Yùxanà jɔ̀naà 4:9 - Bible Dzùùngoo Unicode

⁹ Ŋaablà re kɛ̀nbààbee kpàdèu ɲe kàjaa tsɛ nìi tsuru, tɔ̀ rii siin: È Dzin Kpiri soo bàji nau dziɲantsiɛ doùn, gè riì ni à to tɔ̀ baraka ɲan, mìn jaamabee fa.

Yùxanà jɔ̀naà 4:9 Referans Kwoze

Yùxanà 3:16

Ɔ̀ɔn, Ŋaabla dziɲan modzian kɛ̀niun, à yè è kɛ̀n, fɔ è Dzin Kpiri soo sìn saaka, sànko mòò o moò ye ɲɛn tɔ̀ ra, tɔ̀ tsìfa mà bara waa, ŋà, è jaamabe dziù dòbɛɛ tàrà.»

Yùxanà jɔ̀naà 5:11

Tɔ̀ shɛɛrɛbee rìì yɛ, ci Ŋaabla jaamabe dziù dòbɛɛ sìun mùn na, tɔ̀ jaamabee to ni à Dzin Kpir'la rìì ɲàn.

Ɔ̀rɔ̀mùnka reè 8:32

Tɔ̀ riì na e Dzin Kpir'la yɛ̀r'la tsu to waa, ŋà à y'à sìun mùn sapɛ kamà, à bèe bà dzùrù, à fa gè sapɛ sin mùn na ko à ka ?

Yùxanà 6:57

Fà rìi mun ka naɔ, tɔ jaama, mun to yè bà ni jaamabee rà à baraka rɔ̀n. Tɔ̀ soo tsuru, mòò riì ye mun tàrà ɲwɛyn, tɔ nà jaamabee fa mun baraka rɔ̀n.

Yùxanà jɔ̀naà 4:10

Kɛ̀nbààbee rìì siin nèe: À na ni a ci ɲe rìì Ŋaablà kɛniun dɛ, ŋà wò rii ɲe kɛ̀niun, nìi yɛ è Dzin Kpir'la sìun saaka, è bà ni ɲe re gooɲaantsiɛ mɛɛy bo ɲe vu ra.

Yùxanà jɔ̀naà 3:16

Ɲe kɛ̀nbààbee tɔ̀ è ɲɛn nìi tsɛ, tɔ̀ rii siin: Kirisà yè e xɔɔn sìun ɲe kamà. Tà doùn, ɲe sa wù ɲe yè e xɔɔn sìn neema reè kamà.

Yùxanà 10:10

Shɔɔ̀n nà kuàn na pɛn waa, è shɔnbeè rìì fa, è vui fa, è baragoò fa. Mun nà kuàn nì yɛ mòdzian yè jaamabee dziù tàrà, y'à tàrà, fɔ è jaa yè bè cɛn.»

Yùxanà 6:51

Ɲwɛyn ge jaama niì boo jìran nɔ̀n, tɔ mun gɔɔ̀n rìì. Mòò riì ye tɔ̀ ɲwɛyn geè sɔn ɲɔn, tɔ nà to tsùù jaamabee rà kudɛyn. Mun nà ɲwɛyn ge nìi sìn, tɔ mun gɔɔ̀n rìì. À sìn kuàn nì, è jaamabee sìn dziɲantsiɛ mòdzian sapɛ ra.»

Yùxanà 3:18

Mòò riì ye ɲɛn à ra, kitsi na mɛrɔɔn tɔ̀ tsɛ waa, ŋà, mòò riì ma ɲɛn à ra, kitsia mɛrɔɔn tɔ̀ tsìfa tsɛ nòn, kàtsu à na ɲɛn Ŋaablà Dzin Kpiri soo rà waa.

Dzyèèsìbee mòdzin neè 1:5

Àwà, Ŋaabla dzin jàu mɛ̀rɛ̀kɛ rèè kɛ̀n ni nà nèe tsuru ci: «Wo rìì mun Dzin Kpir'la, Mun bàu wo Fàà she.» À to dzin jàu è kɛ̀n ne goo ɲan nèe tsuru kɔn ci: «Mun nà bà à Fà, è bà mun dzin.»

Yùxanà 8:42

Yesù yè dzin è ra ci: «Ŋaablà rii ye ba na ye Fàà taki, ye na nà mun kɛ̀n, kàtsu, mun daɔn min bo wò rii lè, mun to ni wò rii kamà mìin. Mun na naɔ̀ n yɛrɛma dɛ, ŋà, wò rii mun ka naɔ.

Lukì 4:18

«Mùn Tsìfa Ŋaablà re Dzia ni mun ɲan. Tɔ̀ rii y'à to è mun bo, ci mun yè nà gbakɔɔn reè toro kɔ̀ Kùnàgoo Dziɔ̀ rà. À mun ka naɔ, ci min nà byɛnkɔɔn reè laba goòmà dè è ra, min jaana reè jaa dzii san goòmà dè twɛy rà, nìì reè xɔn bìiŋnà, min twɛy bo vi ra.

Marikì 12:6

Àwà, è to dzùtsià dzin kpiri soo pee dòònuùn, à tɔ̀ niì kɛ̀niɔ̀n fɔ è bè geren. À lataan, è tɔ̀ ka è re, è dzin ci: "È kpɛ̀yn nà blà wɔ mun dzin kpir'la ɲàn."

Yùxanà jɔ̀naà 4:16

Nìi ɲe, kɛ̀nbààbe riì ni Ŋaablà ɲan ɲe kàjaa tsɛ, ɲe tɔ̀ tɔ̀, ɲe to yè bà ɲɛɔ̀n à ra. Ŋaabla kɛ̀nbààbe rii. Kɛ̀nbààbe ni mòò riì ɲàn, tɔ ni Ŋaablà ɲan, Ŋaablà sa yeè bà ni à ɲan.

Yùxanà 14:6

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.

Yùxanà 6:29

Yesù yè dzin è ra ci: «Ŋaabla nìi màshua ye re, tɔ̀ rii yɛ, à mòò riì ka nau, ye yè ɲɛn tɔ̀ ra.»

Yùxanà 8:29

Nìi to mun ka naɔ, tɔ ni mun ka. À na mun soo too waa, kàtsu nìi dzi à ra, mun tɔ̀ rii faa kudɛyn.»

Yùxanà 5:23

sànko mòdzian sapɛ yeè Dzin Kpirimaa blàbe, a ci è Fàmaa blàbee nìi tsuru. Mòò riì ma Dzin Kpirimaa blàbe, Fà rìi y'à ka nau, à tsìfa na tɔ̀ rii blàbe waa.

Yùxanà 9:3

Yesù yè dzin ci: «À na à yɛ̀r'la raa gooɲaantsii fyɛ, à to na à ker'là gè rèè raa fyɛ̀, ŋà, à kereu tɔ̀ tsuru sànko Ŋaablà re faagoo fakɔɔn nì yè kpàdè à ka.

Yùxanà jɔ̀naà 5:13

Ye nìì reè ɲɛun Ŋaablà Dzin Kpir'la tsoò rà, mun nèe sɛbɛn nee fa siɔ̀n ye ra, ye yè bà ni à tɔ̀ ci jaamabe dziù dòbɛɛ ni ye re.