Bib sou entènèt

Paj dakèy
Bib sou entènèt
Piyɛrì jɔ̀naà 1:3

Piyɛrì jɔ̀naà 1:3 - Bible Dzùùngoo Unicode

³ Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.

Gade chapit la Kopi

tounen moute ⬆

Piyɛrì jɔ̀naà 1:3
56 Referans Kwoze

Piyɛrì jɔ̀naà 1:23

Ye sèè kereu yeu, ŋà tɔ̀ na fa shìmàn tsu baraka ɲan, nìi bar'la waa fɔ bara bɛy, tɔ̀ niì Ŋaablà re gooma jaamaa, dò na ni à mà waa.

Yùxanà jɔ̀naà 5:4

È ɲɛn à tsɛ, mòò o moò kere boo Ŋaablà re, tɔ dzi tar'la dziɲaan tsɛ. Goo rìi to dzi tarau dziɲaan tsɛ, tɔ mùn ne ɲɛynaà nì.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Efɛsika reè 1:7

À ɲan, mùn kùngɔ mabou à tsìɛn baraka rɔ̀n, mùn ne gooɲaantsii reè yè mɛɛy bo mùn vu ra è kòrò à ɲanwùù brisià ka.

Korɛntsika reè fiiraa 1:3

Tsoo dzi ye ɲɛn Ŋaa tsɛ, mùn Tsìfa Yesù Kirisà Fàà, màtsur'la sapɛ dzyeèma Faà, ko vununciàn sapɛ dzyeèma Ŋaablà.

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

Ɔ̀rɔ̀mùnka reè 12:12

E si xɔ nìi tsɛ, ye taama dzibe tɔ̀ ra. Byɛnbee doùn ye e mɔɲɔn, ye e maxɔ̀n màfyɛɛ̀n nà.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Efɛsika reè 1:3

Tsoo dzi yeè ɲɛn Ŋaa tsɛ, mùn Tsìfa Yesù Kirisà Fàà, wò riì yè e re Dzia dzwɛɛ̀ sapɛ ladzyèèmaa kuun mùn mà jìrànxɔɔ̀ doùn, Kirisà ɲàn.

Efɛsika reè 3:20

À dzi ni Ŋaablà riì ɲàn è dzi goò sapɛ fa è geren mun ne gaaŋmaà ko mùn kɛ̀sɛmàà sapɛ tsɛ à re dzibaabee baraka rɔ̀n, tɔ̀ niì ni faagoò rà mùn ɲan,

Efɛsika reè 1:17

Mun tɔ̀ faa, gè riì ni à to, mùn Tsìfa Yesù Kirisà rè Ŋaablà, nɔɔrɔɔ̀ Fàà, tɔ̀ yeè akiriblabe sìn ye ra, è bà goo rèè kpàdèe, ye yè dzi Ŋaablà tɔ cɛyn.

Piyɛrì jɔ̀naà 3:21

Tɔ̀ na jaara foo tàànmàshɛn ni, nìi ye tsià dòònuùn. À na gɔɔ̀n raa noo reè boò jaara foo waa, ŋà a ye a dzii rìì sìn Ŋaablà ra, akiri wùù ka. Jaara foo ye tsià Yesù Kirisà sèè kpunaunmaà nì baraka ɲan, è bo saàn ɲàn.

Tsìmotè jɔ̀naà 1:14

Mùn Tsìfaà ɲanwùɔ blàbeu mun kàjaa tsɛ fɔ è bè geren, è ɲɛn ɲɛynaà ko kɛ̀nbààbee tsɛ, tɔ̀ niì ni Yesù Kirisà ɲàn.

Efɛsika reè 2:4

Ŋà Ŋaablà ɲan màtsur'la blà è bà mùn kɛ̀niɔ̀n kɛ̀nbààbe brisi ka.

Yàkubà 1:18

À bàu à sàò, è ɲe ɲɛn e re sààbèn goòmàà baraka rɔ̀n, gè riì ni à to, ɲe yè bà à re gè ɲɛunma rèè sapɛ ɲan kùngɔ̀ jɔna reè sɔn.

Tsitè 2:13

Mìn tɔ̀ fa, mùn si xɔ nìi tsɛ, mìn bà ni tɔ̀ goo blàa màshua rà, ko mùn Tsibaa Yesù Kirisà, mùn ne Ŋaablà blaa nɔɔrɔ nìi nà kpàdè.

Korɛntsika reè jɔ̀naà 15:20

Ŋà sààben ci yè e de, Kirisà kpunaun è bo fùn nèè fi. Wò rii bàu fùn nèè kùngɔ̀ jɔna kpunaunmaà.

Korɛntsika reè jɔ̀naà 13:13

Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

Yùxanà jɔ̀naà 3:9

Mòò o moò kere bou Ŋaablà re, tɔ̀ na gooɲaan faa waa, kàtsu Ŋaablà re gètsua ni à ɲan. À na dzia gooɲaan fa waa kàtsu à kere boo Ŋaablà re.

Piyɛrì jɔ̀naà 2:2

A ci dzinyɛy kereuma yeu ì, ye sɔ̀ɔ̀n Ŋaablà re Goomaa nɔnɔn taki takìà kpɛyn, gè riì ni à to tɔ̀ baraka ɲan, ye dzi bɔɔ e tsià kamà.

