Piyɛrì jɔ̀naà 5:8 - Bible Dzùùngoo Unicode

⁸ Ye e akiri to e yɛr'le, e maà cìi waa. È ɲɛn à tsɛ, ye ɲan Sànwɔbaà yè e gurugur'la a ci jɛ̀r'liì gɛyn boò, è bà mòò kunàma gaa à y'à tàà.

Piyɛrì jɔ̀naà 5:8 Referans Kwoze

Efɛsika reè 6:11

Ye Ŋaablà re kaa faa gè rèè sapɛ ji e ma, gè riì ni à to e san gbaunma yè dzi to Sànwɔbaà rè nanmara goo reè sapɛ jɔun.

Yàkubà 4:7

Tɔ̀ kamà, ye koron Ŋaablà re. Nìi to Sànwɔbaà, ye e maban tɔ̀ re. Tɔ̀ ye fa, à nà vwɛ̀yn è dan gbànbe ye ra.

Efɛsika reè 4:27

E maà gàne pɛn to Sànwɔbaà rè waa.

Piyɛrì jɔ̀naà 1:13

Tɔ̀ kamà ye e ɲanshì, e akiri yè bà ni e yɛr'le. Ye e si ko e kuru xɔbe Ŋaablà ɲanwùɔ tsɛ e naà tɔ̀ niì tàrà è bo Ŋaablà re, Yesù Kirisà kpàdè sii sèè.

Piyɛrì jɔ̀naà 4:7

Goò sapɛ do waatsi tsyɛnbeò. Tà doùn, ye akir'là tsùù soo tsɛ, ye e taa to e yɛr'le, ye bà ni dzi màfyɛɛ̀n fa.

Lukì 21:36

Tà doùn, e maà cìi waa, ye Ŋaablà mafyɛ̀ɛn kudɛyn. Tɔ̀ ye fa, ye nà dzi fààn tarà, ye yè goo nàkɔɔn reè sapɛ ku e ɲan. Adamà dziàn to ye na nà, ye nà dzi e tsiì à jaaterema.»

Lukì 22:31

Tà shɔ̀ùn, Tsìfa Yesù yè dzin Shimɔ̀n nà ci: «Shimɔ̀n, Shimɔ̀n ! A yɛrɛ kun: Sùtana y'à gaaŋnà, ci wo nà ye sapɛ ɲan yuuyuu siin a ci mòo shìmàndzin yuuyuu boò e ɲaan ɲàn nìi tsuru.

Tsitè 2:12

Tɔ̀ rii mùn kàr'na mìn sèè bo Ŋaablà jɔun shiɲaanbɛybeè kpɛyn, mìn nɔn nèe dziɲan ree kur'la goo ɲaan neè mà, mìn e re jaamabee fa nèe waatsi ree ɲan akiri ka, terenbe ka, ko Ŋaablà jɔun shiɲaanbe tsɛ.

Goo kpàdèuma rèè 12:12

Tɔ̀ kamà, jìrànxɔɔ̀ ko e doùn tsùùbaa rèè, ye e taama dzibe. Ŋà dzɔ̀nxɔɔ̀ ko kòòyua, byɛnbe ye nìn, kàtsu, Sànwɔbaà jàà bèu ye re, à vunun tauma blàa. À y'à tɔ̀ waatsi bɛrɛ na ni wò suun dɛ.»

Yùxanà 8:44

Ye fàà rìì Sànwɔbaà, nìi to y'à sàɔ, ye sa sao ni, ye yè tɔ̀ rii fa. Sùtana, tɔ bàu vuifabaa fɔ goo rèè dzunjɔn bwèy, à na to sààbeen tsɛ waa, kàtsu, sààben soo, tɔ̀ na ni à ɲan waa. À ye ba doò dèe, à yɛ̀r'la juɔ nìi, à tɔ̀ rii dèe, kàtsu, à doodebaa, è ba doò fàà.

Matsiyù 13:39

Ɲan nìi bèu vundzin ɲaan sɛ̀n, tɔ Sànwɔbaà rìì. Shìmàn gaa, tɔ dziɲan latan bwey. Shìmàn gaa reè, twɛy yè bà mɛ̀rɛ̀kɛ rèè.

Goo kpàdèuma rèè 12:9

Kparan ɲan blaa yè maa bo jìrànxɔɔ̀ doùn tɔ̀un, tɔ̀ niì myɛn bɔrɔɔ, è bà kir'là Sànwɔbaà ko Sùtana, nìi mòdzian sàn fìr'la dzɔ̀nxɔɔ̀ tsɛ. À ko e kpɛyn mɛ̀rɛ̀kɛ rèè sa yeè maa dzɔ̀nxɔɔ̀ tsɛ.

Matsiyù 24:42

Tɔ̀ kamà, ye to tsùù e jaa ra kudɛyn, kàtsu, ye na e Tsifaà nà jisee tɔ waa.

Goo kpàdèuma rèè 20:10

Àwà, Sànwɔbaa nìi na è sànfìr'la, tɔ̀ yeè maa sà blà rɔn, gìrìbià sàà, kpar'na ko kɛɛra doodebaà sa ni min niì. È nà byɛn mɔn fen ko bwèy, waatsi sen ɲɛn waatsi tsɛ.

