Yùxanà jɔ̀naà 5:4 - Bible Dzùùngoo Unicode

⁴ È ɲɛn à tsɛ, mòò o moò kere boo Ŋaablà re, tɔ dzi tar'la dziɲaan tsɛ. Goo rìi to dzi tarau dziɲaan tsɛ, tɔ mùn ne ɲɛynaà nì.

Yùxanà jɔ̀naà 5:4 Referans Kwoze

Korɛntsika reè jɔ̀naà 15:57

Ŋà, mìn baraka sìn Ŋaablà ra, tɔ̀ niì baraka ɲan mùn dzi tar'la mùn Tsìfa Yesù Kirisà baraka rɔ̀n.

Yùxanà jɔ̀naà 4:4

Nìi ye, dziniin ì, ye bàu Ŋaablà raa, ye to dzi tarau è tsɛ nòn, è ɲɛn à tsɛ nìi ni ye ɲan, tɔ vùn dziɲaan raà mà.

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Yùxanà jɔ̀naà 3:9

Mòò o moò kere bou Ŋaablà re, tɔ̀ na gooɲaan faa waa, kàtsu Ŋaablà re gètsua ni à ɲan. À na dzia gooɲaan fa waa kàtsu à kere boo Ŋaablà re.

Yùxanà jɔ̀naà 5:5

Tsì rii dzi taraɔ̀ dziɲaan tsɛ ? Mòò riì ɲɛɔ̀n à ra, ci Yesù Ŋaablà Dzin Kpiri, tɔ tɔ̀ rii.

Goo kpàdèuma rèè 3:21

Mòò riì ye ba dzibaa, mun nà tɔ̀ tsùù n ka n ne màsà gbaaniɛn tsɛ, a ci mun sa bàu dzibaa nìi tsuru, min bè n tsuù n Fa Ŋaablà ka e re màsà gbaaniɛn tsɛ.

Goo kpàdèuma rèè 12:11

Mùn neema reè dzi tarau à tsɛ, sààtòmòìriɛ tsìɛn baraka rɔ̀n, ko e re shɛɛrɛbee goomaa baraka rɔ̀n. È na e xɔɔn kɛ̀n yè shi saàn jɔun waa.

Goo kpàdèuma rèè 3:5

Àwà, mòò riì ye ba dzibaa, tɔ̀ sa nà vya fyɛ ì wɔ tɔ̀ tsuru. Mun fa à tsoò tsùsa bo jaamabee sɛbɛɛn doùn waa, mun to nà n tsiì à ra n Fa Ŋaablà ko e re mɛ̀rɛ̀kɛ rèè jaa ra, ci m'a tsìfa tɔ̀.

Goo kpàdèuma rèè 2:11

Àwà, Ŋaablà re Dzia nìi dèe ɲɛynamoo kur'lèè rà, toro ì ye ba ni mòò riì rè, è bà è ka myɛ̀yn faa, è toro wɔ cɛyn à y'à myɛ̀n ! Mòò riì ye ba dzibaa, saàn fiiraa fa tɔ̀ tàrà dɛ.»

Goo kpàdèuma rèè 3:12

Mòò riì ye ba dzibaa, mun nà tɔ̀ bà n ne Ŋaablà re gbà blàa doùn tsindzin, à fa bo jà min niì dɛ. Mun nà n ne Ŋaablà tsoò sɛbɛn à tsìfa tsɛ, min Yerusalɛmun yee tsoò sɛbɛn à tsɛ, tɔ̀ niì mun ne Ŋaablàa rè wɔ̀, nìi nà jàà bo na à tɛyn jìrànxɔɔ̀ doùn, min tsoo ye sa sɛbɛn à tsìfa tsɛ.

Goo kpàdèuma rèè 2:26

Mòò riì ye ba dzibaa, è dzi to mun ne goo rèè tsɛ fɔ à lataan, mun nà fààn sin tɔ̀ ra, è bà ni kun neè mòdzian kùùn.

Yùxanà jɔ̀naà 5:1

Mòò o moò ɲɛɛn à ra ci Yesù Ŋaablà Jaara Modzìàn, tɔ kere boo Ŋaablà re. Mòò o moò to dzin faà kɛ̀ɛn, tɔ dziàn sa kɛɛn.

Goo kpàdèuma rèè 15:2

Tà shɔ̀ùn min gè jà, tɔ ni a ci yu jaa yereyere bosi gè, è bà a ci sa gbiimaɔ̀n à ɲan. Nìì reè dzi tarau kpar'na ko e ɲɛɛ̀n ko à tsoò dɛyn dziɛ tsɛ, twɛy na tsìiŋnà yu jaa yereyere bosi gè rèe tsɛ, Ŋaablà re dààn benàma rèè yè bà ni è suun.

Goo kpàdèuma rèè 2:7

Àwà, Ŋaablà re Dzia nìi dèe ɲɛynamoo kur'lèè rà, toro ì ye ba ni mòò riì rè è bà è ka myɛ̀yn faa, è toro wɔ cɛyn à y'à myɛ̀n ! Mòò riì ye ba dzibaa, jaamabee gɔ̀ɔ̀ku rìi ni Ŋaablà re àrìjinɛɛ̀ doùn, mun nà tɔ̀ dziàn sɔn sin tɔ̀ tsìfa ra, à y'à ɲɔn."»

Goo kpàdèuma rèè 2:17

Àwà, Ŋaablà re Dzia nìi dèe ɲɛynamoo kur'lèè rà, toro ì ye ba ni mòò riì rè, è bà è ka myɛ̀yn faa, è toro wɔ cɛyn, à y'à myɛ̀n ! Mòò riì ye ba dzibaa, mun nà manuàn sìn tɔ̀ tsìfa ra, manun mɛnɛunmaà. Min kpàà fyɛ sin à ra, tsoo ye sɛbɛɔ̀n tɔ̀ tsɛ, mòò pɛn na nìi tɔ̀ waa, fɔ à tàràbaà soo.»

Yùxanà 1:13

Mòdzin ker'là kereu'n kur'liì rà kpiri ko tàan raa sàɔ doùn, à na ni a ci è bàu tɔ̀ rii tsuru Ŋaablà dzin ì dɛ, ŋà, Ŋaablà yɛr'la rìì yè è bàu e dzin ì.

Yùxanà 3:3

Yesù yè dzin à ra ci: «Sààben na, mun nì ci a ra, mòò riì ma seè kere yeu fyeu, tɔ̀ tsìfa na dzia Ŋaablà re Màsàbee ɲɛn e jaara waa.»

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yùxanà jɔ̀naà 5:18

M'à tɔ̀ ci mòò moò kere boo Ŋaablà re, tɔ̀ na gooɲaan faa waa. È ɲɛn à tsɛ Dzin nìi kere boo Ŋaablà ɲan, tɔ̀ y'a màraɔ̀, Sùtana na dzia e dzyɛn à ra waa.