Bib sou entènèt

Paj dakèy
Bib sou entènèt
Tesalonikika reè jɔ̀naà 1:1

Tesalonikika reè jɔ̀naà 1:1 - Bible Dzùùngoo Unicode

¹ Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni Fà Ŋaablà ɲan, ye yè bà ni Tsìfa Yesù Kirisà ɲàn. Arì she, Ŋaablà ɲanwùɔ ko jaanciàn, twɛy yè bà ni e tsɛ !

Gade chapit la Kopi

tounen moute ⬆

Tesalonikika reè jɔ̀naà 1:1
30 Referans Kwoze

Ɔ̀rɔ̀mùnka reè 1:7

Ye nìì reè sapɛ ni Ɔ̀rɔmùn wɔ̀ rɔ̀n, Ŋaabla yeè bà ye kɛ̀niɔ̀n, è ye kiri e raa, sɛbɛn nee kaɔ ye rìì lè. Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Tesalonikika reè fiiraa 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni mùn Fà Ŋaablà ɲan, ye yè bà ni Tsìfa Yesù Kirisà ɲàn.

Kɛɛradzin neè faadziɛ 20:4

À dzyèèsi nìì reè na ni à ka, twɛy rìì siin: Sɔn tsoo na Sopatɛrì è bà kpiri sɔn dzin, ci Pirusì, tɔ̀ na boò Beerè wɔ̀ rɔ̀n. Arisitakì na ni, sɔn ni, ci Segɔndusì, twɛy boò Tesalonikì wɔ̀ rɔ̀n. Gayusì ni, tɔ boò Dɛribè wɔ̀ rɔ̀n, Tsìmotè ni, ko mòkun fii kpɛrɛ, soo tsoo ci Tsishikì, soo tsoo yè bà ci Torofimùn, twɛy Azhi jamaan mòdzin ì.

Kɛɛradzin neè faadziɛ 18:5

Àyìwà, Silasì ko Tsìmotè nàu dan yè bo Maseduwanìn waatsi riì bwèy, Polì na goo kpɛ̀rɛ̀ fa waajibi faa tɛ̀y dɛ. À y'à jaa dèe Dzyèèsìbee mòdzin neè rà, ci Yesù rìì Ŋaablà Jaara Modzìàn.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Piyɛrì jɔ̀naà 5:12

Àwà Silivɛ̀n, mun tɔ̀ niì jàtsikuàn mùn neema è bà vusootsi, mun nèe dzii jaa fii sɛbɛn nee fau tɔ̀ rii ka, min bà ni ye màxɔ̀n, tà ko m'a dè ye ra, ci ye yè shiɔ̀ nìi rà, tɔ̀ rii Ŋaablà ɲanwùɔ takia.

Korɛntsika reè fiiraa 1:19

È ɲɛn à tsɛ, Yesù Kirisà, Ŋaablà Dzin kpir'la, ɲe tɔ̀ niì gooma deu ye ra, mun ko Silivɛ̀n ko Tsìmotè, tɔ̀ na ba ɔ̀ɔn ko ɔ̀ɔɔn waa, ŋà ɔ̀ɔn ni bàu ni tɔ̀ ɲan kudɛyn.

Kɛɛradzin neè faadziɛ 19:22

Tɔ̀un, è dzyeèsi rèè mòkun fii ka bè e jɔun Maseduwanin jamaan ɲàn. Tsìmotè, ko soo kpɛrɛ, ci Erasitsì. Àwà, à yɛ̀r'la yè to Azhi jamaan ɲàn, è waatsi dan fa mɔn.

Kɛɛradzin neè faadziɛ 17:11

È bèu Dzyèèsìbee mòdzin niì reè jà mɔn, twɛy ka goo na dzi, è geren Tesalonikì wɔ̀ɔ̀ Dzyèèsìbee mòdzin neè raà tsɛ. Twɛy yè e tsiiŋ Ŋaablà re Goomaa nà taamadzibe ko duun fyɛ ka. Jisee sapɛ, twɛy mòdzin neè na Ŋaablà re Goomaa kìtaabuà dzii saàn, y'à siin Polì ì nìi dèe, è ba sààben taki.

Dzyèèsìbee mòdzin neè 13:23

Àyìwà, ye bà à tɔ̀, ci è mùn neema kpiri Tsìmotè bàjiu. À ye dzi mun tsɛ tabe, à ko mun nà bè ye kpà, mìn bè ye siin.

