Yùxanà jɔ̀naà 2:16 - Bible Dzùùngoo Unicode

¹⁶ È ɲɛn à tsɛ goo nìì reè ni dziɲaan doùn, tɔ̀ rii gɔɔ̀n kur'la goo reè, jaadzian kur'la goo reè, ko dziɲaan yɛ̀rɛ̀blàbè goo reè è ɲɛn tàr'là tsɛ. Tɔ̀ pɛn na boo Fà Ŋaablà re, à sapɛ dziɲaan doùn goo.

Yùxanà jɔ̀naà 2:16 Referans Kwoze

Ɔ̀rɔ̀mùnka reè 13:14

Ye Tsìfa Yesù Kirisà rìì ji e ma, nìi to gɔɔ̀n raa goo rèè, e maà e yɛrɛ to twɛy suun, y'a kur'la goo ɲaan neè fa waa.

Galatsika reè 5:17

È ɲɛn à tsɛ, goo nìì re dzi gɔɔ̀n rà, twɛy xɔ Ŋaablà re Dzia mà. Nìì reè to dzi Ŋaablà re Dzia rà, twɛy xɔ gɔɔ̀n mà. È fiɛ̀ dzun wɔɔ e si ra, è bè bà ye n'a re ye yè nìi fa, ye na dzia tɔ̀ fa waa.

Efɛsika reè 2:3

Ɲe sapɛ, ɲe sa na twɛy mòdzin neè kur'li. Ɲe sa na gɔɔ̀n kur'la goo ɲaan neè shi jiɛ dan, ɲe y'à sàɔ faa, ɲe yè e gban kɛ̀sɛmà ɲaan neè kpɛyn. Àwà, è ɲe to tà tsuru, Ŋaablà re vununtaà na ni ɲe sa tsɛ, a ci dzyee rèè.

Yàkubà 3:15

Tɔ̀ akiri tsuà na daɔn è bo jìrànxɔ rɔ̀n waa. À dzɔ̀nxɔɔ̀ tsɛ raà rìì, mòdzin neè raà, Sùtan'naà.

Piyɛrì jɔ̀naà 2:11

N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.

Piyɛrì fiiraa 2:10

Gooma na ni nìì reè vwɛ̀ɛ gɔɔn raa goo rèè kpɛyn è ɲɛn è kur'la goo nooŋma rèè tsɛ, yè bà Tsìfaà rè kùntsììbee ɲanfyɛnbee. È kùun xɔ, è blà e yɛr'le, è to yè bà ni jìrànxɔɔ̀ nɔɔrɔ ge reè tsoo bara, tɔ̀ shiɲaanbe na ni è ra.

Tsitè 2:12

Tɔ̀ rii mùn kàr'na mìn sèè bo Ŋaablà jɔun shiɲaanbɛybeè kpɛyn, mìn nɔn nèe dziɲan ree kur'la goo ɲaan neè mà, mìn e re jaamabee fa nèe waatsi ree ɲan akiri ka, terenbe ka, ko Ŋaablà jɔun shiɲaanbe tsɛ.

Piyɛrì fiiraa 2:18

Gooma bla blaa ni è dzu, dzin to na ni à doùn. Tà tsuru, mòdzin niì reè ni fìr'là gè doùn, nìì reè yè e tsiɔ twɛy rà yeu, è twɛy màniɛ̀n gɔɔ̀n kur'la goo seeybɛyma reè ka, yè è kùnànban.

Piyɛrì jɔ̀naà 1:14

Ye Ŋaablà vu kun a ci dzin gooma myɛnbaa ì. E na ni kur'la goo ɲaan niì reè fyɛ̀ùn tɔ̀bɛ̀ybeè waatsi rɔn, e maà e re jaamabee fa twɛy tsɛ dɛ.

Tsitè 3:3

È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.

Matsiyù 5:28

Ŋà, mun nì ci e ra, mòò o moò taàn siɛ̀n à jaàn yè bo à re, tɔ ɲànmɔ̀ɔ̀be fau à ka e duùn nòn.

Lukì 4:5

Tà goomaa shɔ̀ùn, Sànwɔbaà yè b'a ka gàne sɔn ɲan kɔn, nìi ni jìran. È ni mɔn, è dziɲaan màsà gane reè sapɛ kpadè à ra jaa soo.

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Matsiyù 4:8

Tà shɔ̀ùn, Sànwɔbaà yè b'a ka kɔn jèn gbààn sɔn senfi. Tɔ̀un è dziɲaan màsà gane reè ko è nɔɔrɔɔ̀ sapɛ kpadè à ra.

Korɛntsika reè jɔ̀naà 10:6

Twɛy goo rèè fau nì, yè bà ni mùn jaa kpàdè gè riì ni à to mùn mà e jaan bo kur'la goo ɲaan neè rè, a ci è jaàn bou à re nìi tsuru waa.

Yàkubà 4:16

Ŋà dòònuùn ye e yɛrɛ deè, ye yè tɔ̀ ka e yɛrɛ blabe. Tɔ̀ yɛ̀rɛ̀blàbe nìi yɛ, tɔ̀ na wù waa.