Bib sou entènèt

Paj dakèy
Bib sou entènèt
Piyɛrì jɔ̀naà 5:2

Piyɛrì jɔ̀naà 5:2 - Bible Dzùùngoo Unicode

² Ŋaablà re sààkur'lìi kɛ̀ɛ̀yfaɔ̀ e ma, ye tɔ̀ kɔ̀ ɲwɛyn, y'a kààwɔ. E maà à fa a ci à yè e ma fààn waa, ŋà y'a fa rii ci à dzi ye ra, a ci Ŋaablà ci è fa nìi tsuru. E maà à bà tɔ̀nɔ̀n gàà shi nanmara ni nìi ɲàn waa, ŋà y'a bà e dusùkùn nà goo.

Gade chapit la Kopi

tounen moute ⬆

Piyɛrì jɔ̀naà 5:2
41 Referans Kwoze

Tsitè 1:7

Àwà ɲɛynamoo kur'là kààwɔbaà wù è bà mòdzin, jààma na ni nìi rà waa, è ɲɛn à tsɛ, wò rii Ŋaablà re gbàà goojaabobaa. À mà bà mòdzin nìi blà e yɛr'le waa, nìi vunùn ɲan waa, nìi mììnfabaa waa, nìi kaafabaa waa, nìi to na tàrà faa nanmarama waa.

Tsìmotè jɔ̀naà 3:8

Tɔ̀ soo tsuru, ɲɛynamoo kur'là goojaabo reè sa wù yè bà mòdzìn sɔbɛn ì, è na gooma fii debaa ì waa, è na mììn faa waa, è to na tàrà faa nanmarama waa.

Tsitè 3:1

È taa to, ci yè e majàà kùntsii rèè ko fàan mòdzin neè rè. Yè è vu kun, yè bà ni tsuù goowùɔ sapɛ faa ɲan tsuù ɲàn.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Korɛntsika reè jɔ̀naà 9:7

Tsì rii dzia bà ni sùràshìbee rà, è sèè è yɛrɛ sar'la ? Tsì rii dzia gɔ̀ɔ̀dzuà wɔ, è to à dziàn ɲɔn bɛy ? Tàmafa dzwɛka kplatsuubaa kɛ̀n ni dzia bà dzwɛkà rèè kplatsuɔ, è to nɔnɔɔn mìn bɛy ?

Piyɛrì fiiraa 2:3

È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.

Dzyèèsìbee mòdzin neè 12:15

Ye e yɛrɛ kaàwɔ, mòò pɛn mà nà e dzii bo Ŋaablà ɲanwùɔ ɲàn waa. Mòò pɛn to mà jà e ɲan, nìi nà xe bo a ci gɔ̀ɔ̀jii bàà ɲaùn, è goo rèè gbiiman waa. Tà boshɔ̀ùn, à bàà nà mòò giri sa kun.

Tsitè 1:11

Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

Lukì 12:32

Tà shɔ̀ùn Yesù yè dzin e re kàràndzin neè rà kɔn ci: «Ye kpɛ̀yn na giri waa, ŋà, e maà shi waa. À dzibeu ye fà Ŋaablà ra, è ye dɔ̀n e re màsàbee ɲàn.

Filemɔ̀n 1:14

Ŋà à naà mun sàò min goo sɔn pɛn fa wo na dzyèeŋnà nìi ka waa. Tà tsuru wo nà wùù niì fa, tɔ mà bà goo karaba jiuma wo jɔun waa, ŋà è bà dzi wo ra.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Ɔ̀rɔ̀mùnka reè 1:15

Tɔ̀ kamà à kuru ni mun na cèreoma, min kùnàgoo dziɔ̀ dè ye sa ra, ye nìì reè tsùuŋnà Ɔ̀rɔmùn.

Kɛɛradzin neè faadziɛ 21:13

Ŋà, Polì yè dzin ci: «Fee ye gɛyn kun ? Ye sào ni ye yè mun akiri bara tɔ̀ ka gbɛ ? À mà dàn kàsò dòùn jia bàsɔùn mà dɛ, arì mun yè bà nà san nì Yerusalɛmùn Tsìfa Yesù kamà, mun ni tɔ̀ ɲan tsuù ɲàn.»

Kɛɛradzin neè faadziɛ 20:29

M'a tɔ̀, ci mun ma ba ni waatsi riì bwèy dɛ, kparan ɲan ì tsuru mòdzin ì nà dɔ̀n ye fi, è to fa màtsuru sàà kur'là rà waa.

Swiv nou:

Lyen patwone

Piblisite

Piblisite