋaablà Jaara Moo Yesù tsoò barakaà rìì. Ye nìi gbaun gɔɔ̀ rà, y'a vu, tà shɔ̀ùn, Ŋaablà y'a fa, è sèè kpunan bo saàn ɲàn, à wò rii.»

Kɛɛradzin neè faadziɛ 3:21

Àwà, sani tɔ̀ yeè fa, à wù Yesù yè to mɔn jìrànxɔɔ̀ doùn ŋe, fɔ jisee riì, goò sapɛ nà e lakere è bà yeu, a ci Ŋaablà na à deò nìi tsuru dan, è bo à re kɛɛra fɛnɛ reè dzu.

Kɛɛradzin neè faadziɛ 3:15

Ye tɔ̀ niì fau, ye jaamabee kùntsiɛ̀ rìì vuu tɔ̀ tsuru. Ŋà, Ŋaablà y'a kpunan bou fùn nèè fi. Mùn sapɛ tɔ̀ jàu e jaadzin fiɛ̀ ka.

Matsiyù 1:21

À nà dzin kpir'li kere. À ye kere, a tsoo wɔ ci Yesù, kàtsu wò rii nà e re mòò rèè tsi bo e re gooɲaantsiɛ ɲàn.»

Goo kpàdèuma rèè 1:7

À siin nèe, à nàa mun'na ɲàn. Jaadzin sapɛ nà à jà, arì nìì reè y'à vɔ̀ tsɔu. Dzɔ̀nxɔɔ̀ tsɛ tsua sapɛ nà gɛyn à kamà. Àmiinà !

Piyɛrì jɔ̀naà 2:21

Àwà ye kiriu tɔ̀ rii kamà. È ɲɛn à tsɛ Kirisà sa byɛun ye kamà, è bà ni ye jaa kpàdè, ye yè jìì à sàn kɔɔ doùn.

Tsìmotè fiiraa 4:1

Àyìwà mun y'à dè màxɔbee wo ra Ŋaablà ko Yesù Kirisà jaa ra, tɔ̀ niì nà kitsia kùnùn jaama reè ko fùn nèè sa tsɛ, mun y'à dè màxɔbe à nà jisee ko à re màsàbee tsoo ra,

Tesalonikika reè jɔ̀naà 2:7

Tà to y'à tàrà ɲe Kirisà re kɛɛradzin ì nìi fa, ɲe na dzia fààn ɲinan ye tsɛ. Ŋà ɲe yè e yɛrɛ bau dziinkòòmɛ̀yn ì tsuru ye fi. A ci na yè e taa toò e dzin ì nè nìi tsuru,

Tesalonikika reè jɔ̀naà 1:7

Tà tsuru, ye bàu jaakpadeyra Maseduwanin mar'la ko Akayi mar'la ɲɛynamoo rèè sapɛ re.

Kolosika reè 1:18

Wò rii gɔɔ̀n kùngɔɔ̀, nìi ɲɛynamoo kur'là. Wò rii dzunjɔɔn, è bà fùn nèè kùngɔ̀ jɔna kpunaunmaà, gè riì ni à to è bà ni gè sapɛ jɔun.

Ɔ̀rɔ̀mùnka reè 1:4

À kpunan boumaà fùn nèè fi, Ŋaablà re Dzi Fɛnɛɛ y'à kpàdèu dzibaabe ka ci à Ŋaablà dzin, Yesù Kirisà, mùn Tsìfaà.

Lukì 2:25

Àyìwà, kpiri sɔn na ni Yerusalɛmùn yè bà à kir'là ci Simeyɔn. Tɔ̀ kpir'la na tereòn, è bà shia Ŋaablà jɔun. Ŋaablà na à làyiri seòn, ci wò Jaara Moo rìi nà Isirayɛlì mòdzin neè tsi, Simeyɔn na tɔ̀ rii màshua. Ŋaablà re Dzi Fɛnɛɛ na ni à ɲan.

Matsiyù 16:27

Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Matsiyù 16:28

Sààben na, mun nì ci e ra, nìì reè tsìiŋnà mìin, swey fa san fyeu ni è na Adamà dziàn nàkɔɔn ja e re màsàbee doùn.»

Kɛɛradzin neè faadziɛ 2:32

Nìi Yesù, Ŋaablà y'a sèè kpunan bou saàn ɲàn, mùn sapɛ tɔ̀ goò jàu e jaadzin fiɛ̀ ka.

Swiv nou:

Lyen patwone

Piblisite

Piblisite