Bib sou entènèt

Paj dakèy
Bib sou entènèt
Piyɛrì jɔ̀naà 1:13

Piyɛrì jɔ̀naà 1:13 - Bible Dzùùngoo Unicode

¹³ Tɔ̀ kamà ye e ɲanshì, e akiri yè bà ni e yɛr'le. Ye e si ko e kuru xɔbe Ŋaablà ɲanwùɔ tsɛ e naà tɔ̀ niì tàrà è bo Ŋaablà re, Yesù Kirisà kpàdè sii sèè.

Gade chapit la Kopi

tounen moute ⬆

Piyɛrì jɔ̀naà 1:13
35 Referans Kwoze

Piyɛrì jɔ̀naà 5:8

Ye e akiri to e yɛr'le, e maà cìi waa. È ɲɛn à tsɛ, ye ɲan Sànwɔbaà yè e gurugur'la a ci jɛ̀r'liì gɛyn boò, è bà mòò kunàma gaa à y'à tàà.

Lukì 12:35

Yesù yè dzin kɔn ci: «Ye e re ɲànshìàge reè ka e ɲanshì cɛyn, ye bà ni faagoò ɲan tsuù ɲàn. Ye e re fìtsina rèè den tsùù.

Piyɛrì jɔ̀naà 4:7

Goò sapɛ do waatsi tsyɛnbeò. Tà doùn, ye akir'là tsùù soo tsɛ, ye e taa to e yɛr'le, ye bà ni dzi màfyɛɛ̀n fa.

Piyɛrì jɔ̀naà 3:15

Ŋà Kirisà rìi Tsìfaà, y'a to tɔ̀ yeè bà gè fɛnɛ e dusùkuan doùn. E si to xɔ nìi tsɛ, mòò ye e tey tɔ̀ mà, e mabyɛ̀n tsuuŋma yè bà ni kudɛyn, ye jaabi wuu sin à tsìfa ra.

Dzyèèsìbee mòdzin neè 9:28

Tɔ̀ fau'n kuru soo rà, Ŋaablà Jaara Modzìàn sa bàu saaka jaa soo pe rii, è mòdzian rè gooɲaantsiɛ mɛɛy bo è vu ra. À tou è nà e jaa fiira ɲan kɔn. Tɔ̀un, à fa bà gooɲaantsii reè mɛɛy kamà dɛ waa, Ŋà, nìì reè y'à màshua, à nà bà naɔ̀ twɛy rìì tsi.

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

Tsìmotè fiiraa 4:8

Àwà è sen dòònuùn, terenbee màsà baanflaa màrà tsùuŋnà mun ne. Tsìfaà, kitsikununbaa tereunmaà nà à sìn mun na jisee lataan sii sèè. À fa bà mun bàsɔùn waa, nìì reè sapɛ nà à nà jisee kɛ̀n, à nà à sìn twɛy sa ra.

Efɛsika reè 6:14

Tà doùn ye san gban ! Sààbeen yè bà e dzun na ɲànshìàge, terenbee yè bà e vu ra myɛ̀ɛ̀n mɛyɛ.

Korɛntsika reè jɔ̀naà 1:7

Tà tsuru, mùn Tsìfa Yesù Kirisà nà nà e yɛrɛ kpadè rìi fa, è ye to tɔ̀ màshua rà, Ŋaablà ɲanwùɔ kwɛ̀yge pɛn na ye fɔɔn waa.

Lukì 17:30

Adamà dziàn nà kpàdè sii rìi sèè, tɔ̀ goo soo rìì nà fa tɔ̀ sii sèè sa.

Dzyèèsìbee mòdzin neè 10:35

Ye e si xɔbe niì faɔ̀ Ŋaablà tsɛ, e maà bo tɔ̀ tsɛ waa, kàtsu sàrà blà rii ni tɔ̀ doùn.

