Yùxanà jɔ̀naà 3:3 - Bible Dzùùngoo Unicode

³ Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

Yùxanà jɔ̀naà 3:3 Referans Kwoze

Korɛntsika reè fiiraa 7:1

Àyìwà mun ne kɛ̀niunma rèè, è twɛy làyir'lèè seunma to mùn ne, noo ge o ge ni mùn gɔɔ̀n ko mùn akir'la rà, mìn tɔ̀ sapɛ foo fyɛ, mìn e re fɛnɛbee dzii tsyɛn, è kòrò ko Ŋaablà jɔun shiɲaanbeè ka.

Yùxanà jɔ̀naà 2:6

Mòò riì ci wo ni Kirisà ɲàn, à wù à sa yeè jìì, a ci Kirisà jìiŋ nìi tsuru.

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

Matsiyù 5:48

Àwà, ye bà mòdzin dziitsyɛunma ì, a ci ye Fà rìi ni jìrànxɔ rɔ̀n, tɔ̀ dzii tsyɛɔ̀n nìi tsuru.»

Dzyèèsìbee mòdzin neè 12:14

Ye e maxɔbe, jaancin yè bà ni e ko mòdzian sapɛ fi. Ye e yɛrɛ fɛnɛbe, ye bà Ŋaablà raa. Tɔ̀ ma fa fyeu, mòò pɛn jaa fa ɲɛn Tsìfaà mà waa.

Dzyèèsìbee mòdzin neè 7:26

Tà doùn, mùn màgoo na ni Saaka Jɔundzin niì kaatsi ra taki, tɔ Yesù rìì. À fɛnɛɔ̀, jààma na n'a na, à na gooɲaan pɛn fa ja, à sen bou gooɲaan fa reè ɲàn, è sen teyn fɔ ŋaablaxɔɔ̀ dààn rà.

Kolosika reè 1:5

Ye si xɔ nìi tsɛ, tɔ̀ yeè bà màrà tsùuŋnà ye re jìrànxɔɔ̀ doùn, tɔ̀ rii y'à saabu. Ye si to xɔ tɔ̀ niì tsɛ, ye tɔ̀ gooma myɛn dɔ̀un bɔrɔɔ sààbeen goomaa nì baraka ɲan, nìi Kùnàgoo Dziɔ̀.

Kɛɛradzin neè faadziɛ 15:9

À ɲe ko twɛy sa bau soo, kàtsu twɛy ɲɛn niì fau à ra, à yè è duùn fyɛu tɔ̀ kamà.

Tsitè 3:7

Tɔ fau, gè riì ni à to, à kpàdèumaà ci mùn tereòn à ɲanwùɔ baraka rɔ̀n, mìn bà shɛnsenbaa ì, jaamabe dziù dòbɛɛ shɛɛ̀n, mùn si xɔ tɔ̀ niì tsɛ.

Piyɛrì fiiraa 1:4

Twɛy baraka ɲan, gè blà kpaxɔù nìì reè làyiri seun mùn ne, twɛy sìun mùn na. Tà tsuru goo fyeeŋma nìì reè ni dziɲaan doùn, kur'la goo ɲaan yè bà saabu, ye nà dzi e tsi twɛy rà, ye yè e nin tàrà Ŋaablà juɔ ɲàn.

Lukì 6:36

Ye Fà Ŋaabla màtsur'la nìi tsuru, e sa yeè màtsuru tà tsuru.»

Yùxanà jɔ̀naà 4:17

Nìi kɛ̀nbààbee bàa goo dziitsyɛunma ɲe ɲan, tɔ̀ rii yɛ ci kitsia sii sèè, ɲe akiri tsùuŋma nà bà ni, è ɲɛn à tsɛ, Yesù ni nìi tsuru, ɲe sa ni tɔ̀ rii tsuru dziɲan ree doùn.

Dzyèèsìbee mòdzin neè 6:18

Àwà, làyir'là ko kɛ̀ɛ̀, twɛy goo blà bla fiɛ̀ na dzia lakere waa. Ŋaablà to yè bà ni doò dè è doùn, tɔ̀ na dzia fa waa. Ɲe nìì reè vwɛ̀rɔɔ̀n ɲe yè e kungɔ mɛnɛn Ŋaablà re, tɔ̀ goò ɲe màxɔ̀ɔn cèreoma, à y'à to ɲe ye e si xɔbe arì she Ŋaablà re làyiri seunmaà tsɛ ɲe re.

Tesalonikika reè fiiraa 2:16

Mùn Tsìfa Yesù Kirisà yɛ̀r'la ko mùn Fà Ŋaablà, twɛy nìì reè mùn kɛ̀niun, yè vununmacin dòbɛy sin mùn na ko siɲɛnma wùù è ɲanwùɔ baraka rɔ̀n,

Ɔ̀rɔ̀mùnka reè 15:12

Kɛɛra Esayì sa yeè bà ci nèe tsuru ci: «Yesè tsua jiɛ̀ nà xe bo. Wò rii nà kun neè màrà, kun neè to nà e sixɔbe à tsɛ.»

Yùxanà 17:19

È kamà, min n bo jia n si wo re, sànko sààbeen baraka rɔ̀n, è sa yeè e bo ji e si wo re.

Yàkubà 4:8

Ye e kpɛrɛ̀ Ŋaablà ra, à sa nà e kpɛrɛ̀ ye ra. Ye gooɲaan fa reè, ye e si rèè fòò. Akirifiitsi rèè, ye e duùn fyɛ.

Piyɛrì jɔ̀naà 1:3

Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.

Piyɛrì jɔ̀naà 1:15

Ŋà ye bà mòdzìn fɛnɛ ì e re jaamabee ko e kuru doùn, a ci Ŋaablà riì ye kiriɔ, tɔ̀ sa fɛnɛɔ̀ nìi tsuru.