Piyɛrì jɔ̀naà 1:6 - Bible Dzùùngoo Unicode

⁶ Tɔ̀ kamà ye taama dzi, ye to kɛ̀nsɛɛn ye ba ni byɛnbee kaatsi giri gè doùn dòònuùn, tɔ̀ ye bà naɔ̀ taamaŋununbe ka ye mà waatsi dɛɛnin bàsɔùn doùn.

Piyɛrì jɔ̀naà 1:6 Referans Kwoze

Yàkubà 1:2

N neema ì, byɛnbee kaatsi gè o ge nà e tarà e ɲɛunmaà kamà Yesù rà, y'a sapɛ ba taamadzibe goo bla.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Ɔ̀rɔ̀mùnka reè 12:12

E si xɔ nìi tsɛ, ye taama dzibe tɔ̀ ra. Byɛnbee doùn ye e mɔɲɔn, ye e maxɔ̀n màfyɛɛ̀n nà.

Ɔ̀rɔ̀mùnka reè 5:2

Yesù rìì baraka ɲan, è kòrò ɲɛynaà ka, mùn nìn bàu ni Ŋaablà ɲanwùɔ ɲàn, mùn sàn gbaunma ni tɔ̀ niì ɲàn. Ɲe wàsau, è ɲɛn à tsɛ, ɲe si xɔ à tsɛ ci ɲe nà Ŋaablà nɔɔrɔɔ̀ tàrà.

Matsiyù 5:12

Ye e taama dzibe, taamadzibe brìsi ka, kàtsu, ye nà bàràji bla tarà Ŋaablà re. Kɛɛra niì reè dɔ̀n bou ye jɔun, è twɛy sa byɛun tɔ̀ rii tsuru.

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Yùxanà 16:22

Tɔ̀ soo tsuru, ye sa taama ŋunun dòònuùn, ŋà, mun nà ye sèè jà kɔn yeu. Tà doùn, ye taama nà dzibe cɛyn, mòò to fa dzi tɔ̀ taamadzibeè bo ye ɲan waa.

Matsiyù 11:28

Ye gè o ge byɛɔ̀n, seyn vuɔn yè bà ni ye kùùn, ye nà mun na, mun nà làànfyɛ sìn ye ra.

Ɔ̀rɔ̀mùnka reè 5:11

À na tɔ̀ bàsɔùn waa, Ŋaabla ɲe wàsau mùn Tsìfa Yesù Kirisà yè bà saabu, tɔ̀ niì baraka ɲan dòònuùn, ɲe ko Ŋaablà fia lamɔ̀nɔun.

Kɛɛradzin neè faadziɛ 14:22

Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.

Lukì 10:20

Ye re fààn ɲinaunmaà ko e sa kwey rèè mà, e maà tɔ̀ bà e taama dzibee goo waa. Ye tsoo rìi sɛbɛunma ni arìjinɛɛ̀ doùn Ŋaablà re, ye e taama dzibe tɔ̀ rii là.»

Piyɛrì jɔ̀naà 4:7

Goò sapɛ do waatsi tsyɛnbeò. Tà doùn, ye akir'là tsùù soo tsɛ, ye e taa to e yɛr'le, ye bà ni dzi màfyɛɛ̀n fa.

Yàkubà 4:9

Y'a tɔ̀, ci ye byɛnkɔɔn ì, e taama yè ŋununbe, ye gɛyn. E re jirangoo yè e lakere ba gɛyn, e re taamadzibeè yè e lakere ba jaakɔrɔun kuun.

Korɛntsika reè fiiraa 4:17

Àwà ɲe re nèe waatsi ree byɛnbee, tɔ̀ ŋɔn fyɛn è bà dɔ̀n boò. À nɔɔrɔ ko nɔɔrɔ rìì mà byɛn tsùɔ ɲe re, dò na ni nìi mà waa.

Yàkubà 1:9

Neema riì gbakɔɔn tɔ̀ yeè e taamadzibe, kàtsu Ŋaablà y'a ɲanseòn.

Filipika reè 3:3

A y'a myɛ̀n shɛunma taki reè, tɔ ɲe rìì. Ɲe nìì reè Ŋaablà blabee à re Dzia baraka rɔ̀n, ɲe yè e yɛrɛ blabe Yesù Kirisà ɲàn, ɲe si to na ɲɛɔ̀n e yɛr'leè tsɛ waa.

Korɛntsika reè fiiraa 6:10

Mùn jàa ci mùn taama ŋunun, mùn taama to dzi kudɛyn. Mùn jàa ci mun gbakɔɔn, tɔ̀ to y'à tàrà mùn mòò giri baɔ̀ gètsi. Mùn jàa ci gèsɔn na ni mùn suun, tɔ̀ to y'à tàrà gè sapɛ ni ɲe re.

Tesalonikika reè jɔ̀naà 1:6

Ye bàu ɲe shɔ̀ùnminanbaa ì, ye yè bà Tsìfaà shɔ̀ùnminanbaa ì. È ɲɛn à tsɛ byɛnbe xɔɔ̀ ko e raà sa, ye yè e tsiiŋ Ŋaablà re Goomaa nà ko taamadzibe ka, Ŋaablà re Dzi Fɛnɛɛ rè taamadzibe.

Filipika reè 4:4

Ye e taama dzibe Tsìfaà ɲàn waatsi sapɛ ! Min sèè à tsɛ kɔn, ye e taama dzibe !

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Ɔ̀rɔ̀mùnka reè 9:2

ci mun taama ŋununbeuma bla ni, mun vunuun yeè bà kɔ̀n tsùuŋnà kudɛyn.

Filipika reè 2:26

À kuru na ni à ra kɔsɔbɛ, è ye sapɛ ja, tà ko à akiri gbiimaɔ̀n ci ye wò re gɔuntaà myɛ̀un.

Lukì 2:10

Tɔ̀un, mɛ̀rɛ̀kɛɛ̀ yè dzin è ra ci: «E maà shi waa. Mun naɔ̀ kùnàgoo dziù rìì dè ye ra, nìi nà bà Dzyèèsìbee mòdzian sapɛ taamadzibe goo.

Lukì 1:47

Mun duùnà dzibeuma brìsi rìì to ni, à saabuà yè bà mun Tsibaa Ŋaablà.

Matsiyù 26:37

À bèkɔɔn, è Piyɛrì ko Zhebedè dzin kpiri fii rèè kiri bà e tɛy. Tɔ̀un à taama yè nà e maa è ŋununbee, à duungoo yeè bà doò.

Piyɛrì jɔ̀naà 3:17

È ɲɛn à tsɛ, e bà byɛɛn goowuu faa kamà, tɔ̀ rii ye ba Ŋaablà saɔ, tɔ fyan e bà byɛɛn gooɲaan faa kamà.