Piyɛrì jɔ̀naà 3:17 - Bible Dzùùngoo Unicode

¹⁷ È ɲɛn à tsɛ, e bà byɛɛn goowuu faa kamà, tɔ̀ rii ye ba Ŋaablà saɔ, tɔ fyan e bà byɛɛn gooɲaan faa kamà.

Piyɛrì jɔ̀naà 3:17 Referans Kwoze

Piyɛrì jɔ̀naà 3:14

Àwà ye to kɛ̀nsɛɛn ye byɛn, terenbee yè bà saabu, ye raa wùbeu. E maà shi è shia goo pɛn jɔun, e akiri to mà gbiiman.

Piyɛrì jɔ̀naà 4:19

Tà tsuru, nìì reè byɛɛn è kòrò Ŋaablà saɔ ka, twɛy yè e kɛɛ̀yfa Ɲɛnbaà mà, tɔ̀ niì vusootsi, yè geren goowuu faa rè.

Matsiyù 26:39

Tà shɔ̀ùn è kpɛrɛ̀ be jɔun dɛyn, è bè e kunun gban, è kuu, è Ŋaablà mafyɛ̀n ci: «Mun Fà Ŋaablà, è ba dzia fa, byɛnbe riì nàkɔɔn yɛ mun tàrà, à dàn gbànbe n na. Tà ko e sa ra, mun naa sàɔ mà fa dɛ, wo raà rìì yè fa.»

Piyɛrì jɔ̀naà 2:20

Àwà yè ba ye byɛɛn kàtsu ye gooɲaan ni faɔ̀, ye kɛ̀nsɛɛn ye ba tɔ̀ tsia e ma, ye re blàbe kɛn ni tɔ̀ ɲan ? Ŋà yè ba ye byɛɛn kàtsu ye goowùù rii faɔ̀, ye ye ba tɔ̀ tsia e ma, tɔ Ŋaablà ɲanwùù rii kpàdèe.

Kɛɛradzin neè faadziɛ 21:14

Ɲe y'à bo gbau e akir'là tsɛ nìi fa, ɲe tsu na sɔɔ̀n à kpɛyn dɛ, ɲe yè dzin bàsɔùn nì ci: «Arì she, nìi Tsìfaà sàɔ, tɔ̀ yeè fa.»

Matsiyù 26:42

È ma bo è ra kɔn e jaa fiira ɲan, è bè Ŋaablà mafyɛ̀n ci: «Mun Fà Ŋaablà, byɛnbe ree jɔun ma ba dzia bo bou'n kuru pɛn fɔ è mun tàr'li, wo sàɔ yè fa.»

Piyɛrì jɔ̀naà 4:15

E sɔn mà byɛn ni ci e vuifabaa, tàmafa shɔn, tàmafa gooɲaanfabaa, tàmafa ci e ye e dzii jiɔ̀ mòò rèè goo ɲan waa.

Piyɛrì jɔ̀naà 2:15

È ɲɛn à tsɛ Ŋaablà saɔ rìì yɛ, goowùɔ fakɔɔn, tɔ̀ yeè mòdzin akiribɛy ko goo jaa tɔ bɛy reè dziɛ̀ tsyee.

Kɛɛradzin neè faadziɛ 18:21

Polì nàu shi tarà è re waatsi riì bwèy, à ci e ye bè, è dzin è ra ci, Ŋaa ye e tsiì à ra, wò nà sèè na, wò yeè nà bo è kpà. Tɔ̀un, è dɔ̀n konkoron blaa doùn mɔn Efɛsì, è dɔ̀n be.

Piyɛrì jɔ̀naà 1:6

Tɔ̀ kamà ye taama dzi, ye to kɛ̀nsɛɛn ye ba ni byɛnbee kaatsi giri gè doùn dòònuùn, tɔ̀ ye bà naɔ̀ taamaŋununbe ka ye mà waatsi dɛɛnin bàsɔùn doùn.