Bib sou entènèt

Paj dakèy
Bib sou entènèt
Piyɛrì jɔ̀naà 2:24

Piyɛrì jɔ̀naà 2:24 - Bible Dzùùngoo Unicode

²⁴ À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Gade chapit la Kopi

tounen moute ⬆

Piyɛrì jɔ̀naà 2:24
50 Referans Kwoze

Matsiyù 8:17

Tɔ fau, sànko Ŋaablà re kɛɛra Esayì na nìi dè dɔɔ̀n bɔrɔɔ, tɔ̀ yeè bo e shi tsɛ, nìi yɛ ci: «È kungɔ wɔu mùn gbaa goo rèè dzuun, è mùn ne ɲìn'nèè seen sen.»

Ɔ̀rɔ̀mùnka reè 6:11

Tà doùn, e sa y'a jà, ci ye saun gooɲaan kàjaa tsɛ, ye to ni jaamabe riì rà, ye tɔ̀ faa Ŋaablà re fa rii ɲàn, Yesù Kirisà ɲàn.

Goo kpàdèuma rèè 22:2

Wɔ̀ɔ̀ da blàa fi rɔn, baà bìɛ. Baà kàjaa fii fi, jaamabee gɔ̀ɔ̀ku xeo nìi dzin jaa teeŋ fii faa jiɛ doùn, kuu soo soo sapɛ dzin jaa soo, à tsira rèè yè bà kun neè mòdzian jan faa.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yàkubà 5:16

Tà doùn, ye e tsiì e re gooɲaan fauma rèè rà, y'a dè e si ra, ye Ŋaablà mafyɛ̀n e si kɔ̀, sànko ye cɛrɛmabe. Fàan ni mòdzin tereonmaà rè màfyɛɛ̀n ɲàn, fɔ è bè geren.

Dzyèèsìbee mòdzin neè 9:28

Tɔ̀ fau'n kuru soo rà, Ŋaablà Jaara Modzìàn sa bàu saaka jaa soo pe rii, è mòdzian rè gooɲaantsiɛ mɛɛy bo è vu ra. À tou è nà e jaa fiira ɲan kɔn. Tɔ̀un, à fa bà gooɲaantsii reè mɛɛy kamà dɛ waa, Ŋà, nìì reè y'à màshua, à nà bà naɔ̀ twɛy rìì tsi.

Galatsika reè 3:13

Kirisà ɲe kùngɔ màbou sàrìyaa dangaa suun, à yɛ̀r'la yè bà danga ɲe kamà, kàtsu à sɛbɛɔ̀n ci: «Mòò o moò nà gban gɔɔ̀ rà, tɔ̀ yeè danga.»

Ɔ̀rɔ̀mùnka reè 6:2

Ayi dɛrɛ! Mùn saunmaà shɔ̀ùn gooɲaan kàjaa tsɛ, mùn dzia to tsùù gooɲaan ɲàn dzùrù kɔn ?

Kolosika reè 3:3

È ɲɛn à tsɛ, ye saun, ye re jaamabee yè bà mɛnɛɔn Kirisà rè, Ŋaablà ɲan.

Ɔ̀rɔ̀mùnka reè 6:13

E maà e gɔɔ̀n min sɔn pɛn to gooɲaan suun, è bà terenbɛybeè rè faagoo faa gè waa. Ŋà ye e yɛrɛ sin Ŋaablà ra a ci mòdzin ì, nìì reè sèè kpunan bou saàn ɲàn, yè bà jaama, è gɔɔ̀n min niì sapɛ yeè bà ni terenbee faagoo rà Ŋaablà re.

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Ɔ̀rɔ̀mùnka reè 7:6

Ŋà dòònuùn, mùn tsi bou sàrìyaa suun. Tɔ̀ niì na mùn baɔ̀ e re jòn, mùn saun tɔ̀ kàjaa tsɛ. Tà tsuru, mùn ni faagoo yeu rii là sa, nìi Ŋaablà re Dzia raà. À na sàrìyaa sɛbɛndzian raà dɛ, è ɲɛn à tsɛ, tɔ bɔrɔun.

