Bib sou entènèt

Paj dakèy
Bib sou entènèt
Piyɛrì jɔ̀naà 3:22

Piyɛrì jɔ̀naà 3:22 - Bible Dzùùngoo Unicode

²² À tèyn bèu jìrànxɔɔ̀ doùn, è bà tsùuŋnà mɔn Ŋaablà sirama si jaa rè. Mɛ̀rɛ̀kɛ rèè ko kùntsii rèè, ko dzibaabe reè sapɛ koroòn à re.

Gade chapit la Kopi

tounen moute ⬆

Piyɛrì jɔ̀naà 3:22
24 Referans Kwoze

Dzyèèsìbee mòdzin neè 9:24

Mòdzian bùù gba vyama niì gbaun e si ka è bà jìrànxɔɔ̀ raà bosi, Ŋaablà Jaara Modzìàn na dɔn tɔ̀ doùn fɛnɛɛ doùn dɛ, ŋà, à dɔ̀un jìrànxɔɔ̀ raà yɛ̀r'la rìì doùn, è bà tsìiŋnà Ŋaablà jaaterema dòònuùn, è mùn ne goo rèè jaa boò.

Dzyèèsìbee mòdzin neè 12:2

Àwà Yesù, mùn jaà gban tsùuŋma yè to tɔ̀ rii là, kàtsu mìn bà ɲɛɔ̀n Ŋaablà ra, wò rii tɔ̀ shia dzii saun, è bà à dziitsyɛnbaa. À yè e tsiiŋ, y'à gban gɔɔ̀ rà, y'à vu. Tɔ̀ yeè fa, tɔ̀ na ba à seè goo waa, kàtsu à taa na ni taamadzibe mà, Ŋaabla nìi lamɔnɔ̀n tsùuŋnà à re. Dòònuùn, è tsuuŋnà Ŋaablà sirama si jaa rè.

Dzyèèsìbee mòdzin neè 10:12

Ŋà, Ŋaablà Jaa ra Moò, tɔ saaka jaa soo pe rii bou, nìi ni tsuù kudɛyn, è bà ni mòdzian rè gooɲaantsiɛ bo è vu ra. Tà shɔ̀ùn, è tsuù Ŋaablà sirama si jaa rè.

Marikì 16:19

Àwà, Tsìfa Yesù gooma doumaà shɔ̀ùn kàràndzin neè ka tɔ̀ tsuru, à ɲan yeè sen fu bo è ɲan, è tèyn be jìrànxɔɔ̀ doùn, è bè e tsuù Ŋaablà sirama si jaa rè.

Dzyèèsìbee mòdzin neè 8:1

Àyìwà, mùn yɛ nìi sapɛ deè nèe, tɔ̀ goò kùngɔɔ̀ rìì yɛ, ci tɔ̀ tsuru Saaka Jɔundzin ni ɲe re, nìi tsùuŋnà Ŋaablà re màsà gbaaniɛn sirama si jaa rè, ŋaablaxɔɔ̀ doùn.

Dzyèèsìbee mòdzin neè 6:20

Yesù jɔ̀na dɔ̀un mɔn, ɲe kamà. À bàu Saaka Jɔundzin kudɛyn, a ci Mɛlɛkisɛdɛkì na ni nìi tsuru.

Kolosika reè 3:1

Àyìwà, ye ba kpunaun ye bo saàn ɲàn ko Kirisà ka, ye jìrànxɔ rɔ̀n naa gè rèè rìì gaa sa, Kirisà tsùuŋnà min niì, Ŋaablà sirama si jaa rè.

Ɔ̀rɔ̀mùnka reè 8:38

Àwà mun ɲɛɔ̀n à ra, ci goo sɔn pɛn fa dzi ɲe vyɛ̀ bo Ŋaablà re kɛ̀nbààbee rà waa, à tɔ̀ niì kpàdèu Yesù Kirisà ɲàn, mùn Tsìfaà. Ɔ̀ɔn, a ci à saàn ò, jaamabee ò, mɛ̀rɛ̀kɛ rèè ò, kùntsii rèè ò, dòònuùn naa waatsia goo rèè ò, waatsi nakɔɔn raa rèè ò, dzitsi rèè ò, jìran nɔ̀n gè rèè ò, dzɔ̀nxɔɔ̀ dzuun naa rèè ò, gè ɲɛunma kpɛrɛ gè o ge, è pɛn fa dzi ɲe vyɛ̀ bo Ŋaablà re kɛ̀nbààbee rà waa.

