Bib sou entènèt

Paj dakèy
Bib sou entènèt
Piyɛrì jɔ̀naà 1:7

Piyɛrì jɔ̀naà 1:7 - Bible Dzùùngoo Unicode

⁷ Àwà sɛn'na bar'la gè rìì, ŋà tà ko e sa ra, à jia sà kɔɔ rè à noo yè bo. Tɔ̀ soo tsuru, ye re ɲɛyna nìi nàfa blà sɛn'na mà, twɛy byɛnbe reè sa ye tàr'la rìì, gè riì ni à to à ɲan ye siin, à wùbee yè tɔ̀, è dzi na tsoo dzi, ko nɔɔrɔ ko blàbe ka ye mà Yesù Kirisà kpàdè sii sèè.

Gade chapit la Kopi

tounen moute ⬆

Piyɛrì jɔ̀naà 1:7
53 Referans Kwoze

Yàkubà 1:12

Àwà, mòò riì byɛnbee tsià e ma e sɔn màsiinkɔɔn waatsi rɔn, tɔ̀ tsìfa raà wùbeu. À raà wùbeu, kàtsu à sɔ̀n màsiin dòumaà shɔ̀ùn, Ŋaabla nìi làyiri seòn e kɛnbaa rèè rè, tɔ̀ yeè bà jaamabe dziù dòbɛɛ màsà baanflaa, à nà tɔ̀ tàrà.

Piyɛrì jɔ̀naà 4:12

N ne kɛ̀niunma rèè, dzuunbwey xɔù rìi ni ye tsɛ dòònuùn, a ci ye ni sà rìì ɲàn, tɔ mà ji e dzii tsɛ è bà jàci à ye tor'na goo waa.

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

Korɛntsika reè jɔ̀naà 3:13

Ŋà è soo soo sapɛ faagoo kaatsi rìi faɔ̀ tɔ nà kpàdè fyɛ. Tsìɛ̀ sii sèè, tɔ nà tɔ̀, è ɲɛn à tsɛ, sàà nà à kpàdè. Tɔ̀ sii sèè, mòdzian soo sookɔɔn sapɛ re faagoò nìi boò, sàà nà tɔ̀ dzuun bo.

Yudè 1:24

Arì she, nìi dzia ye màrà, è ye tààn mɛɛ̀ mà, è ye jààkìbɛy tsiiŋma to taamadzibeè ɲàn nɔɔrɔɔ̀ jaaterema,

Piyɛrì fiiraa 1:4

Twɛy baraka ɲan, gè blà kpaxɔù nìì reè làyiri seun mùn ne, twɛy sìun mùn na. Tà tsuru goo fyeeŋma nìì reè ni dziɲaan doùn, kur'la goo ɲaan yè bà saabu, ye nà dzi e tsi twɛy rà, ye yè e nin tàrà Ŋaablà juɔ ɲàn.

Piyɛrì jɔ̀naà 2:4

Ye kpɛrɛ̀ Tsìfaà rà, kpàà jaamaa. Mòdzian yè e nɔun à re, ŋà Ŋaablà y'a bou e jaara, à kpà yè bà xɔ à re.

Matsiyù 25:21

À tsìfaà yè dzin à ra tɔ̀un ci: "Tɔ wùbeu, wo jòn wùù, w'e bà tereòn. Wo tereun nèe goorii rèe faa doùn, mun nà wo tsùù blà kuùn. Nà a taama dzibe a tsifaà ka."

Goo kpàdèuma rèè 3:10

Wo y'à mɔɲɔn niì fau w'e to mun ne goomaa tsɛ, mun sa nà wo màrà dzɔ̀nxɔɔ̀ tsɛ byɛnbe nakɔɔn jɔun, tɔ̀ niì nà dziɲaan ko e kur'la mòdzian sapɛ tarà, è dzuun bo.

Goo kpàdèuma rèè 2:10

Byɛnbe niì nà wo tàrà, maà shi tɔ̀ jɔun waa. Sànwɔbaà nà ye swey ji kàso doùn, è bà ni ye dzuun bo. Tà doùn, ye nà bwèy tsyeùn byɛnbe fa. Bà vusootsi è bè suu fɔ saàn dzu. Tà tsuru, mun nà jaamabee màsà baanflaa sìn wo ra.

Goo kpàdèuma rèè 1:7

À siin nèe, à nàa mun'na ɲàn. Jaadzin sapɛ nà à jà, arì nìì reè y'à vɔ̀ tsɔu. Dzɔ̀nxɔɔ̀ tsɛ tsua sapɛ nà gɛyn à kamà. Àmiinà !

Korɛntsika reè jɔ̀naà 4:5

Tà doùn, e maà kitsia kùnùn e waatsia jɔun waa. E maà à kùnùn, Tsìfaà nà bwey mà bà wɔɔ waa, tɔ̀ riì ye na nà, à nà tsitsii dzuun goo mɛnɛunma rèè sapɛ bo vyevyeè rà, è duungoo reè sapɛ bo da. Tɔ̀un mòdzian soo soo sapɛ wù tsoo dzi riì ka, è nà tɔ̀ tàrà Ŋaablà re.

Kɛɛradzin neè faadziɛ 8:20

Ŋà, Piyɛrì yè dzin à ra ci: «Wo ko a re ɲɛɛn, e fiɛ̀ sa yeè bara, kàtsu, wo y'à jàtsi kuun, ci Ŋaabla gè niì sìan maana, tɔ dzia fì ɲɛyn ka.