Yùxanà jɔ̀naà 3:7

N ne dziniin ì, e maà à to mòò pɛn yè e san fìrì. Mòò riì terenbee goo rèè shi jiɛ, tɔ tereòn a ci Kirisà sa tereòn nìi tsuru.

Ɔ̀rɔ̀mùnka reè 6:7

À tà tsuru, è ɲɛn à tsɛ, mòò riì saun, tɔ bou gooɲaan suun.

Ɔ̀rɔ̀mùnka reè 6:16

Ye na à tɔ̀ ci ye ye e yɛrɛ wɔ mòò suun ye bà à re jòn, y'a dzugoomaa shi jiɛ, ci ye tɔ̀ niì dzugooma shi jiɛ, y'a re jòn nì sààben na ɔ ? Tà tsuru, ye ma ba gooɲaan rè jòn tɔ̀ niì nàa saàn ka, ye kpɛ̀yn Ŋaablà dzugoomaa nì shi jiɛ, tɔ̀ niì nàa terenbee ka.

Korɛntsika reè fiiraa 6:17

È ɲɛn tɔ̀ tsɛ, Tsìfaà ci: «Ye bo è fi, ye e dan gbànbe è ra. E maà e dzyɛn gè nooŋma pɛn na. Tɔ̀un, mun nà n tsiì ye ra.»

Kɛɛradzin neè faadziɛ 5:30

Ye Yesù nìi gbaun gɔɔ̀ rà, y'a vu, ɲe fàbɔɔ rèè rè Ŋaabla tɔ̀ rii sèè kpunan bou saàn ɲàn.

Lukì 4:18

«Mùn Tsìfa Ŋaablà re Dzia ni mun ɲan. Tɔ̀ rii y'à to è mun bo, ci mun yè nà gbakɔɔn reè toro kɔ̀ Kùnàgoo Dziɔ̀ rà. À mun ka naɔ, ci min nà byɛnkɔɔn reè laba goòmà dè è ra, min jaana reè jaa dzii san goòmà dè twɛy rà, nìì reè xɔn bìiŋnà, min twɛy bo vi ra.

Matsiyù 5:20

Àwà, mun nì ci e ra, ye raa terenbee ma geren Sàrìryà Kaamoo reè ko Faridziɲɛn rèè raà tsɛ fyeu, dɔ̀n goòmà na ni ye mà Jìrànxɔɔ̀ Màsà ganee doùn waa.

Dzyèèsìbee mòdzin neè 12:13

Tà doùn, ye jìì shi tsɛ, nìì tereòn, sànko, sànsɔun nèè raa sàn nèè mà bo e si dzu waa, ŋà, yè cɛrɛmabe.

Kɛɛradzin neè faadziɛ 13:29

Goo o goo na sɛbɛɔ̀n à re goò ɲàn, è tɔ̀ sapɛ bo dòu e shi tsɛ waatsi riì bwèy, à na gbaɔn gɔ̀ɔ rìi rà, yè b'a jàà bo tɔ̀ ra, yè b'a wɔ fùnkɔɔ sɔn ne. Tɔ̀ ɲɛɛna faà ɲàn, jàci kpankɔɔ.

Kɛɛradzin neè faadziɛ 10:35

A bau kun o kun modzìn, a re blàbe ye ba ni Ŋaablà tsɛ, e bà goo tereonma faa, a goò dzi à ra.

Dzyèèsìbee mòdzin neè 7:26

Tà doùn, mùn màgoo na ni Saaka Jɔundzin niì kaatsi ra taki, tɔ Yesù rìì. À fɛnɛɔ̀, jààma na n'a na, à na gooɲaan pɛn fa ja, à sen bou gooɲaan fa reè ɲàn, è sen teyn fɔ ŋaablaxɔɔ̀ dààn rà.

