Bib sou entènèt

Paj dakèy
Bib sou entènèt
Piyɛrì jɔ̀naà 3:4

Piyɛrì jɔ̀naà 3:4 - Bible Dzùùngoo Unicode

⁴ Ŋà e re màwɔɔ yè bà duùn naa màwɔɔ rìì, nìi màwɔ mɛnɛunma. Tɔ̀ rii yɛ vununmadzibeè ko vununciàn. Tɔ màwɔ, nìi na bar'la waa, à kpà yè bà xɔ Ŋaablà re.

Gade chapit la Kopi

tounen moute ⬆

Piyɛrì jɔ̀naà 3:4
40 Referans Kwoze

Kolosika reè 3:12

Tà doùn, ye nìì reè Ŋaablà jaara bouma rèè, à re mòò rèè ko à re kɛ̀niunma rèè, y'a to màtsuru brisi yè bà ni e ɲan, wùù yeè bà ni e ɲan, màjaa yeè bà ni e ɲan, vununmacin yè bà ni e ɲan, ko mɔ̀ɲɔn.

Ɔ̀rɔ̀mùnka reè 2:29

Ŋà Dzyèèsìbee mòdzin takia, tɔ̀ rii yɛ, duùn naà, shimaangoo yè bà dùsùkuan raa shimaangoo. Shimaangoo riì faɔ̀ Ŋaablà re Dzia baraka rɔn, nìi na sɛbɛn goo waa. Tɔ̀ mòdzian yè e raa tsoo dzia tàr'la è bo Ŋaablà rii lè, à na mòdzin neè waa.

Matsiyù 11:29

Ye mun seen seen sen, y'a to min karàn, kàtsu mun vunun ma dzi, min bà mòdzin majàaŋma. Tà tsuru, ye xɔɔn nà làànfyɛ tàrà.

Tsitè 3:2

È mà mòò pɛn tsoo bara, yè kaà jɔun bo, yè bà mòdzin vunun ma dzi ì, kudɛyn è vunun mà yè bà ciɔn mòdzian sapɛ ka.

Matsiyù 23:26

Faridziɲɛn jaana ì ! Ye yukuɔn doòn rìì fòò fyɛ ŋe. Tɔ̀ ye fa, à bòòn sa nà fyɛ.

Ɔ̀rɔ̀mùnka reè 7:22

Àwà, mun duùn nɔ̀n, Ŋaablà re sàrìyaa goò dzi mun na.

Korɛntsika reè fiiraa 4:16

Tɔ̀ kamà ɲe gɔn na vu jaà waa. È ɲɛn à tsɛ, arì ɲe dà kèrè gɔɔn kɛ̀nsɛɛn ye ba bara beè, ɲe doùn kèr'là bà beè yeu siì saa see.

Tesalonikika reè jɔ̀naà 4:11

Ye nìi gaa, tɔ̀ rii yɛ, ye e re jaamabee fa jaancin doùn, ye e yɛr'le goo rèè jaa bo, ye faagoò fa e yɛr'la si rèè ka, a ci mùn y'a shi kpadèu e ra nìi tsuru.

Efɛsika reè 4:2

Ye e majàà, ye e vunun mà cin, ye e mɔɲɔn. Ye e si re goo ku kɛ̀nbààbe doùn.

Piyɛrì jɔ̀naà 3:15

Ŋà Kirisà rìi Tsìfaà, y'a to tɔ̀ yeè bà gè fɛnɛ e dusùkuan doùn. E si to xɔ nìi tsɛ, mòò ye e tey tɔ̀ mà, e mabyɛ̀n tsuuŋma yè bà ni kudɛyn, ye jaabi wuu sin à tsìfa ra.

Tsìmotè jɔ̀naà 2:2

Ye Ŋaablà mafyɛ̀n màsa reè ko fàànma reè sapɛ re, gè riì ni à to mìn jaamabee fa jaancin ko akiritsuu doùn, Ŋaablà jɔun shiɲaanbe ko blàbe tsɛ.

