Bib sou entènèt

Paj dakèy
Bib sou entènèt
Yùxanà jɔ̀naà 3:12

Yùxanà jɔ̀naà 3:12 - Bible Dzùùngoo Unicode

¹² N mà bà a ci Kayinìn tsuru waa, tɔ̀ niì bàu ɲan Sùtan'naa, è tseyn kpir'la vu. Feera à y'à vu ? Kàtsu à faadziɛ na ɲaan, tseyn kpirimaa raà yè bà na tereòn.

Gade chapit la Kopi

tounen moute ⬆

Yùxanà jɔ̀naà 3:12
31 Referans Kwoze

Dzyèèsìbee mòdzin neè 11:4

Abɛlì ɲɛunmaà kamà Ŋaablà ra, à saaka bou nìi vùn Kayinìn naà mà. Tɔ̀ baraka rɔ̀n, Ŋaablà yeè e tsiiŋ à re blàbee rà, nìi y'à re saakaà, è kpàdè ci à tereòn. Abɛlì kpɛ̀yn saun, ŋà, à ɲɛunmaà kamà Ŋaablà ra, tɔ̀ baraka rɔ̀n, à goomaa arì she ŋe.

Yudè 1:11

È raa barau ! È ɲɛn à tsɛ, è Kayinìn dɔ̀n shià seun, ɲɛyn goo yè bà saabu, yè e san fìrì a ci Bàlaamùn. È màbaunmaà doùn a ci Korè raà tsuru, è barau.

Lukì 11:51

È sen Abɛlì raa vu waatsia rà, è bè suu fɔ Jakàrìya raa vu waatsia dzu. È tɔ̀ vuu saaka rèè bomàà ko Ŋaablà re gbà blàa fi. Ɔ̀ɔn, mun nì ci e ra, Ŋaabla nà ye, ɲe bwèy rèe ɲan mòdzian tey, twɛy vui reè sapɛ ma gbey.

Matsiyù 23:35

Tɔ̀ kamà, mòdzin tereonma gè o ge tsìɛn koun dzɔ̀nxɔɔ̀ tsɛ, twɛy sapɛ tsiɛ̀ nà sàrà ye ɲan. È sen fɔ Abɛlì tereonmaà raa tsìɛn nà, è bè suu fɔ Bàrakì dzin kpiri Jakàrìya raà rà, ye tɔ̀ niì vuu Ŋaablà re gbà blàa ko saakabomaà fi.

Piyɛrì jɔ̀naà 4:4

È jà ci ye na vwɛɛ twɛy seeybɛy goo kaatsi rèè kpɛyn ye ka dɛ, tɔ jiɔ̀ è dzii tsɛ. Tɔ̀ tsuru, è ye tsoo bar'la.

Dzyèèsìbee mòdzin neè 12:24

Ye yè e kpɛrɛu Yesù rà, tɔ̀ riì mùn ko Ŋaablà fia lamɔnɔun, è dzyèèsìbe yeu dɔn mùn fi. Ye yè e kpɛrɛ̀ à tsìɛn nà, tɔ̀ riì koun, è bà vùn Abɛlì raà mà.

Yùxanà jɔ̀naà 3:8

Mòò riì gooɲaan faa, tɔ Sànwɔbaà raa rìì, è ɲɛn à tsɛ fɔ dan, Sànwɔbaà ni gooɲaan faa rà. Ŋaablà Dzin Kpir'la to nàu nì, è Sànwɔbaà faadzii reè bara.

Kɛɛradzin neè faadziɛ 7:52

Tɔ̀ kɛɛra bàu ni ye fàbɔɔ rèè na byɛnbe ɲɛn dɔn nìi tsɛ ɔ ? Mòò sɔn nìi tereòn Ŋaablà re, kɛɛra niì reè tɔ̀ nà goòmàà dèu, ye fàbɔɔ rèè twɛy sapɛ vuu. Àwà dòònuùn, ye sa yɛ tɔ̀ mòò sɔn tereonmaà nì jàànfaɔ, y'a vu.

Yùxanà 10:32

Yesù yè dzin è ra tɔ̀un ci: «Mun goowùù wuu giri fau ye jaa ra n Fa Ŋaablà re fa ɲan. Ye to mun dzyɛn vua twɛy goo rèè kɛ̀nma ni soo kamà ?»

Matsiyù 27:23

À yè è tey kpɛrɛ ci: «À to gooɲaan kɛɛn nì soo faɔ̀ ?» Yè e vuà tèyn kɔn ci: «È gban gɔɔ̀ rà !»

Matsiyù 13:38

Dzùà, tɔ dziɲantsiɛ. Shìmàndzin wuɔ, tɔ Jìrànxɔɔ̀ Màsà ganee dzin nèè. Vun ɲaan, tɔ Sùtan'naa mòò rèè.

Matsiyù 13:19

"Shìmàndzin neè bèu tɔrɔn shi dzii niì rè, mòdzin neè swey ni tɔ̀ shi dziɛ rìì tsuru. È Ŋaablà re Màsàbee goomaa myɛ̀ɛn, ŋà è na à dzin seen waa. È nìi myɛɔ̀n, Sùtana nàa tɔ̀ bo è duùn.

Goo kpàdèuma rèè 17:6

Min tàan rèe jà, à Ŋaablà re mòdzìn neè, ko Yesù shɛɛrɛ rèè tsìɛn ka e cɛɔn, fɔ à jaara yeè bè xèe dɔ̀ɔ̀kùnkɔɔn tsuru. M'a jàu tà tsuru min niì, è ji mun dzii tsɛ fɔ è bè geren.

Tesalonikika reè jɔ̀naà 2:14

Àwà neema reè, Ŋaablà re ɲɛynamoo kuru nìì reè ni Yesù Kirisà ɲàn Yude mar'lɔùn, ye bàu twɛy shɔ̀ùnminanbaa ì. È ɲɛn à tsɛ, ye yɛ̀r'la fàdzìnsi reè ye byɛun a ci Dzyèèsìbee mòdzin neè yè è sa byɛun nìi tsuru.

Matsiyù 5:37

E re ɔ̀ɔn ye bà ɔ̀ɔn, ɔ̀ɔɔn ye bà ɔ̀ɔɔn, dzyee gè o ge bàa tɔ̀ tɛ̀y, tɔ̀ sapɛ boò Sùtana ɲan.

Yùxanà 8:40

Ye na tɔ̀ faa waa, ŋà, ye mun gaa vurama nì, kàtsu mun sààbeen dèe ye ra, a ci m'a myɛ̀un Ŋaablà re nìi tsuru. Ibraximà na ye raà tsuru fa waa.

Yùxanà 8:41

Ye fàà goo nìì reè faa, ye sa twɛy rìì faa.» Yè dzin Yesù rà ci: «Ɲe na ɲànmɔ̀ɔ̀dzin ì dɛ, Fà soo pe rii ni ɲe re, nìi Ŋaablà.»

Swiv nou:

Lyen patwone

Piblisite

Piblisite