Dzyèèsìbee mòdzin neè 6:19

Ɲe si xɔbeò tɔ̀ niì tsɛ, tɔ ɲe dɔ̀ɔn fɔ vyaà kɛ̀yn, Ŋaabla ni min niì. À ɲe xɔɔn kun tsùuŋnà kpan fɔ tɔ̀ vyaà kɛ̀yn, a ci myɛ̀ɛ̀n kunun gbanàkàntàn nìi shiɔ̀ konkor'na nà, è bà ka à tsìɛ.

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Tsìmotè fiiraa 4:5

Ŋà nìi wo, goò sapɛ doùn, bà mòdzin, nìi akiri ni e yɛr'le. Byɛnbee ku a ɲan, e Kùnàgoo Dziɔ̀ dè. A re faagoò fa, a dzii tsyɛn.

Korɛntsika reè jɔ̀naà 13:13

Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

Ɔ̀rɔ̀mùnka reè 13:13

Mìn re jaamabee fa fyɛu tsɛ, a ci bwèytaaruɔ̀n ni nìi tsuru. È bà jaamabe, ɲwɛyn ɲɔn na ni nìi ɲàn baragooma, dɔ̀ɔ̀kɔ̀ɔ̀nbe to na ni à ɲan. Ɲànmɔ̀ɔ̀be na ni nìi ɲàn, kɛ̀kɛ̀ɛ̀ybe to na ni à ɲan. Kaa na ni nìi ɲàn, jaaɲininbe to na ni à ɲan.

Tesalonikika reè fiiraa 1:7

Ye nìì reè to byɛɛn, à nà ɲànwɔ sin ye ko ɲe sa ra, waatsi riì bwèy Tsìfa Yesù ye na e yɛrɛ kpadè bo jirànxɔ rɔ̀n, ko e re mɛ̀rɛ̀kɛ dzitsi rèè ka.

Lukì 17:8

N ci ye nà dzin à ra rii, ci è sà wɔ è ɲwɛyn goo jaa bo. Ɲwɛɛ̀n ye mɔn, è jòòn jìì vya reè bo, è vya kpɛrɛ ì wɔ. Ye raa nìàn è tɔ̀ sìn ye ra, ye yè ɲɔn, ye yè e min. Tà shɔ̀ùn, à sa yeè kòmànà ɲɔn, è min.

Ɔ̀rɔ̀mùnka reè 8:19

Àwà Ŋaablà re gè ɲɛunma rèè sapɛ kɔɔtɔɔ nìi rà, yè bà à màshua, tɔ̀ rii yɛ, Ŋaablà dzin nèè yè kpàdè.

Kolosika reè 3:4

Ye re jaamabee Kirisà rìì. È na e yɛrɛ kpadè sii rìi sèè, ye sa nà kpàdè ko à ka, à nɔɔrɔɔ̀ ɲàn.

Piyɛrì jɔ̀naà 1:10

Ŋaablà ɲanwùù riì na ye nìn, kɛɛra niì reè tɔ̀ gooma deu, twɛy tɔ̀ tsiɛ̀ goo rèè ɲan gaaŋ cɛyn, y'à ɲansiin.

Piyɛrì jɔ̀naà 5:12

Àwà Silivɛ̀n, mun tɔ̀ niì jàtsikuàn mùn neema è bà vusootsi, mun nèe dzii jaa fii sɛbɛn nee fau tɔ̀ rii ka, min bà ni ye màxɔ̀n, tà ko m'a dè ye ra, ci ye yè shiɔ̀ nìi rà, tɔ̀ rii Ŋaablà ɲanwùɔ takia.

Matsiyù 20:4

È dzin twɛy rà ci: "Ye sa y'a wa faagoò rà ɛ̀rɛ̀nzhɛ̀ndzu rɔ̀n. Ye wù sàr'lìi ka mun nà tɔ̀ sìn ye ra."

Swiv nou:

Lyen patwone

Piblisite

Piblisite