Yùxanà jɔ̀naà 2:25 - Bible Dzùùngoo Unicode

²⁵ À nìi làyiri seòn mùn ne, tɔ̀ rii yɛ jaamabe dziù dòbɛɛ.

Yùxanà jɔ̀naà 2:25 Referans Kwoze

Yùxanà 10:28

Mun jaamabe dziù dòbɛɛ sìan è ra, bara na ni è mà waa, mòò pɛn to fa dzi è kun bo mun suun waa.

Tsitè 3:7

Tɔ fau, gè riì ni à to, à kpàdèumaà ci mùn tereòn à ɲanwùɔ baraka rɔ̀n, mìn bà shɛnsenbaa ì, jaamabe dziù dòbɛɛ shɛɛ̀n, mùn si xɔ tɔ̀ niì tsɛ.

Yudè 1:21

Ye to Ŋaablà re kɛ̀nbààbee doùn, ye bà ni mùn Tsìfa Yesù Kirisà rè màtsur'la màshua rà, jaamabe dziù dòbɛɛ raa.

Tsìmotè jɔ̀naà 6:12

Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.

Yùxanà jɔ̀naà 1:2

Ɔ̀ɔn, jaamabee yè e kpadèu, ɲe to y'à jàu, ɲe y'à shɛɛrɛbe fa. À jaamabe dziù dòbɛɛ rìì gooma dekɔɔn ye ra, tɔ̀ niì na ni Fà Ŋaablà tɛyn è bà e yɛrɛ kpadèu ɲe ra.

Tsitè 1:2

Tà tsuru Ŋaablà riì na doò dèe waa, tɔ jaamabe dziù dòbɛy riì làyiri seòn fɔ dziɲan na ɲɛn ŋe, yè bà ni e si xɔbe tɔ̀ tsɛ.

Ɔ̀rɔ̀mùnka reè 5:21

Tɔ fau nì, gè riì ni à to gooɲaan bàu nìi tsuru saabu saàn yè dzi tarà, tɔ̀ soo tsuru, terenbee baraka rɔn, Ŋaablà ɲanwùɔ sa yeè dzi tarà è ɲɛn jaamabe dziù dòbɛɛ tsɛ, mùn Tsìfa Yesù Kirisà baraka rɔ̀n.

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

Yùxanà 12:50

Mun to y'à tɔ̀ cɔ, ci Fà Ŋaabla kàr'nìi wɔɔ mun suun, tɔ jaamabe dziù dòbɛɛ goomaa nì. Fà Ŋaablà to nìi deò mun na, mun sa tɔ̀ soo rìì kàr'na mòdzian nà.»

Yùxanà 6:68

Nìi Shimɔn Piyɛrì, tɔ̀ yeè dzin à ra ci: «Tsìfaà, ɲe nà bè tsì rii là ? Gooma niì reè jaamabe dziù dòbɛɛ sìan, twɛy ni wo re.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Tsìmotè jɔ̀naà 6:19

Tà tsuru è nà nàforo ladzyèè tsùù gàne gban gban ɲan e jɔun gbey, yè bà ni jaamabe takia tàrà.

Yùxanà 6:54

Mòò riì ye mun gɔɔ̀n shuà ɲɔn, è mun tsìɛn mìn, jaamabe dziù dòbɛɛ bàu ni tɔ̀ tsìfa ɲan, mun to nà à tsìfa sèè kpunan bo saàn ɲàn tsìɛ̀ sii sèè.

Yùxanà 6:47

Sààben na, mun nì ci e ra, mòò o moò ye ɲɛn mun na, tɔ jaamabe dziù dòbɛɛ tàrau.

Yùxanà 6:27

Ɲwɛyn nìi bar'la gè, e maà faagoò fa tɔ̀ kamà waa. Ŋà, nìi na bar'la fyeu, à to jaamabe dziù dòbɛɛ sìan, ye faagoò fa tɔ̀ rii kamà. Adamà dziàn nì tɔ̀ ɲwɛyn nèe sìnbaa ye ra, kàtsu, Fà Ŋaablà yeè e re fàan tàànmàshɛɛn tsùuŋnà wò rii tsɛ.»

Yùxanà 5:39

Ye Kìtaabuà doùn gooma reè kàr'na, y'a ɲansiin cɛyn, kàtsu y'a siɛ̀n ci ye nà jaamabe dziù dòbɛɛ tàrà twɛy rìì ɲàn, tɔ̀ to y'à tàrà, twɛy rìì mun ne goò shɛɛrɛbe faa.

Lukì 18:30

wo nà tɔ̀ tsuru gè rèè giri tàrà mìin dziɲaan doùn, è geren twɛy sapɛ tsɛ. Tà shɔ̀ùn kɔn, wo yè bè jaamabe dziù tàrà gbey, jaamabe riì na doò waa.»

Tsìmotè jɔ̀naà 1:16

Ŋà Ŋaabla màtsuruu mun na, gè riì ni à to mun nìi gooɲaanfabaa jɔ̀naà, Yesù Kirisà yè bà ni e re mɔ̀ɲɔn brisià kpàdè mun kàjaa tsɛ, tɔ̀ yeè dzi ba jaakpadeyra dzyee rèè rè, nìì reè sapɛ nà ɲɛn à ra, yè bà ni jaamabe dziù dòbɛɛ tàrà.

Galatsika reè 6:8

È ɲɛn à tsɛ, mòò riì ye e gɔɔ̀n kur'la goo ɲaan neè gèdzian sì, tɔ nà gɔɔ̀n shìmàndzian gaa, nìi baragoò. Mòò riì to ye Ŋaablà re Dzia gèdzian sì, tɔ nà Ŋaablà re Dzia shìmàndzian gaa, nìi jaamabe dziù dòbɛɛ.

Ɔ̀rɔ̀mùnka reè 6:23

Àwà gooɲaan sàr'là, tɔ saàn rìì, ŋà Ŋaablà gè niì sìan maana, tɔ jaamabe dziù dòbɛɛ rìì, mùn Tsìfa Yesù Kirisà ɲàn.

Yùxanà 3:15

sànko mòò o moò ye dzi ɲɛn à ra, tɔ̀ yeè jaamabe dziù dòbɛɛ tàrà.

Yùxanà 6:40

Ɔ̀ɔn, mun Fà Ŋaablà saɔ rìì yɛ, mòò o moò ye Dzin Kpirimaa jà, è ɲɛn à ra, tɔ̀ yeè jaamabe dziù dòbɛɛ tàrà, mun to y'à sèè kpunan bo saàn ɲàn tsìɛ̀ sii sèè.»