Tsìmotè fiiraa 1:2

nèe mun ne sɛbɛn, m'a sìn wo Tsìmotè rà, mun dzin kpiri kɛniunmaà. Arì she, Ŋaablà ɲanwùɔ, ko màtsur'la, ko jaanciàn, Fà Ŋaablà, ko mùn Tsìfa Yesù Kirisà yè twɛy sìn a ra !

Tsìmotè jɔ̀naà 1:2

nèe mun ne sɛbɛn, è sìn wo Tsìmotè rà, mun dzin taki takià, ɲɛynaà baraka rɔ̀n. Arì she, Ŋaablà ɲanwùɔ, ko màtsur'la, ko jaanciàn, Fà Ŋaablà, ko mùn Tsìfa Yesù Kirisà yè twɛy sìn a ra !

Kolosika reè 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè,

Filipika reè 1:1

Mun Polì ko Tsìmotè, Yesù Kirisà rè faagoofadzin neè, nèe ɲe re sɛbɛn, è ka Ŋaablà re mòò rèè rè, nìì reè ni Yesù Kirisà ɲàn Filipi wɔ̀ rɔ̀n, è ka ɲɛynamoo kur'là kààwɔbaa rèè ko à goojaabo reè rè.

Efɛsika reè 1:2

Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Galatsika reè 1:22

Àwà tɔ̀ sapɛ ɲan, ɲɛynamoo kuru nìì reè na ni Yude mar'lɔùn Kirisà ɲàn, twɛy naà mun jaɔ̀ ŋe yè mun tɔ̀ waa.

Galatsika reè 1:2

Nèe sɛbɛn, mun ko n neema niì reè sapɛ ni mun ka, ɲe nìi kaà Galatsi mar'la ɲɛynamoo kur'lèè rè.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Kɛɛradzin neè faadziɛ 16:29

Kàsò gbaà kplatsuubaà yè sàvyee gaa tɔ̀un, è tabe dɔn kàsò gbaà doùn, à màsɔ̀ɔ̀nkɔɔn yeè bè e kunun gban Polì ko Silasì bììn.

Kɛɛradzin neè faadziɛ 16:25

Feèn ci e ye wɔ e tar'la mà, Polì ko Silasì na Ŋaablà mafyɛ̀ɛn, yè ye ì cèe, nìi reè tsoo dzi ɲɛɛn Ŋaablà tsɛ. Nìi kàsòdzìn dzyee reè, twɛy na e toro wɔɔ è re.

Kɛɛradzin neè faadziɛ 16:19

Àwà, tɔ̀ goò y'à to, jòn tàànmɛ̀ɛn kùntsii rèè na ɲɛyn niì tàr'la à ɲan, tɔ̀ yeè bara twɛy mà. Twɛy y'à goò jàu tɔ̀ tsuru min niì, yè bè Polì ko Silasì kun, yè è sɔ̀ɔ̀n dɔ̀n be jɔundzin neè rè, e re wɔ̀ɔ̀ sijafama nɔ̀n.

Kɛɛradzin neè faadziɛ 15:40

Nìi Polì, tɔ̀ sa yeè Silasì bà e tɛy. Tɔ̀un, kàràndzin neè yè dzwɛ ji è ra, yè è kɛ̀ɛ̀yfa Tsìfaà mà. Tà shɔ̀ùn, yè kòmànà dɔ̀n be.

Kɛɛradzin neè faadziɛ 15:27

Àyìwà, ɲe yɛ gooma niì jiɔ̀ sɛbɛn nee doùn nèe, ɲe Yudè ko Silasì kaà ye re, sànko ye yè tà gooma soo myɛ̀n twɛy sa dzu.

Yùxanà jɔ̀naà 1:3

Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

Kɛɛradzin neè faadziɛ 15:22

Yàkubà rè goomaa shɔ̀ùn, Kɛɛradzin neè, ko kàràndzìn kur'là jɔundzin neè ko ɲɛynamoo kur'là mòdzian sapɛ, yè byɛ̀n à mà, ci ye nà mòdzin ì bo e ɲan, twɛy yè bà Polì ko Barinabasì tɛ̀y, ye yè è ka bè Antsiyɔshì. Tɔ̀un, yè Yudè bo, à tsoò sɔn ci Barisabasì, tà ko kpiri sɔn, ci Silasì. È fiɛ̀ sa na mòdzin bla ì kàràndzin neè rè.

Swiv nou:

Lyen patwone

Piblisite

Piblisite