Ɔ̀rɔ̀mùnka reè 8:34

Tsì rii nà kitsi mɛɛy è tsɛ ? [Yesù] Kirisà rìì na san, è sèè kɔn è kpunan bo fùn nèè fi gbɛ ? Wò rii na tsùuŋnà Ŋaablà sirama si jaa rè, è bà ni màfyɛɛ̀n nà mùn ne o ?

Matsiyù 22:44

"Mùn Tsìfa Ŋaabla dziun mun Tsìfaà rà ci: Nà a tsuù n sirama si jaa rè, fɔ min b'à ɲan rèè sapɛ wɔ dò a san dzuun."

Dzyèèsìbee mòdzin neè 1:3

Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

Korɛntsika reè jɔ̀naà 15:24

Tɔ̀ rii shɔ̀ùn, lataan waatsi nà wɔ, tɔ̀ y'a tàrà à kùntsììbee sapɛ baraɔ̀, è fàan sapɛ bara, ko dzibaabee sapɛ, è màsàbee wɔ Fà Ŋaablà suun.

Kɛɛradzin neè faadziɛ 3:21

Àwà, sani tɔ̀ yeè fa, à wù Yesù yè to mɔn jìrànxɔɔ̀ doùn ŋe, fɔ jisee riì, goò sapɛ nà e lakere è bà yeu, a ci Ŋaablà na à deò nìi tsuru dan, è bo à re kɛɛra fɛnɛ reè dzu.

Kɛɛradzin neè faadziɛ 1:11

Twɛy yè dzin è ra ci: «Galileka reè, fee rìì ye tsìiŋnà mìin, ye yè bà Ŋaablaxɔɔ̀ siɛ̀n ? Yesù nìi bou ye fi, è sen fu bè jìrànxɔɔ̀ doùn, à sen fu bèu nìi tsuru, ye nà à sèè jàà nakɔɔn ja sii sɔn see tɔ̀ fau'n kuru soo rà.»

Marikì 12:36

Màsà kpiri Dawudà yɛ̀r'la to dziun Ŋaablà re Dzi Fɛnɛɛ baraka rɔ̀n ci: "Mùn Tsìfa Ŋaabla dziun mun Tsìfaà rà ci: Nà a tsuù n sirama si jaa rè, fɔ min b'à ɲan rèè sapɛ wɔ dò a san dzuun."

Dzyèèsìbee mòdzin neè 1:13

Ŋaabla dzin jàu nòn mɛ̀rɛ̀kɛ rèè kɛ̀n na ci: «Nà a tsuù n sirama si jaa rè, fɔ min b'à ɲan rèè sapɛ wɔ a san dzuun.»

Lukì 20:42

Dawudà yɛ̀r'la to y'à dèe Zàbur'leè sɛbɛɛn doùn nèe tsuru ci: "Mùn Tsìfa Ŋaabla dziun mun Tsìfaà rà ci: Nà a tsuù n sirama si jaa rè.

Matsiyù 28:18

Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Dzyèèsìbee mòdzin neè 1:6

Ŋà, Dzin Kpir'liì boo Ŋaablà ɲan, è bà ni gè sapɛ jɔun, à ci e ye tɔ̀ ka na dziɲan doùn waatsi riì bwèy, à dziun ci: «Mɛ̀rɛ̀kɛ rèè sapɛ yeè e kuu à bììn, y'à blàbe.»

Dzyèèsìbee mòdzin neè 4:14

Tà doùn, Saaka Jɔundzin bla ni ɲe re, nìi ni dzyee rèè sapɛ kuùn, è bà ŋaablaxɔɔ̀ fi shɛun è bè fɔ Ŋaablà re. Tɔ̀ Saaka Jɔundzin blaa rìì Yesù, Ŋaablà Dzin Kpir'la. Tɔ̀ gàneè kamà, mùn ɲɛɔ̀n goo nìi rà, mìn to tsùù tà tsɛ m'a kun gban gban.

Yùxanà 13:32

[À saabu rɔ̀n Ŋaablà blabee ye tɔ], Ŋaablà yɛr'la sa nà à to, à blàbee yè tɔ̀ wò saabu rɔ̀n. À nà tɔ̀ fa dòonen.

Swiv nou:

Lyen patwone

Piblisite

Piblisite