Bib sou entènèt

Paj dakèy
Bib sou entènèt
Yùxanà jɔ̀naà 5:13

Yùxanà jɔ̀naà 5:13 - Bible Dzùùngoo Unicode

¹³ Ye nìì reè ɲɛun Ŋaablà Dzin Kpir'la tsoò rà, mun nèe sɛbɛn nee fa siɔ̀n ye ra, ye yè bà ni à tɔ̀ ci jaamabe dziù dòbɛɛ ni ye re.

Gade chapit la Kopi

tounen moute ⬆

Yùxanà jɔ̀naà 5:13
26 Referans Kwoze

Yùxanà 20:31

Ŋà, nìì reè gooma deò, twɛy sɛbɛɔ̀n rìì, sànko ye ɲɛn à ra, ci Yesù rìì Ŋaablà Jaara Modzìàn, Ŋaablà Dzin Kpir'la. A to ye ɲɛn à ra, wo jaamabe dziɔ̀ tàrau à tsoò baraka rɔ̀n.

Yùxanà 1:12

Ŋà, swey yè e tsiiŋ à rà, yè ɲɛn à ra. Tà doùn, à y'à tou twɛy sapɛ yeè bà Ŋaablà dzin ì.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Yùxanà 3:18

Mòò riì ye ɲɛn à ra, kitsi na mɛrɔɔn tɔ̀ tsɛ waa, ŋà, mòò riì ma ɲɛn à ra, kitsia mɛrɔɔn tɔ̀ tsìfa tsɛ nòn, kàtsu à na ɲɛn Ŋaablà Dzin Kpiri soo rà waa.

Yùxanà jɔ̀naà 2:21

Mun na nèe sɛbɛn nee sìn ye ra ci ye na sààbeen tɔ̀ dɛ, ŋà m'a sìun ye ra ci y'a tɔ̀ rii, ci doò pɛn to na dzia bo sààbeen ɲàn waa.

Galatsika reè 4:6

Ye Ŋaablà dzin ì nìi fa, tɔ̀ kamà è Dzin Kpir'la rè Dzia ka na mùn dùsùkuan tsɛ, tɔ̀ yeè bà dziàn fààn na ci: «Bàa, mùn fàà»

Yùxanà jɔ̀naà 5:10

Mòò riì ye ɲɛn Ŋaablà Dzin Kpir'la rà, tɔ̀ shɛɛrɛbee ni tɔ̀ tsìfa ɲan. Ŋà mòò riì ma ɲɛn Ŋaablà ra, tɔ Ŋaablà baà doodebaa, kàtsu è Dzin Kpir'la shɛɛrɛbe riì bou, à na ɲɛɔ̀n tɔ̀ ra waa.

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.

Yùxanà jɔ̀naà 1:4

Ɲe twɛy goo rèè sɛbɛn siàn ye ra, gè riì ni à to mùn ne taamadzibeè yè bà taamadzibe dziitsyɛunma.

Piyɛrì jɔ̀naà 5:12

Àwà Silivɛ̀n, mun tɔ̀ niì jàtsikuàn mùn neema è bà vusootsi, mun nèe dzii jaa fii sɛbɛn nee fau tɔ̀ rii ka, min bà ni ye màxɔ̀n, tà ko m'a dè ye ra, ci ye yè shiɔ̀ nìi rà, tɔ̀ rii Ŋaablà ɲanwùɔ takia.

Korɛntsika reè fiiraa 5:1

Àwà m'à tɔ ci dzɔ̀nxɔɔ̀ tsɛ, mùn ni gɔɔ̀n ɲàn a ci gbà, nìi bar'la. Tɔ̀ to kɛ̀nsɛɛn ye bara, gba ni mùn ne jìrànxɔɔ̀ doùn, Ŋaabla nìi lamɔnɔɔ̀n è bà gbà, nìi na do jàa waa. Tɔ̀ na mòdzin ne si ka lamɔnɔunma waa.

Kɛɛradzin neè faadziɛ 4:12

À yè dzin kɔn ci: «E tsi, tɔ tàr'la Yesù soo rii ɲàn. Tà boshɔ̀ùn, Ŋaablà na mòò pɛn kpɛrɛ kpàdè dziɲantsiɛ doùn, nìi dzia mòò tsi waa.»

Yùxanà 2:23

Àwà, è Yesù to Yerusalɛmùn Geren n tsɛɛ̀ sɛr'là waatsia bwèy, mòò giri yè ɲɛn à ra, à re kabagoo goo reè fakɔɔn kamà.

Yùxanà jɔ̀naà 2:26

Nìì reè y'à gaa ye yè ye sànfìrì, mun nèe sɛbɛn siun ye ra ye rìì kamà.

Kɛɛradzin neè faadziɛ 3:16

Ye jaa yɛ nèe kpir'liì rà nèe, è bà fù tsìiŋnà, ye y'à tɔ̀. Ɲe ɲɛn niì faɔ̀ Yesù rà, tɔ̀ tsoò baraka rɔ̀n nì, kpir'lee dziu fù è tsiì. Àwà, e ɲɛn Yesù rà, tɔ̀ tsoò barakaà rìì nèe kpir'lee cɛrɛmabeu gbereyn gbereyn nèe tsuru. Tɔ fau ye sapɛ jaa ra.

Yùxanà 21:24

Tɔ̀ kàràndzin soo rìì twɛy goo rèè shɛɛrɛbe faa, wò rii to yè sɛbɛɔ̀n. Ɲe sa y'a tɔ̀, ci à re shɛɛrɛbee sààben.

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Yùxanà jɔ̀naà 2:25

À nìi làyiri seòn mùn ne, tɔ̀ rii yɛ jaamabe dziù dòbɛɛ.

Yùxanà jɔ̀naà 4:9

Ŋaablà re kɛ̀nbààbee kpàdèu ɲe kàjaa tsɛ nìi tsuru, tɔ̀ rii siin: È Dzin Kpiri soo bàji nau dziɲantsiɛ doùn, gè riì ni à to tɔ̀ baraka ɲan, mìn jaamabee fa.

Yùxanà jɔ̀naà 5:11

Tɔ̀ shɛɛrɛbee rìì yɛ, ci Ŋaabla jaamabe dziù dòbɛɛ sìun mùn na, tɔ̀ jaamabee to ni à Dzin Kpir'la rìì ɲàn.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Swiv nou:

Lyen patwone

Piblisite

Piblisite