Kolosika reè 2:20

Ye saunmaà shɔ̀ùn ko Kirisà ka ye sàn yè bo dziɲaan goo rèè ɲàn, fèe bèe à to ye yè e san ji sàrìya ì ɲàn kɔn, a ci ye re jaamabee ni dziɲaan nì suun ?

Ɔ̀rɔ̀mùnka reè 6:22

Ŋà dòònuùn, ye xɔrɔnbeumaà ye bo gooɲaan ɲàn, ye bàu Ŋaablà re jon ì. Tɔ̀ nàfaà rìì yɛ goo nìì reè dzi Ŋaablà ra, à lataan yè bà jaamabe dziù dòbɛɛ.

Kɛɛradzin neè faadziɛ 10:39

Yesù goo nìì reè sapɛ fau Dzyèèsìbee mòdzin neè rè jàmaàn doùn, ko Yerusalɛmùn wɔ̀ɔ̀ doùn, ɲe twɛy goo rèè sapɛ jau e jaadzin fiɛ̀ ka. Y'à gbaun gɔɔ̀ rà mɔn nì, y'à vu.

Matsiyù 27:26

Tɔ̀un, Pilatsì yè Barabasì bàji è kɔ̀. Ŋà Yesù, à y'à to yè tɔ̀ dɔrɔ sɛyn ka, tà shɔ̀ùn à y'à wɔ è suun, ci è bè gban gɔɔ̀ rà.

Efɛsika reè 5:9

È ɲɛn à tsɛ, vyevyeè dziàn nì yɛ goowùɔ sapɛ, terenbee sapɛ, sààbeen sapɛ.

Yùxanà 19:1

Àyìwà, Pilatsì yè dzin tɔ̀un, ci Yesù yè kun, è dɔrɔ sɛɛn ka.

Filipika reè 1:11

E ɲantsyɛunmaà terenbee dziàn nà è bo Yesù Kirisà rè, tɔ̀ yeè blàbe ko tsoo dzi ɲɛn Ŋaablà tsɛ.

Marikì 15:15

Àwà, Pilatsì n'a re è jàmaà sàò fa nìi fa, è Barabasì bàji è kɔ̀. Ŋà Yesù, à y'à to yè tɔ̀ dɔrɔ sɛyn ka, tà shɔ̀ùn à y'à wɔ è suun, ci è bè gban gɔɔ̀ rà.

Korɛntsika reè jɔ̀naà 15:3

Mun yɛ̀r'la kàràn nìi tàrau, mun tɔ̀ jɔ̀na deu ye ra, nìi yɛ, ci Kirisà saun ɲe re gooɲaantsii reè kamà, a ci à sɛbɛɔ̀n Ŋaablà re Goomaa doùn nìi tsuru.

Kolosika reè 2:14

Sɛbɛn niì na faɔ̀ mùn kamà è bà mùn jààkia è kòrò à doùn sàrìya reè ka, à tɔ̀ tsùsa bou mɔn, à y'à gban gɔɔ̀ rà, è mɛɛy.

Dzyèèsìbee mòdzin neè 10:5

Tɔ̀ kamà, Ŋaablà Jaara Modzìàn ci e ye nà dziɲaan doùn, à dziun Ŋaablà ra ci: «Wo na gaa mòò rè dzwɛka saaka ra, wo to na gaa mòò rè kwɛ̀yge ra, ŋà, wo mun ɲɛun gɔn yè bà ni mun ne.

Dzyèèsìbee mòdzin neè 10:10

È bà à kpàdèe sa, ci Ŋaablà Jaara Moo Yesù Ŋaablà saɔ fau. È gɔɔ̀n siun saaka jaa soo pe, à y'à ka mùn fòò fyɛ bo e re gooɲaantsiɛ ɲàn.

Swiv nou:

Lyen patwone

Piblisite

Piblisite