Bib sou entènèt

Paj dakèy
Bib sou entènèt
Piyɛrì jɔ̀naà 5:10

Piyɛrì jɔ̀naà 5:10 - Bible Dzùùngoo Unicode

¹⁰ Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Gade chapit la Kopi

tounen moute ⬆

Piyɛrì jɔ̀naà 5:10
39 Referans Kwoze

Korɛntsika reè fiiraa 4:17

Àwà ɲe re nèe waatsi ree byɛnbee, tɔ̀ ŋɔn fyɛn è bà dɔ̀n boò. À nɔɔrɔ ko nɔɔrɔ rìì mà byɛn tsùɔ ɲe re, dò na ni nìi mà waa.

Tesalonikika reè fiiraa 3:3

Ŋà Tsìfaà vusootsi. À nà fààn wɔ ye ɲan, è ye tààn ɲaan mà.

Yudè 1:24

Arì she, nìi dzia ye màrà, è ye tààn mɛɛ̀ mà, è ye jààkìbɛy tsiiŋma to taamadzibeè ɲàn nɔɔrɔɔ̀ jaaterema,

Tsìmotè jɔ̀naà 6:12

Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.

Tesalonikika reè fiiraa 2:17

arì she twɛy yè e maxɔ̀n, yè fààn wɔ e ɲan goowuu faa, ko gooma wuu dee rà.

Korɛntsika reè fiiraa 13:11

Dòònuùn n neema ì, ye taama dzibe, ye fààn wɔ e si ɲan, ye e si màxɔ̀n, ye byɛ̀n soo ma, ye jaamabee fa jaancin doùn. Tɔ̀ tsuru, kɛ̀nbààbee ko jaanciàn Ŋaabla nà bà ni ye ka.

Korɛntsika reè jɔ̀naà 1:9

Ŋaablà riì ye kiriu, è ye ko e Dzin Kpiri Yesù Kirisà, mùn Tsìfaà bà gè soo, tɔ vusootsi.

Tesalonikika reè jɔ̀naà 2:12

Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Piyɛrì fiiraa 1:3

Goo nìì reè baraka ɲan mùn jaamabee faa, Ŋaablà jɔun shiɲaanbe yè bà ni mùn ɲan, à re ŋaablabee dzibaabee twɛy sìun mùn na, à y'à to mìn kiribaà tɔ̀, tɔ̀ niì mùn kiriu e yɛr'la nɔɔrɔɔ̀ ko e re wùɔ baraka rɔ̀n.

Piyɛrì jɔ̀naà 1:15

Ŋà ye bà mòdzìn fɛnɛ ì e re jaamabee ko e kuru doùn, a ci Ŋaablà riì ye kiriɔ, tɔ̀ sa fɛnɛɔ̀ nìi tsuru.

Filipika reè 4:13

Mun dzia goò sapɛ fa Kirisà baraka ɲan, tɔ̀ niì fààn siàn mun na.

Tsìmotè fiiraa 2:10

Tɔ̀ rii y'à to mun goò sapɛ ladzyèèmaa tsià n ma, Ŋaablà jaara moo rèè kamà, gè riì ni à to Yesù Kirisà baraka ɲan, twɛy sa yeè tsiuma tàrà, yè nɔɔrɔ dòbɛɛ tàrà.

Tesalonikika reè fiiraa 2:14

À ye kiriu ɲe re Kùnàgoo Dziɔ̀ baraka rɔ̀n tɔ̀ rii sa kamà, gè riì ni à to ye nìn yè jà mùn Tsìfa Yesù Kirisà nɔɔrɔɔ̀ ɲàn.

Lukì 22:32

Ŋà, mun Ŋaablà mafyɛɔ̀n wo re, sànko wo ɲɛn niì faɔ̀ Ŋaablà ra, tɔ mà bo wo ɲan waa. Wo ye na bà a yɛr'laa waatsi riì bwèy, wo yè sèè na mun na, a koòsì dzyee reè màxɔ̀n.»

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Kolosika reè 2:7

E jiɛ̀ gbaunma yè bà ni à ɲan, e re jaamabee gbàkur'la yè bà fuɔ̀ à tsɛ. E san gbaunma yè to ɲɛynaà ɲàn a ci à kàraun e ra nìi tsuru, ye baraka giri sìn Ŋaablà ra.

Ɔ̀rɔ̀mùnka reè 15:5

Arì she Ŋaablà riì mɔ̀ɲɔn siàn mòò rà, è mòò màxɔ̀n, tɔ̀ yeè e kɛsɛmàà bà soo, ye bà byɛɔ̀n a ci Yesù Kirisà ci nìi tsuru.

Yùxanà jɔ̀naà 2:25

À nìi làyiri seòn mùn ne, tɔ̀ rii yɛ jaamabe dziù dòbɛɛ.

Dzyèèsìbee mòdzin neè 9:15

Tɔ̀ kamà, à bàu sòrònfabaa, è dzyèèsìbè ye dɔn ɲe ko Ŋaablà fi. Tɔ fau, kàtsu, mòdzian fìrìgoo nìì reè fau Dzyèèsìbee bɔrɔɔ waatsi rɔn, à saunmaà y'à tou, tɔ̀ yeè mɛɛy bo è mà, yè bà Ŋaablà raa. Tɔ̀ tsuru, Ŋaablà na goo dziù dòbɛy niì reè làyiri seòn, à nìì reè kiriɔ, twɛy dzia tɔ̀ tàrà.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Ɔ̀rɔ̀mùnka reè 9:11

Àwà, dziin nèè naà kereo ŋe waa, yè nà dzin yè goowùù tàmafa gooɲaan fa waa, ŋà Ŋaablà saɔ na ni tsuù nòn è ɲankɛr'na tsɛ è kòrò à jaaraa ka.

Piyɛrì jɔ̀naà 4:11

Mòò riì waajibia faa, tɔ̀ y'a fa è kòrò Ŋaablà re goomaa ka. Mòò riì faagoò faa dzyee rèè rè, tɔ̀ y'a fa è kòrò Ŋaablà re fààn siunma ka à ra. Tɔ̀ tsuru goò sapɛ doùn, nɔɔrɔ yè bà ni ɲɛn Ŋaablà tsɛ Yesù Kirisà baraka ɲan, nɔɔrɔɔ̀ ko dzibaabee tɔ̀ niì raa, waatsi sen ɲɛn waatsi tsɛ. Àmiinà !

Ɔ̀rɔ̀mùnka reè 9:24

À ɲan màtsur'la mòdzin neè, à ɲe rìì gooma dekɔɔn, ɲe nìì reè kiri bou Dzyèèsìbee mòdzin neè fi, kun kpɛrɛ mòdzin neè.

Korɛntsika reè jɔ̀naà 1:10

Àwà neema ì, mun ye màxɔ̀ɔn nìi rà, tɔ̀ rii yɛ, ci mùn Tsìfa Yesù Kirisà tsoò kamà, ye e vuà ji soo, e fi mà vyɛ̀ waa. Kɛ̀sɛmà soo yeè bà ni e sapɛ re, ko akiri soo.

Piyɛrì jɔ̀naà 4:10

E sa kwɛ̀yge rìi tàraɔ̀ Ŋaablà re, y'a ka faagoò fa e si re. Tà tsuru, Ŋaablà re kwɛ̀ygeè kaatsi gir'là, e naà bà tɔ̀ goojaabobaa wùu ì.

Swiv nou:

Lyen patwone

Piblisite

Piblisite