Yùxanà jɔ̀naà 4:4 - Bible Dzùùngoo Unicode

⁴ Nìi ye, dziniin ì, ye bàu Ŋaablà raa, ye to dzi tarau è tsɛ nòn, è ɲɛn à tsɛ nìi ni ye ɲan, tɔ vùn dziɲaan raà mà.

Yùxanà jɔ̀naà 4:4 Referans Kwoze

Ɔ̀rɔ̀mùnka reè 8:31

Mùn dzia fèe rìì dè kɔn twɛy goo rèè doùn ? Ŋaablà ye ba ni ɲe ka, tsì rii dzia bà ni ɲe kamà ?

Yùxanà jɔ̀naà 5:4

È ɲɛn à tsɛ, mòò o moò kere boo Ŋaablà re, tɔ dzi tar'la dziɲaan tsɛ. Goo rìi to dzi tarau dziɲaan tsɛ, tɔ mùn ne ɲɛynaà nì.

Ɔ̀rɔ̀mùnka reè 8:37

Ŋà tɔ̀ sapɛ doùn, ɲe kɛ̀nbaà baraka rɔ̀n, ɲe bàu dzibaa ì fɔ è bè geren.

Yùxanà jɔ̀naà 4:16

Nìi ɲe, kɛ̀nbààbe riì ni Ŋaablà ɲan ɲe kàjaa tsɛ, ɲe tɔ̀ tɔ̀, ɲe to yè bà ɲɛɔ̀n à ra. Ŋaabla kɛ̀nbààbe rii. Kɛ̀nbààbe ni mòò riì ɲàn, tɔ ni Ŋaablà ɲan, Ŋaablà sa yeè bà ni à ɲan.

Korɛntsika reè jɔ̀naà 2:12

Àwà nìi ɲe, ɲe na dziɲan raa dzia tàraɔ̀ waa, fɔ Dzi riì boo Ŋaablà re, gè riì ni à to, Ŋaabla kwɛ̀yge nìì reè siɔ̀n ɲe ra, ɲe yè twɛy tɔ̀.

Yùxanà jɔ̀naà 5:19

Ɲe y'à tɔ̀ ci ɲe Ŋaablà raa, dziɲan ko e kur'la, tɔ̀ sapɛ ye bà ni Sùtana suun.

Yùxanà jɔ̀naà 4:13

M'à tɔ̀ nìi rà ci à ni mùn ɲan, mùn sa yeè bà ni à ɲan, tɔ̀ rii yɛ, è re Dzia sɔn siun mùn na.

Efɛsika reè 6:10

Dòònuùn, ye fààn wɔ e yɛrɛ ɲan Tsìfaà ɲàn dzibaabee fàan ka.

Efɛsika reè 3:17

Àwà m'a gaa sa, Kirisà yè e tsuùma bo ye dùsùkuan doùn, ɲɛynaà baraka rɔ̀n. Ye jiɛ̀ ye gban kɛ̀nbààbee ɲàn, ye dzuun bau'n kuru yeè bà wù à tsɛ.

Goo kpàdèuma rèè 12:11

Mùn neema reè dzi tarau à tsɛ, sààtòmòìriɛ tsìɛn baraka rɔ̀n, ko e re shɛɛrɛbee goomaa baraka rɔ̀n. È na e xɔɔn kɛ̀n yè shi saàn jɔun waa.

Yùxanà jɔ̀naà 3:24

Mòò riì y'à dzugooma xɔù rèè màr'la, tɔ ni à ɲan, è bà ni tɔ̀ ɲan. M'à tɔ̀ nìi rà ci à ni mùn ɲan, tɔ̀ rii yɛ, è re Dzi riì sìun mùn na.

Yùxanà 12:31

Àwà dòònuùn, dziɲan modzian kitsi waatsi wɔu. Ɔ̀ɔn, Sùtana, dziɲaan kùntsiɛ̀ kaa waatsi wɔu dòònuùn.

Yùxanà 17:23

Tà doùn, mun ni è ɲan, wo sa yeè bà ni mun ɲan. Yè bà soo ɲaun, sànko dziɲan y'a tɔ̀ tɔ̀ tsuru, ci wo rìì mun ka naɔ, wo to yè è kɛ̀niɔ̀n, a ci wo mun kɛ̀niɔ̀n nìi tsuru.

Yùxanà jɔ̀naà 4:6

Nìi kpɛ̀yn ɲe, ɲe Ŋaablà raa ì. Mòò riì Ŋaablà tɔ, tɔ ɲe lamyɛɛ̀n. Ŋà mòò riì na à raa waa, tɔ̀ na ɲe lamyɛɛ̀n waa. Ɲe sààbeen dzia ko sànfir'la dzia tɔ̀ boò e si ɲan tɔ̀ rii tsuru.

Korɛntsika reè fiiraa 6:16

Fèe soo dzia bà ni Ŋaablà re gbà blàa ko ɲɔ̀n rèè fi ? È ɲɛn à tsɛ, ɲe rìì Ŋaablà jaamaa rè gbà blàa, a ci Ŋaablà y'a dèu nìi tsuru ci: «Mun nà n tsuù è fi, min jìɛ̀ fa è ka. Mun nà bà è re Ŋaablà, yè bà mun ne mòò rèè.»

Yùxanà jɔ̀naà 2:13

Fa ì, mun nèe sɛbɛn nee sìan ye ra, kàtsu mòò riì ni fɔ dan, ye tɔ̀ tɔ̀. Dzunwɛyn neè, mun nèe sɛbɛn nee sìan ye ra, kàtsu ye dzi tarau gè ɲaan tsɛ.

Korɛntsika reè jɔ̀naà 6:13

Ɲwɛyn ge rèè, twɛy doòn raa, doòn tɔ̀ yeè bà ɲwɛyn ge rèè raa. Ŋaablà to nà twɛy fiɛ̀ sa bara bo mɔn. Ŋà gɔɔ̀n, tɔ̀ na kɛ̀kɛ̀ɛ̀ybee raa waa. À Tsìfaà raa rìì, Tsìfaà yè bà à raa.

Efɛsika reè 2:2

Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

Yùxanà 16:11

Yè bà fìriɔ̀ Ŋaablà re kitsia raa goò kàjaa tsɛ, kàtsu, nìi Sùtana dziɲan ree kùntsiɛ̀, kitsia mɛrɔun tɔ̀ tsɛ nòn.

Korɛntsika reè fiiraa 4:4

Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.

Yùxanà 14:30

Mun fa dzi gooma giri dè ye ka dɛ, kàtsu, Sùtana, dziɲan ree kùntsiɛ̀ nàa, dzi pɛn to na ni à re mun tsɛ waa.

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.

Yùxanà jɔ̀naà 3:20

È ɲɛn à tsɛ, mùn dùsùkuan ye ba mùn jààkia, Ŋaabla blà mùn dùsùkuan mà, à to goo sapɛ tɔ.