Bib sou entènèt

Paj dakèy
Bib sou entènèt
Yùxanà jɔ̀naà 3:5

Yùxanà jɔ̀naà 3:5 - Bible Dzùùngoo Unicode

⁵ Y'a tɔ̀ ci Yesù nàu, è bà ni mòdzian rè gooɲaantsiɛ mɛɛy bo è vu ra, nìi to y'à yɛ̀r'la, gooɲaantsii na ni à vu ra waa.

Gade chapit la Kopi

tounen moute ⬆

Yùxanà jɔ̀naà 3:5
33 Referans Kwoze

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Dzyèèsìbee mòdzin neè 9:28

Tɔ̀ fau'n kuru soo rà, Ŋaablà Jaara Modzìàn sa bàu saaka jaa soo pe rii, è mòdzian rè gooɲaantsiɛ mɛɛy bo è vu ra. À tou è nà e jaa fiira ɲan kɔn. Tɔ̀un, à fa bà gooɲaantsii reè mɛɛy kamà dɛ waa, Ŋà, nìì reè y'à màshua, à nà bà naɔ̀ twɛy rìì tsi.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Dzyèèsìbee mòdzin neè 9:26

È ba na tɔ̀ tsuru, è sen fɔ dziɲaan jɔ̀n bwey, à na nà bà byɛn jaa giri faɔ̀. Ŋà, nèe waatsi latan nee ɲan, à nàu, è nà e yɛrɛ sin saaka jaa soo pe rii, sànko è gooɲaan fàan bara.

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Goo kpàdèuma rèè 1:5

ko Yesù Kirisà, Shɛɛrɛ vusootsià, fùn jɔna kpunaunmaà, dzɔ̀nxɔɔ̀ tsɛ màsa reè raa Màsaa, twɛy sa yeè tɔ̀ fa e re. Àwà, Ŋaablà Jaara Moo Yesù rìi mùn kɛ̀niɔ̀n, è bà mùn tsi bou e re gooɲaantsiɛ ɲàn e tsiɛn baraka rɔ̀n,

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Yùxanà jɔ̀naà 1:2

Ɔ̀ɔn, jaamabee yè e kpadèu, ɲe to y'à jàu, ɲe y'à shɛɛrɛbe fa. À jaamabe dziù dòbɛɛ rìì gooma dekɔɔn ye ra, tɔ̀ niì na ni Fà Ŋaablà tɛyn è bà e yɛrɛ kpadèu ɲe ra.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Piyɛrì jɔ̀naà 2:22

À na gooɲaan fa, nanmara goòmà pɛn to na bo à dzu.

Dzyèèsìbee mòdzin neè 1:3

Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

Tsìmotè jɔ̀naà 1:15

Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

Matsiyù 1:21

À nà dzin kpir'li kere. À ye kere, a tsoo wɔ ci Yesù, kàtsu wò rii nà e re mòò rèè tsi bo e re gooɲaantsiɛ ɲàn.»

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.

Piyɛrì jɔ̀naà 1:20

Sani dziɲaan yè ɲɛn, à goò na tɔ̀ tsùuŋnà nòn. È kòmànà kpàdè nèe waatsi latan nee ɲan, ye kamà.

Dzyèèsìbee mòdzin neè 4:15

Àwà, goo nìi reè doùn, mùn gbaa e yɛrɛ dzuun, ɲe raa saaka jɔundzian Saaka Jɔundzin, nìi ɲe tsɛ tɔ̀ twɛy doùn. À ɲe tsɛ tɔ̀, kàtsu, Sùtana y'à sa dzuun bo siin kàjaa sapɛ tsɛ, a ci à ɲe tàr'la nìi tsuru. Ŋà, tɔ̀ pɛn na à to è gooɲaan soo fa.

Dzyèèsìbee mòdzin neè 7:26

Tà doùn, mùn màgoo na ni Saaka Jɔundzin niì kaatsi ra taki, tɔ Yesù rìì. À fɛnɛɔ̀, jààma na n'a na, à na gooɲaan pɛn fa ja, à sen bou gooɲaan fa reè ɲàn, è sen teyn fɔ ŋaablaxɔɔ̀ dààn rà.

Tsìmotè jɔ̀naà 3:16

Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

Yùxanà 14:30

Mun fa dzi gooma giri dè ye ka dɛ, kàtsu, Sùtana, dziɲan ree kùntsiɛ̀ nàa, dzi pɛn to na ni à re mun tsɛ waa.

Yùxanà 8:46

Ye ɲan, tsì rii soo dzia à kpàdè, ci mun gooɲaan fau ? Mun to ye ba sààbeen rìì dèe, fee y'à to ye na ɲɛɛn mun na ?

Yùxanà 1:31

Mun yɛ̀r'la tsu naà à tɔ̀ waa. Ŋà, mun nàu, min nà mòdzian jaara foò yuà ka, sànko Isirayɛlì mòdzin neè y'à tɔ̀.»

Lukì 23:47

Tɔ fau min niì, kaadzin jɛrɛ̀blàtsi rìi na tsìiŋnà mɔn, tɔ tɔ̀ jàu, è tsoo dzi ɲɛn Ŋaablà tsɛ, è dzin ci: «Sààben ci yè e de, nèe kpir'lee na mòdzin tereonma nì !»

Lukì 23:41

Nìi yɛ faa ɲe ra nèe, à ni e shi tsɛ, kàtsu ɲe nìi fau, tɔ̀ tɔ̀n'nà nì yɛ ɲe tsɛ. Ŋà, nèe do, à fee soo rii faɔ̀ ?»

Piyɛrì jɔ̀naà 1:18

Y'a tɔ̀ ci ye jaamabee fau'n kuru nafà bɛy riì seun shɛn e fa rèè rè, ye kùngɔ mà na bo tɔ suun gè bar'lama ì ka nìi yɛ war'là ko sɛn'na waa.

Yùxanà jɔ̀naà 2:2

Wò rii bàu saaka, è mùn ne gooɲaantsiɛ mɛɛy bo mùn vu ra, à to na ɲe bàsɔùn waa, à dziɲantsiɛ sapɛ rii.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yùxanà jɔ̀naà 3:8

Mòò riì gooɲaan faa, tɔ Sànwɔbaà raa rìì, è ɲɛn à tsɛ fɔ dan, Sànwɔbaà ni gooɲaan faa rà. Ŋaablà Dzin Kpir'la to nàu nì, è Sànwɔbaà faadzii reè bara.

Swiv nou:

Lyen patwone

Piblisite

Piblisite