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Tesalonikika reè jɔ̀naà 1:3

Ye re ɲɛynaà faagoò nìi boò, ko ye re kɛ̀nbààbee faagoò byɛnbee, ye si to xɔ nìi tsɛ, ye yè bà e shiɔ̀ à ra mùn Tsìfa Yesù Kirisà ɲàn, ɲe taa ni tɔ̀ mà kudɛyn mùn Fà Ŋaablà jaa ra.

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

Ɔ̀rɔ̀mùnka reè 8:24

Àwà, mùn kpɛ̀yn tsiu tɔ sààben, ŋà tɔ faɔ̀ rìì ci mùn si xɔ à tsɛ. A si to xɔ goo rìi tsɛ, e dzi tɔ̀ jà nòn, tɔ̀ na kir'la ci a si xɔ à tsɛ dɛ. A goo nìi jàa nòn, a si xɔbee tɔ̀ tsɛ dzùrù kɔn ?

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Yùxanà 1:13

Mòdzin ker'là kereu'n kur'liì rà kpiri ko tàan raa sàɔ doùn, à na ni a ci è bàu tɔ̀ rii tsuru Ŋaablà dzin ì dɛ, ŋà, Ŋaablà yɛr'la rìì yè è bàu e dzin ì.

Yùxanà jɔ̀naà 5:18

M'à tɔ̀ ci mòò moò kere boo Ŋaablà re, tɔ̀ na gooɲaan faa waa. È ɲɛn à tsɛ Dzin nìi kere boo Ŋaablà ɲan, tɔ̀ y'a màraɔ̀, Sùtana na dzia e dzyɛn à ra waa.

Yùxanà jɔ̀naà 5:1

Mòò o moò ɲɛɛn à ra ci Yesù Ŋaablà Jaara Modzìàn, tɔ kere boo Ŋaablà re. Mòò o moò to dzin faà kɛ̀ɛn, tɔ dziàn sa kɛɛn.

Kolosika reè 1:23

Ŋà, fɔ ye sàn gbaunma yè to ɲɛynaà tsɛ, goo sɔn pɛn mà dzi ye bo e shɔùn waa. Ye si to xɔ nìi tsɛ Kùnàgoo Dziɔ̀ doùn, e maà e bon wɔ tɔ̀ ra waa, e tɔ̀ Kùnàgoo Dziù rìi goomaa myɛ̀un, è bà dèu gè ɲɛunmaà sapɛ ra dziɲantsiɛ min niì sapɛ. Mun Polì, min bà bàu à faagoofabaa.

Ɔ̀rɔ̀mùnka reè 5:10

Àwà è ɲe to Ŋaablà ɲan ì, ɲe ko à fia ye ba dziu lamɔnɔ̀n à Dzin Kpir'la saàn yè bà saabu, à fyɛɔ ci tɔ̀ làmɔn'na shɔ̀ùn, à re jaamabee baraka rɔ̀n, ɲe nà tsi.

Ɔ̀rɔ̀mùnka reè 4:25

À dɔ̀un dziira mùn ne fìrìgoo rèè rìì kamà, è sèè kpunan bo saàn ɲàn, è kpadè ci mùn tereòn.

Yùxanà jɔ̀naà 4:7

N ne kɛ̀niunma rèè, mùn yeè e si kɛ̀n, è ɲɛn à tsɛ kɛ̀nbààbee boo Ŋaablà rii lè. Kɛ̀nbààbee ni mòò riì ɲàn, tɔ kere boo Ŋaablà re, è bà Ŋaablà tɔ.

Tesalonikika reè jɔ̀naà 4:13

Àyìwà neema ì, nìì reè saɔ nòn, mùn sàò na ni ye yè to sɔn tɔ bɛy twɛy raa goò kàjaa tsɛ waa. Tɔ mà nà bà ye taamaŋununbe goo a ci sixɔbema na ni nìì reè rè waa.

Galatsika reè 6:16

Àwà nìì reè sapɛ tɔ̀ goò shi jiɛ, mun ci Ŋaablà re jaanciàn ko à re màtsur'la yè bà ni twɛy sapɛ tsɛ, ko à re Isirayɛlì.

Tesalonikika reè fiiraa 2:16

Mùn Tsìfa Yesù Kirisà yɛ̀r'la ko mùn Fà Ŋaablà, twɛy nìì reè mùn kɛ̀niun, yè vununmacin dòbɛy sin mùn na ko siɲɛnma wùù è ɲanwùɔ baraka rɔ̀n,

Piyɛrì jɔ̀naà 1:13

Tɔ̀ kamà ye e ɲanshì, e akiri yè bà ni e yɛr'le. Ye e si ko e kuru xɔbe Ŋaablà ɲanwùɔ tsɛ e naà tɔ̀ niì tàrà è bo Ŋaablà re, Yesù Kirisà kpàdè sii sèè.

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

Piyɛrì jɔ̀naà 3:5

Dan dan, tààn fɛnɛ niì reè si na xɔ Ŋaablà tsɛ, twɛy na e mawɔɔ̀ tɔ̀ rii tsuru. È mà na jàaŋnà e re kpir'leè rè.

Piyɛrì jɔ̀naà 3:15

Ŋà Kirisà rìi Tsìfaà, y'a to tɔ̀ yeè bà gè fɛnɛ e dusùkuan doùn. E si to xɔ nìi tsɛ, mòò ye e tey tɔ̀ mà, e mabyɛ̀n tsuuŋma yè bà ni kudɛyn, ye jaabi wuu sin à tsìfa ra.

Swiv nou:

Lyen patwone

Piblisite

Piblisite