Yùxanà 12:26

Mòò riì ye ba n'a re w'e faagoò fa mun ne, fɔ è gban mun kpɛyn. Tɔ̀ tsuru, mun ye ba ni min niì, mun ne faagoofadzian sa nà bà ni mɔn. Mòò riì ye ba ni faagoò rà mun ne, Fà Ŋaabla nà blà wɔ tɔ̀ ɲan.

Yùxanà 5:44

Ye dzia ɲɛn mun na dzùrù ! Ye ko e si fi blàbee, ye tɔ̀ rii gaa, blàbe riì to boo Ŋaablà soo pe re, ye na tɔ̀ gaa waa.

Lukì 12:33

Ye e suun ge reè gɔɔ, ye gbakɔɔn reè kɔ̀ à ɲɛɛn nà. Ye nàfòrò marama lamɔnɔ̀n tsùù, nìi na dzia bara waa. Ye nàforo marà tsùù e yɛrɛ jɔun gbey, nàfor'liì na dzia dò waa, shɔn ì fa dzi à tàrà shɔn, daa ì tsu to fa dzi dɔn à ɲan mɔn.

Matsiyù 25:23

À tsìfaà yè dzin à ra tɔ̀un ci: "Tɔ wùbeu, wo jòn wùù, w'e bà tereòn. Wo tereun nèe goorii rèe faa doùn, mun nà wo tsùù blà kuùn. Nà a taama dzibe a tsifaà ka."

Matsiyù 19:28

Yesù yè dzin è ra ci: «Sààben na, mun nì ci e ra, goò sapɛ ye na bà yeu waatsi riì bwèy, Adamà dziàn yè e tsuù e re màsà gbaaniɛn tsɛ, nɔɔrɔɔ̀ màsà gbaaniɛn, ye nìì reè yè e gbaun mun kpɛyn, ye sa nà e tsuù màsà gbaaniin teeŋ fii tsɛ, ye yè kitsia kùnùn Isirayɛlì mòdzian kun teeŋ fii rèè tsɛ.

Goo kpàdèuma rèè 3:18

Tɔ̀ kamà, mun nà nìi dè a ra, tɔ̀ rii yɛ, ci sàà ka sɛnu niì noo boo, tɔ̀ sɛn'na fì n ne, e bà ni ba gètsi. Vya fyɛ ì fì n ne, e twɛy ji a ma. Tà tsuru, wo màà nà dzii tsyee, wo fa seey tàrà a maxɔ̀ɔ̀maa ka dɛ. E jaaɲinin jan fi n ne, e tɔ̀ ji a jaa tsɛ, e bà ni jɛ̀y fa.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Piyɛrì jɔ̀naà 2:7

Tà doùn ye ɲɛynamoo rèè, à ye kùùn seun. Ŋà ɲɛynabɛy reè rè, «Gbà ji reè kpàà riì maaŋ, tɔ̀ rii nàu sèè è bà gbàà kpàà jɔnaa, gbàà nɔ̀nkɔ̀n kpaa.

Piyɛrì jɔ̀naà 1:5

Ɔ̀ɔn ye nìì reè màraɔ̀ Ŋaablà re dzibaabee baraka ɲan è ɲɛn ɲɛynaà tsɛ ye tsià kamà, tɔ̀ niì nà e kpadè waatsi lataan ɲàn.

Ɔ̀rɔ̀mùnka reè 2:29

Ŋà Dzyèèsìbee mòdzin takia, tɔ̀ rii yɛ, duùn naà, shimaangoo yè bà dùsùkuan raa shimaangoo. Shimaangoo riì faɔ̀ Ŋaablà re Dzia baraka rɔn, nìi na sɛbɛn goo waa. Tɔ̀ mòdzian yè e raa tsoo dzia tàr'la è bo Ŋaablà rii lè, à na mòdzin neè waa.

Lukì 17:30

Adamà dziàn nà kpàdè sii rìi sèè, tɔ̀ goo soo rìì nà fa tɔ̀ sii sèè sa.

Ɔ̀rɔ̀mùnka reè 2:10

Mòò o moò to wùɔ faa, nɔɔrɔɔ̀ ko blàbee ko jaanciàn tɔ̀ nìn, è jɔ̀n Dzyèèsìbee mòdzin neè tsɛ, è bè suu kun kpɛrɛ mòdzin neè sa ra.

Ɔ̀rɔ̀mùnka reè 8:19

Àwà Ŋaablà re gè ɲɛunma rèè sapɛ kɔɔtɔɔ nìi rà, yè bà à màshua, tɔ̀ rii yɛ, Ŋaablà dzin nèè yè kpàdè.

Piyɛrì jɔ̀naà 1:13

Tɔ̀ kamà ye e ɲanshì, e akiri yè bà ni e yɛr'le. Ye e si ko e kuru xɔbe Ŋaablà ɲanwùɔ tsɛ e naà tɔ̀ niì tàrà è bo Ŋaablà re, Yesù Kirisà kpàdè sii sèè.

Piyɛrì jɔ̀naà 4:13

Ŋà ye yè e nin jà nìi faɔ̀ Kirisà rè byɛnbee ɲàn, ye e taama nì dzibe. Ye tɔ̀ fa, gè riì ni à to à nɔɔrɔɔ̀ nà e kpadè sii riì seè, tɔ̀ sa ye bà e re taamadzibe brìsi.

Piyɛrì jɔ̀naà 5:1

Àwà bɔɔ nìì reè ni ye fi, min vu boò twɛy rìì là dòònuùn, min màxɔ̀n. Mun sa yeè è tsuru bɔɔ, nìi Kirisà rè byɛnbe goo reè shɛɛrɛ. Nɔɔrɔ nìi nà nà e kpadè, mun sa nin ni tɔ̀ ɲan.

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

Swiv nou:

Lyen patwone

Piblisite

Piblisite