Piyɛrì jɔ̀naà 3:20 - Bible Dzùùngoo Unicode

²⁰ Ɔ̀ɔn nìì reè yè mabaun dan, Ŋaablà yeè bà e mɔɲɔun è tɛyn Nuùn nè konkoron blaa lamɔnɔ̀n bwey, nìì doùn mòkun danman, ŋaalon pe tsi bou yuà fi.

Piyɛrì jɔ̀naà 3:20 Referans Kwoze

Piyɛrì fiiraa 2:5

Nìi dan dziɲaan mòdzin neè, Nuùn bwèy mòdzin neè, à na twɛy tsu to mɔn waa. Twɛy nìi reè na shia Ŋaablà jɔun waa, à ŋaa brìsià bàji nau è tsɛ. Nuùn nìi na terenbee gbango faa, è tɔ̀ ko e re mòò rèè rìì bàsɔùn tsi, è mòkun ŋaalon.

Dzyèèsìbee mòdzin neè 11:7

Nuùn ɲɛunmaà kamà Ŋaablà ra, Ŋaabla goo nìì reè dèu à ra, ci è nà fa, twɛy jàbɛ̀ybeè ko e raà sa, Nuùn e si kuun Ŋaablà re goomaa nà. È konkoron bla gbaan lamɔ̀nɔ̀n, sànko à ko e re mòdzìnbee yè tsi. Tà tsuru, à kitsi mɛrɔun e raa waatsia mòdzian tsɛ. À to ɲɛn niì fau Ŋaablà ra, Ŋaablà y'a kpàdèu mòdzin tereonma tɔ̀ kamà.

Matsiyù 7:14

Ŋà shi niì bèe jaamabee rà, tɔ̀ dɔ̀nmàdziɛ dzyɛ̀n à nɔ̀ɔ̀dzii yè bà ɲaan. Mòò bɛrɛ na tɔ̀ tàr'la waa.

Piyɛrì fiiraa 3:15

Àwà ye bà à tɔ̀ rii, ci mùn Tsìfaà rè mɔ̀ɲɔɔn, tɔ̀ rii yɛ ye yè tsi a ci mùn neema kpiri kɛniunma Polì sa y'a dèu ye ra nìi tsuru e re sɛbɛɛn doùn, è kòrò Ŋaablà re akiritsifabe siunmaà ka à ra.

Ɔ̀rɔ̀mùnka reè 9:22

Àwà, à na Ŋaablà sao, è re vununtaà ko e re dzibaabee kpàdè mòdzin ì nà, nìì reè kiriɔ vununtaà mòdzin neè. È na wɔɔ bara, ŋà, è mɔɲɔun è tɛyn cɛyn.

Lukì 12:32

Tà shɔ̀ùn Yesù yè dzin e re kàràndzin neè rà kɔn ci: «Ye kpɛ̀yn na giri waa, ŋà, e maà shi waa. À dzibeu ye fà Ŋaablà ra, è ye dɔ̀n e re màsàbee ɲàn.

Efɛsika reè 5:26

À tɔ̀ fau, è bà ni à fɛnɛbe, à fòoŋmaà shɔ̀ùn è fyɛ, yuà ko Ŋaablà re goomaa baraka rɔ̀n.

Kɛɛradzin neè faadziɛ 2:41

Nìì reè na ni mɔn, twɛy giri yè e tsiì Piyɛrì rè goomaa nà, y'à to yè ye jaara foò Ŋaablà re shia goo rèè rà ko yuà ka. Tɔ̀ sii sèè, mòkun gbaa zhììgi rii yè e bau Yesù rè kàràndzin neè tɛ̀y.

Piyɛrì jɔ̀naà 1:9

È ɲɛn à tsɛ, ye nìi tàraɔ̀ e re ɲɛynaà tɔ̀nɔ̀n, tɔ̀ rii yɛ ye xɔɔn tsiumaà.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 2:25

Àwà ye na ni a ci sàà fìriuma ì. Ŋà dòònuùn, ye yè e kpɛyn sèeŋ e xɔn reè kplatsuubaà ko è kààwɔbaà mà.

Piyɛrì jɔ̀naà 3:19

Nìì reè xɔɔn ni kàsoò rà laxaran, à bèu tɔ̀ rii tsuru, è bè Kùnàgoo Dziɔ̀ dè twɛy rà.

Piyɛrì jɔ̀naà 4:19

Tà tsuru, nìì reè byɛɛn è kòrò Ŋaablà saɔ ka, twɛy yè e kɛɛ̀yfa Ɲɛnbaà mà, tɔ̀ niì vusootsi, yè geren goowuu faa rè.