Lukì 11:40

È man'nèè jà ! Nìi ye màà ɲɛun, tɔ̀ soo rìì na ye duɔ̀n sa ɲɛn gbɛ ?

Yàkubà 1:21

Tɔ̀ kamà, ye san bo goo nooŋmaà sapɛ ɲan, ye sèè bo ɲanbe goo dzyee reè sapɛ kpɛyn. Ŋaablà re gooma niì jiɔ̀ e duùn, ye e tsiì tɔ̀ ra ko vununmacin ka. Tɔ̀ rii dzia ye xɔɔn tsi.

Tsìmotè fiiraa 2:25

Sɔ̀swɛ̀y fa reè, è twɛy kàràn ko vununmacin ka. Gè sɔ̀n ge Ŋaabla dzia cinan è mà, yè e re jaamabee lakere, yè sààbeen tɔ̀.

Tesalonikika reè fiiraa 3:12

Àwà nìì reè ni tɔ̀ tsuru, mùn nìi dè màxɔbee è ra, mìn màxɔ̀n mùn Tsìfa Yesù Kirisà tsoo ra, tɔ̀ rii yɛ ci yè faagoo fa akiritsuu ka, yè e yɛrɛ dziira gaa.

Matsiyù 5:5

Nìì reè vunun ma dzi, twɛy raa wùbeu, kàtsu, è nà dzɔ̀nxɔɔ̀ tàrà shɛn.

Ɔ̀rɔ̀mùnka reè 6:6

Mìn bà à tɔ̀, ci juu bɔrɔɔ riì na ni mùn ɲan, tɔ gbaun gɔɔ̀ rà ko Yesù ka. Tɔ fau, gè riì n'a to mùn gooɲaan gɔɔn yè bara, mùn mà bà gooɲaan rè jon ì dɛ.

Lukì 16:15

Yesù yè dzin è ra tɔ̀un ci: «È ba mòdzian jaa ra, ye yè e yɛrɛ baà mòdzin tereonma ì, ŋà, Ŋaablà y'a tɔ̀ nìi ni ye duùn. Gè niì gè blà mòdzian rè, yè bà baraka wɔɔ̀ à ɲan, tɔ̀ gèè goo xɔ Ŋaablà ma.»

Piyɛrì jɔ̀naà 1:23

Ye sèè kereu yeu, ŋà tɔ̀ na fa shìmàn tsu baraka ɲan, nìi bar'la waa fɔ bara bɛy, tɔ̀ niì Ŋaablà re gooma jaamaa, dò na ni à mà waa.

Kolosika reè 3:3

È ɲɛn à tsɛ, ye saun, ye re jaamabee yè bà mɛnɛɔn Kirisà rè, Ŋaablà ɲan.

Galatsika reè 5:23

vununmaciàn, yɛ̀rɛ̀kuan. Sàrìya pɛn na kaa faa twɛy goo rèè ka waa.

Korɛntsika reè fiiraa 10:1

Àwà mun Polì, mun nìi baɔ̀ mɛ̀nshɛ̀n moo, min ba ni ye ka, mun vu yè bà xɔ ye ka mun dàn ye ba gbàn ye ra, mun ye màfyɛ̀ɛn nì, Kirisà rè vununmaciàn ko à ɲan wùbee kamà.

Matsiyù 21:5

«Y'a dè Siyɔ̀n gàneè dzin taan nà, Yerusalɛmunka reè rà ci: "Ye re màsà kpir'là nàkɔɔn siin ye re. À vunun ma dzi, è bà tèroòn shùkwɛ̀yna bòùn. Shùkwɛ̀yn kpèr'niin boùn, faagoo faa dzwɛka dzin."»

Ɔ̀rɔ̀mùnka reè 1:23

Ŋaablà riì na saàn waa, è tɔ̀ nɔɔrɔɔ̀ ɲancinaun ko ge ì ka, nìì reè saàn, nìi yɛ mòdzin bosi ge ì, kɛ̀yn neè, sàn nààlèn ge reè, ko gè nìì reè yè e ger'na e don tsɛ.

Swiv nou:

Lyen patwone

Piblisite

Piblisite