Yùxanà jɔ̀naà 5:14 - Bible Dzùùngoo Unicode

¹⁴ Mùn si xɔ nìi tsɛ Ŋaablà kajaa tsɛ, tɔ̀ rii yɛ ci mùn ye gè gaa à re è kòrò à sàɔ ka, à mùn lamyɛɛ̀n.

Yùxanà jɔ̀naà 5:14 Referans Kwoze

Yùxanà 14:13

Ye to ye gè o ge gaa mun tsoo ka, mun nà tɔ̀ fa, sànko Fà Ŋaablà blabee yè kpàdè, è bo Dzin Kpirimaa ɲàn.

Yùxanà 15:7

Ye ye to tsùù mun ɲan, mun ne gooma reè yè to tsùù ye ɲan, gè o ge ye e dzibe, y'a gaa, tɔ nà fa e re.

Matsiyù 21:22

Àwà, gè o ge, ye y'a gaa màfyɛɛ̀n doùn ko ɲɛyna ka, ye nà à tàrà.»

Yàkubà 4:3

Ye kɛ̀nsɛɛn y'a màfyɛ̀n, ye na à tàr'la waa, kàtsu à màfyɛ̀ùn'n kur'la na wù waa. À màfyɛ̀n kuàn nì yɛ, ye y'à ka e dzibee goo reè jaa bo.

Yùxanà 9:31

Mùn sapɛ y'a tɔ̀, ci Ŋaablà na e toro wɔɔ gooɲaan fa reè rè waa. Ŋà, nìì reè rè blàbe n'a tsɛ, yè bà à sàɔ shi jiɛ, è toro wɔɔ̀ twɛy rìì lè.

Efɛsika reè 3:12

Kirisà rìì ɲàn, ɲɛynaà baraka ɲan à ra, mùn ko akiritsuu dzia e kpɛrɛ̀ Ŋaablà ra, mìn gooma à ka, mùn na shiɔ̀ waa.

Yùxanà 16:24

Arì she, ye na gèsɔn pɛn gaa mun tsoo ka ŋe waa. Y'a gaa, ye nà à tàrà. Tà tsuru e re taamadzibeè yè bà taamadzibe dziitsyɛunma.

Yùxanà jɔ̀naà 2:28

Àwà dziniin ì, dòònuùn, ye to tsùù à ɲan, gè riì ni à to è na e yɛrɛ kpadè waatsi riì bwèy, mùn akiri yè bà tsùuŋnà. Ɔ̀ɔn, seey mà nà mùn tàrà à bììn à nà sii sèè waa.

Yàkubà 5:16

Tà doùn, ye e tsiì e re gooɲaan fauma rèè rà, y'a dè e si ra, ye Ŋaablà mafyɛ̀n e si kɔ̀, sànko ye cɛrɛmabe. Fàan ni mòdzin tereonmaà rè màfyɛɛ̀n ɲàn, fɔ è bè geren.

Dzyèèsìbee mòdzin neè 10:35

Ye e si xɔbe niì faɔ̀ Ŋaablà tsɛ, e maà bo tɔ̀ tsɛ waa, kàtsu sàrà blà rii ni tɔ̀ doùn.

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

Yùxanà 11:42

Mun y'à tɔ̀, ci wo y'à toro wɔɔ̀ mun ne kudɛyn, ŋà, mun nèe dèu nì, sànko jàma nìi sapɛ yɛ mun laguruɔ̀, yè ɲɛn à ra, ci wo rìì mun ka naɔ.»

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.