Piyɛrì jɔ̀naà 4:18 - Bible Dzùùngoo Unicode

¹⁸ A ci à sɛbɛɔ̀n Ŋaablà re Goomaa doùn nìi tsuru ci «Mòdzin tereonmaà tsi ye ɲanbe, mòò riì na shia Ŋaablà jɔun waa ko gooɲaanfabaà, twɛy raà nà kun dzùrù ?»

Piyɛrì jɔ̀naà 4:18 Referans Kwoze

Lukì 23:31

A y'a jà min tɔ̀ dè, nìi gɔ̀ɔ̀ ciraan, a y'a jà tɔ kuàn nèe kuun'n kur'lee ra, è na wɔ gɔɔ gɔ̀r'la tsɛ do !»

Yudè 1:15

è bà ni kitsia kùnùn mòdzian sapɛ tsɛ. Nìì reè na shia Ŋaablà jɔun waa, è kitsi mɛɛy twɛy sapɛ tsɛ e faadzii ɲaan neè kamà, tà ko Ŋaablà jɔun shiɲaanbɛybeè doùn, twɛy gooɲaan fa reè gooma xɔù gè o ge dèu.»

Korɛntsika reè jɔ̀naà 10:12

Tà doùn, mòò riì y'à jàa ci wo ni e san tsɛ, tɔ̀ yeè e yɛrɛ kun, à mà nà mɛɛy waa.

Ɔ̀rɔ̀mùnka reè 1:18

Àwà, mòdzian shibɛybeè Ŋaablà jɔun ko è re terenbɛybeè kamà, Ŋaablà re vununtaà yè e kpadeò è bo jìran nɔ̀n. È re terenbɛy goo reè saabu rɔ̀n, è sààbeen màmɛnɛɔn.

Kɛɛradzin neè faadziɛ 14:22

Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.

Piyɛrì fiiraa 3:7

Àwà tɔ̀ Gooma soo baraka ɲan, dòònuùn dzɔ̀nxɔɔ̀ ko jìrànxɔɔ̀ sa màrà tsùuŋnà sàà rìì lè. Ɔ̀ɔn, è màrà tsùuŋnà kitsia jisee kamà, nìì reè na shia Ŋaablà jɔun waa, twɛy bara sii sèè.

Piyɛrì jɔ̀naà 5:8

Ye e akiri to e yɛr'le, e maà cìi waa. È ɲɛn à tsɛ, ye ɲan Sànwɔbaà yè e gurugur'la a ci jɛ̀r'liì gɛyn boò, è bà mòò kunàma gaa à y'à tàà.

Ɔ̀rɔ̀mùnka reè 5:8

Ŋà Ŋaablà, tɔ mùn kɛ̀niɔ̀n nìi tsuru, à tɔ̀ kpàdèu mùn na. È ɲɛn à tsɛ, è mùn to gooɲaan ɲàn, Kirisà saun mùn kamà.

Dzyèèsìbee mòdzin neè 4:1

Àwà, Ŋaabla ɲànwɔma nìi làyiri seòn mùn ne tɔ̀ goò na mɛrɔɔn waa. Tà doùn, è tɔ̀ to tsùù sààn, mìn yɛrɛ kaàwɔ, mòò mà nà jà e ɲan, nìi raa goo nà à to, è to dɔ̀n bɛy waa.

Ɔ̀rɔ̀mùnka reè 5:6

È mùn to ŋɔ̀n fyɛ̀nbeè ɲàn, waatsi kpadèumaà doùn, nìì reè na shia Ŋaablà jɔun waa, Kirisà saun twɛy mòdzin neè kamà.

Kɛɛradzin neè faadziɛ 27:24

À dziun mun na ci: "Polì, maà shi waa, fɔ wo re kitsia yè bè kùnùn Ɔ̀rɔmùn màsà kpiri blàa rè. Ŋaablà ɲanwùɔ doùn wo ka, wo ko gè o ge ni konkoron blaa doùn, wo kamà è sapɛ nà tsi."

Lukì 15:1

Àyìwà, xɔnsɔɔn tsi reè, ko mòdzin faadzii ɲaan kpɛrɛ ì yè nà e kpɛrɛ̀ Yesù rà, yè e toro wɔ à re goomaa rè.

Kɛɛradzin neè faadziɛ 27:31

Ŋà, Polì yè dzin kaadzin kuntsiɛ ko kaadzin dzyee reè rà ci: «Nèe rèe ma to konkor'na doùn fyeu, e na naà dzi tsi saàn rà dɛ.»

Tsìmotè jɔ̀naà 1:9

Mìn nèe fàànmun: sàrìyaa na tsùuŋnà mòdzin tereonmaà kamà waa fɔ terenbɛy reè, ko mòdzin mabaunma rèè, ko nìì reè na shia Ŋaablà jɔun waa, ko gooɲaan fa reè, ko nìì reè màgoo na ni Ŋaablà ɲan waa, ko Ŋaabla tɔ bɛy reè, ko nìì reè yè e fa vua, nìì reè yè na vua, ko mòdzìn vu reè.

Yàkubà 5:6

Ye kitsi mɛrɔun mòdzin tereonmaà tsɛ y'a vu, à na dzi ye sɔ̀swɛy tsu waa.