Lukì 21:34

Ye e yɛrɛ kun ! E maà to ji tsuù ɲwɛyn bla bla ɲɔɔn, ko mìɛn ko dziɲan kpɛyn màànkàn goo reè vyɛ̀ɛ̀ rà, fɔ Adamà dziàn nà jisee yè bè bàràma e ɲan waa.

Tsitè 1:8

Ŋà è bà mòdzin, nìi tɔnɔnladɔnbaa, goowùɔ dzi à ra, à akiritsi, à tereòn, à fɛnɛ, è bà dziɔ̀ e yɛr'la.

Tsìmotè fiiraa 4:17

Ŋà, Tsìfaà wɔu mun na. À fààn wɔu mun ɲan, gè riì ni à to mun baraka ɲan, Kùnàgoo Dziɔ̀ waajibia yè fa à dzii yè tsyɛn, kun neè sapɛ y'a myɛ̀n. Mun tsiu jɛ̀r'la dziɛ̀ rà.

Tsitè 2:6

Tɔ̀ soo tsuru, dzunwɛyn neè sa maxɔ̀n, yè bà akiritsi ì.

Tsitè 2:2

À dè mòòbɔɔ rèè rà ci yè e kuun'n kuru tɔ, yè bà mòdzìn sɔbɛn ì, yè bà akiritsi, ɲɛyna taki yeè bà ni è ɲan, kɛ̀nbààbe taki ko mɔ̀ɲɔn taki.

Tsìmotè jɔ̀naà 2:15

Tà ko e sa ra à re ker'là baraka ɲan, à nà tsi. Ŋà fɔ à shìuma yè to ɲɛynaà nà, kɛ̀nbààbee, ko fɛnɛbee, è bà e majàaŋnà.

Goo kpàdèuma rèè 20:2

È kparan ɲaan kun, tɔ̀ niì myɛn bɔrɔɔ, è bà kir'là Sànwɔbaà ko Sùtana. À y'à shì jɔ̀rɔ̀kɔɔ ka, è bà ni jii gbaa soo fa tɔ̀ dzu.

Tsitè 2:4

Yè tɔ̀ fa, gè riì ni à to tààn nìì reè na bɔrɔɔ waa, yè twɛy kàràn yè e re kpir'leè ko e dzin nèè kɛ̀n.

Tsìmotè jɔ̀naà 3:11

Tɔ̀ soo tsuru, tàan rèè, twɛy sa wù yè bà mòdzìn sɔbɛn ì. È na mòdzìn fìvyɛbaa ì waa, yè e yɛrɛ kuɔn, mòò to dzia ɲɛn è ra goo sapɛ doùn.

Tsìmotè jɔ̀naà 2:9

Tɔ̀ soo tsuru, nìi tàan rèè, twɛy sa yeè vya jaawuen wɔ, cèu ni nìi ɲàn, è sùtal'là vya. È raa màwɔɔ mà bà kùngɔ myɛ̀unma kpàxɔ ì, ko sɛnu ì, ko fyɛɛdzin ì, tàmafa vyama ge kpàxɔ ì waa.

Matsiyù 4:1

'Àyìwà, tà shɔ̀ùn, Ŋaablà re Dzia yè Yesù jaa ji be jènjàà kor'nà doùn, sànko Sànwɔbaà yè bè à dzuun bo siin mɔn.

Tsìmotè jɔ̀naà 3:2

Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Matsiyù 25:41

Tà shɔ̀ùn, nìì reè ni Màsà kpir'là ɲɔ̀nmà sì jaa rè, à nà dzin twɛy rà ci: "Ye dangauma rèè, ye bo n tɛyn, ye bè jeenà. Sà dzibɛy riì màbyɛ̀n tsùuŋnà Sànwɔbaa ko e re mɛ̀rɛ̀kɛ rèè rè, ye bè mɔn.

Matsiyù 4:11

Tɔ dèu min niì, Sànwɔbaà yè bo à tɛyn. Tɔ̀un, mɛ̀rɛ̀kɛ rèè swey yè e kpɛrɛ̀ à ra, y'à màgoo wube.

Marikì 4:15

Mòdzin neè swey ni, a ci shìmàndzin neè tɔrɔun shi dzii niì rè. Ŋaablà re goomaa myɛ̀nkɔɔn yɛ è re, tɔ Sùtana nàuma, è nà à sen bo è ɲan.

Korɛntsika reè fiiraa 2:11

Tà tsuru, Sùtana fa nà dzi tarà mùn tsɛ waa, kàtsu mùn na fìriɔ̀ à duungoo mà waa.

Goo kpàdèuma rèè 12:10

Tà shɔ̀ùn, min gooma vu brìsi sɔn myɛn è bo jìrànxɔɔ̀ doùn, tɔ dziàn ci: «Dòònuùn ɲe re Ŋaablà yeè mùn tsi, tɔ̀ waatsi wɔu. À re dzibaabee ko à re màsàbee, ko à Jaara Modzìàn rè fàan waatsi yeè bà wɔu. Tɔ̀ waatsi wɔu, kàtsu mùn neema reè jààkibaà kaa jàà bou jìrànxɔɔ̀ doùn. Wò rii na è jààkia feèn ko bwèè sa ɲe re Ŋaablà biìn.