Piyɛrì jɔ̀naà 1:14 - Bible Dzùùngoo Unicode

¹⁴ Ye Ŋaablà vu kun a ci dzin gooma myɛnbaa ì. E na ni kur'la goo ɲaan niì reè fyɛ̀ùn tɔ̀bɛ̀ybeè waatsi rɔn, e maà e re jaamabee fa twɛy tsɛ dɛ.

Piyɛrì jɔ̀naà 1:14 Referans Kwoze

Ɔ̀rɔ̀mùnka reè 12:2

E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.

Efɛsika reè 2:2

Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

Tesalonikika reè jɔ̀naà 4:5

E maà à to gɔɔ̀n kur'la goo ɲaan yè dzi e dzuun, a ci kun niì reè na Ŋaablà tɔ waa, twɛy ni nìi tsuru.

Ɔ̀rɔ̀mùnka reè 6:4

Tɔ̀ jaara foo saabu rɔ̀n à saàn ɲàn, mùn sa fun wɔu à ka, gè riì n'a to, Kirisà kpunaun nìi tsuru è bo fùn nèè fi Fà Ŋaablà nɔɔrɔɔ̀ baraka rɔ̀n, mùn sa yeè jìì tà tsuru jaamabe yeu ɲan.

Kɛɛradzin neè faadziɛ 17:30

Àwà, mòdzian twɛy goo nìì reè sapɛ fa dɔun, è to naà à tɔ̀ ye nìi faa waa, Ŋaablà na è kpɛyn kaà tɔ̀ pɛn ka dɛ. Ŋà dòònuùn, è bè min niì sapɛ, à y'à gaa mòdzian sapɛ re, yè sèè bo twɛy goo kaatsi rèè kpɛyn, yè e re jaamabee fau'n kur'la lakere.

Efɛsika reè 5:6

E maà à to mòò pɛn yè e san fìrì e re gooma nafà bɛy ì ka waa. Tɔ̀ rii y'à to Ŋaablà re vununtaà wɔɔ̀ à dzugoomaa shi jiì bɛy reè tsɛ.

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !