Bib sou entènèt

Paj dakèy
Bib sou entènèt
Piyɛrì jɔ̀naà 1:1

Piyɛrì jɔ̀naà 1:1 - Bible Dzùùngoo Unicode

¹ Mun Piyɛrì, Yesù Kirisà rè kɛɛradzian, nèe mun ne sɛbɛn, è sìn Ŋaablà jaara moo rèè rà, twɛy nìì reè jee jiɔ̀ yè bà ni tɔnɔnbee rà Pɔn mar'la, ko Galatsi mar'la, ko Kapadɔsi mar'la, ko Azhi mar'la, ko Bitsinin mar'la ɲàn.

Gade chapit la Kopi

tounen moute ⬆

Piyɛrì jɔ̀naà 1:1
34 Referans Kwoze

Yàkubà 1:1

Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Dzyèèsìbee mòdzin neè 11:13

Àwà, Ŋaablà na nìi làyiri seòn twɛy mòdzin neè sapɛ re, è ɲɛunma tou Ŋaablà ra è bè suu fɔ è saàn dzu, è na tɔ̀ tàrà waa. È kpɛ̀ynto y'à goò jàu jeenà, y'à taamadzibe fa. Yè e tsiiŋ à ra, ci ye tɔnɔn nauma ì nì dzɔ̀nxɔɔ̀ tsɛ, ye to bèbaa ì rìì.

Efɛsika reè 2:19

Tà doùn, ye na tɔnɔn ì dɛ, ye to na gànè kpɛ̀rɛ̀ dzin ì dɛ. Ye ko Ŋaablà re mòò rèè sapɛ bàu a ci jàmààn sòò dzin ì, ye bàu Ŋaablà re gbàdòùndzin ì.

Kɛɛradzin neè faadziɛ 8:4

Nìi reè na jeeŋna, twɛy na e ɲantsyeere beè gàne rèè ɲàn, yè mòdzian toro kɔ̀ beè Kùnàgoo Dziɔ̀ rà.

Yùxanà 11:52

À to fa san Dzyèèsìbee mòdzin neè tsua bàsɔùn kamà waa, ŋà, Ŋaablà dzin nìì reè jee jiɔ̀ min niì sapɛ, à nà twɛy sa dzyeè soo.

Matsiyù 24:22

Ŋaablà ma ba na sɔn boo twɛy jisee reè rà fyeu, mòò pɛn fa ni tsi waa. Ŋà, à nìì reè boo e jaara, twɛy kamà à sɔn boo twɛy jisee reè rà.

Piyɛrì jɔ̀naà 2:11

N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Efɛsika reè 2:12

Ye e taa to ci tɔ̀ waatsi rɔn, ye na Ŋaablà jaara modzìàn bɛy, ye nìn to naà ni Isirayɛlidzin neè ka waa. Ye na tɔnɔn ì Ŋaablà re dzyèèsìbe reè ko à re làyir'là kàjaa tsɛ. Siɲɛnma naà ni ye re waa, ye to na Ŋaabla bɛy ì dziɲan ree doùn.

Korɛntsika reè fiiraa 1:8

Àwà neema reè, byɛnbe riì ɲe tàrau Azhi mar'lɔùn, à na ɲe sào, ye yè to tɔ̀ tɔ̀ bɛy waa. Ɲe byɛun fɔ è bè geren. À tsun vùnbeu fɔ è bè geren ɲe fàan bɛ̀r'la tsɛ. Ɲe si tsu naà xɔ à tsɛ ci ɲe nà jaamabe fa dɛ.

Kɛɛradzin neè faadziɛ 18:2

À bèu wɔ mɔn, è Dzyèèsìbee mòdzin sɔn ja mɔn, tɔ̀ tsoo ci Akilasì, è bà màrà sɔn modzin, nìi kir'là, ci Pɔn. Tɔ̀ kpir'la ko e raa tààn na daɔn yeu, yè bo jàmàan sɔn ɲan, ci Itali, tàànmaa tsoo na Pirisiyì. Twɛy na naɔ̀ mɔn, kàtsu màsà kpiri blà riì ni Ɔ̀rɔmùn, ci Kloodzì, tɔ̀ na dziɔn ci Dzyèèsìbee mòdzin neè sapɛ yeè Ɔ̀rɔmùn wɔ̀ɔ̀ bàji. Tɔ̀un, Polì yè dzyèè twɛy ka.

Goo kpàdèuma rèè 1:11

À ci: «Wo nìi jàa, tɔ̀ sɛbɛn sɛbɛn doùn, a sìn be nèe wɔ̀ ɲɛ̀ɛ̀nun nèe ɲɛynamoo kur'lèè rà, nìi yɛ Efɛsì, ko Simirinìn, ko Pɛrigamùn, ko Tsiyatsirì, ko Saridzì, ko Filadɛlifì, ko Lawodzisè.»

Tsìmotè fiiraa 1:15

W'a tɔ̀ ci Azhi mar'la mòdzian sapɛ yeè e nɔun mun ne, Figelɔsì ko Ɛrɛmozhɛnɛ̀ sa.

Galatsika reè 1:2

Nèe sɛbɛn, mun ko n neema niì reè sapɛ ni mun ka, ɲe nìi kaà Galatsi mar'la ɲɛynamoo kur'lèè rè.

Korɛntsika reè jɔ̀naà 16:19

Azhi mar'la ɲɛynamoo kur'lèè ye tswàa. Akilasì ko Pirisiyì sa ye tswàa cɛyn Tsìfaà ɲàn ko ɲɛynamoo kur'lìi yè e ladzyèe è re tsii rɔ̀n.

Kɛɛradzin neè faadziɛ 19:10

È tɔ̀ fa, è bè tàrà jii fii. Tà goò yè bà saabu, Azhi jamaan mòdzin neè sapɛ toro yè ji Tsìfaà rè goomaa ɲàn, Dzyèèsìbee mòdzin sen ɲɛn kun kpɛrɛ mòdzin ì tsɛ.

Kɛɛradzin neè faadziɛ 18:23

Tɔ̀un, è waatsi dɛyn fa mɔn. À bou mɔn, è dɔ̀n be Galatsi mar'la ɲàn. È bo mɔn, è dɔ̀n be Firizhi mar'la ɲàn. Tɔ̀ sapɛ ɲan, è ɲantsyeere beè kàràndzin neè tsɛ, è màxɔ̀n beè, gè riì ni à to yè fààn tarà, è ɲɛunmaà doùn Yesù rà.

Kɛɛradzin neè faadziɛ 6:9

Tɔ̀un, ŋaablabegba sɔn na ni, yè bà tɔ̀ kir'là, ci 'Jòn bàjiuma rèè rè ŋaablabegbaà'. È mòdzin neè ɲàn, swey na boo Sirɛnìn wɔ̀ɔ̀ ɲàn, swey boo wɔ̀ sɔn ɲan, ci Alɛkisandziri, swey boo Silisi jamaan ɲàn, swey yè bà boo Azhi jamaan ɲàn. Àwà, twɛy mòdzin neè yè e maa, yè Etsiyɛnìn sɔ̀swɛɛ̀.

Yùxanà 7:35

Tɔ dèu min niì, mòdzian yè e si teè ci: «È bà nà bè min, sànko ɲe mà dzi à jà ? Dzyèèsìbee mòdzin niì reè jee jiɔ̀ yè e tsuù tsùù bè kun kpɛrɛ mòdzin neè fi, è bà nà bè twɛy rìì lè, è kun kpɛrɛ mòdzin neè kàr'na gbɛ ?

Matsiyù 10:2

Twɛy mòkun teeŋ fii nìì reè kiriu kɛɛradzin neè, twɛy tsoo rèè rìì siin nèe: jɔ̀naà tsoo Shimɔ̀n, à tsoò sɔn, ci Piyɛrì. Tɔ̀ raa tseyn nìi tsoo Andère, tɔ̀ yeè gban. Zhebedè dzin kpiri Yàkubà ko Yùxanà yè gban.

Matsiyù 4:18

Àwà sii sɔn see, Yesù jììkɔɔn Galile yu blàa dziire, è keresima mokun fii jà. Soo tsoo Shimɔ̀n, yè bà à kir'là sa Piyɛrì, soo tsoo yè bà Andère, Shimɔ̀n naa keresia. Twɛy na ni yɔ̀ maa rii là yu rɔ̀n, kàtsu è na jikunbaa ì rìì.

Lukì 18:7

Àwà, Ŋaabla nìì reè bo baɔ̀ e jaara, yè bà e vu boò à ra, y'à màfyɛ̀ɛn feèn ko bwèè sa, y'a kɛ̀sɛɛ̀ ci Ŋaablà fa sàrìyaa kùnùn è twɛy dzià sìn è ra gbɛ ? Ye yè bà à kɛ̀sɛɛ̀, ci è bà nà cin è kòmànà wɔ è ra gbɛ ?

Swiv nou:

Lyen patwone

Piblisite

Piblisite