Yùxanà jɔ̀naà 3:7 - Bible Dzùùngoo Unicode

⁷ N ne dziniin ì, e maà à to mòò pɛn yè e san fìrì. Mòò riì terenbee goo rèè shi jiɛ, tɔ tereòn a ci Kirisà sa tereòn nìi tsuru.

Yùxanà jɔ̀naà 3:7 Referans Kwoze

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Ɔ̀rɔ̀mùnka reè 2:13

Nìì reè dàan sàrìyaa myɛ̀ɛ̀n bàsɔùn mà, twɛy na tereòn Ŋaablà jaa dzuun waa, ŋà nìì reè y'à shi jiɛ, twɛy rìì nà kpàdè ci è tereòn.

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

Yùxanà jɔ̀naà 2:26

Nìì reè y'à gaa ye yè ye sànfìrì, mun nèe sɛbɛn siun ye ra ye rìì kamà.

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.

Kɛɛradzin neè faadziɛ 10:35

A bau kun o kun modzìn, a re blàbe ye ba ni Ŋaablà tsɛ, e bà goo tereonma faa, a goò dzi à ra.

Efɛsika reè 5:9

È ɲɛn à tsɛ, vyevyeè dziàn nì yɛ goowùɔ sapɛ, terenbee sapɛ, sààbeen sapɛ.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Korɛntsika reè jɔ̀naà 6:9

Ye na à tɔ̀ ci terenbɛy goo fa reè nìn na ni Ŋaablà re màsàbee ɲàn ɔ̀n ? E maà e yɛrɛ maniin dɛ ! Kɛ̀kɛ̀ɛ̀y gòò fa reè, ko ɲɔ̀n kɔ reè, ko ɲànmɔ̀ɔ̀bè fa reè, ko kpiri ì bàuma tàan ì, ko kpiri ko kpiri gaa reè,

Lukì 1:75

Tà doùn, ɲe re sii sa see jaamabee doùn, ɲe nà bà fɛnɛunà, ɲe yè bà tereonà à jaa ra.»

Yàkubà 2:19

Wo ɲɛɔ̀n à ra ci Ŋaabla soo. Tɔ wù. Ŋà e b'a tɔ̀ ci kwey rèè sa ɲɛɔ̀n tɔ̀ ra, fɔ è mà yè bà sɔ̀ɔn shiɲaanbeè rè.

Filipika reè 1:11

E ɲantsyɛunmaà terenbee dziàn nà è bo Yesù Kirisà rè, tɔ̀ yeè blàbe ko tsoo dzi ɲɛn Ŋaablà tsɛ.

Matsiyù 5:20

Àwà, mun nì ci e ra, ye raa terenbee ma geren Sàrìryà Kaamoo reè ko Faridziɲɛn rèè raà tsɛ fyeu, dɔ̀n goòmà na ni ye mà Jìrànxɔɔ̀ Màsà ganee doùn waa.

Yàkubà 1:22

E maà dàn gooma ree myɛ̀ɛ̀n bàsɔùn mà waa, ŋà ye bà à shi jiìbaa ì. Tà boshɔ̀ùn, ye e yɛrɛ maniɛ̀n,

Dzyèèsìbee mòdzin neè 7:2

Gè o ge na ni Ibraximà rè, à y'à sapɛ yaà bo, à y'à sìn Mɛlɛkisɛdɛkì rà. Mɛlɛkisɛdɛkì, tɔ̀ tsoò dzuɔn nì yɛ ci: «Màsa riì tereòn.» È bà na Salɛmùn wɔ̀ɔ̀ màsà kpiri kɔn. 'Salɛmùn', tɔ̀ dzuɔn ci Jaancin. Nìi y'à kpàdèe, ci à Jaanciàn màsà kpiri sa.

Dzyèèsìbee mòdzin neè 1:8

Ŋà, à Dzin Kpir'la, à dziun tɔ̀ raa goò ɲàn ci: «Dò na ni wo raa màsàbee mà waa Ŋaablà. Wo màsàbee faa a re mòò rèè tsɛ ko sààben ka.

Efɛsika reè 5:6

E maà à to mòò pɛn yè e san fìrì e re gooma nafà bɛy ì ka waa. Tɔ̀ rii y'à to Ŋaablà re vununtaà wɔɔ̀ à dzugoomaa shi jiì bɛy reè tsɛ.

Yùxanà jɔ̀naà 3:18

Dziniin ì, n mà kɛ̀nbààbee fa dziira goòmàà ko nɛɛ̀n bàsɔùn ka waa, ŋà faadziɛ ko sààbeen.

Yùxanà jɔ̀naà 4:17

Nìi kɛ̀nbààbee bàa goo dziitsyɛunma ɲe ɲan, tɔ̀ rii yɛ ci kitsia sii sèè, ɲe akiri tsùuŋma nà bà ni, è ɲɛn à tsɛ, Yesù ni nìi tsuru, ɲe sa ni tɔ̀ rii tsuru dziɲan ree doùn.