Yùxanà jɔ̀naà 2:13 - Bible Dzùùngoo Unicode

¹³ Fa ì, mun nèe sɛbɛn nee sìan ye ra, kàtsu mòò riì ni fɔ dan, ye tɔ̀ tɔ̀. Dzunwɛyn neè, mun nèe sɛbɛn nee sìan ye ra, kàtsu ye dzi tarau gè ɲaan tsɛ.

Yùxanà jɔ̀naà 2:13 Referans Kwoze

Yùxanà 14:7

Ye ye ba mun tɔ̀, ye nà mun Fàà sa tɔ. È sen dòònuùn nà, y'a tɔ̀ nòn, ye yè bà à jaɔ̀ sa.»

Yùxanà jɔ̀naà 2:14

Ɔ̀ɔn dziniin ì, mun nèe sɛbɛn nee sìun ye ra, kàtsu ye Fà Ŋaablà tɔ. Ɔ̀ɔn fa ì, mun nèe sɛbɛn nee sìun ye ra, kàtsu mòò riì ni fɔ dan, ye tɔ̀ tɔ̀. Ɔ̀ɔn dzunwɛyn neè, mun nèe sɛbɛn nee sìun ye ra, kàtsu fàan ni ye ɲan, Ŋaablà re Goomaa ni tsuù ye ɲan, ye yè bà dzi tarau gè ɲaan tsɛ.

Yùxanà jɔ̀naà 4:4

Nìi ye, dziniin ì, ye bàu Ŋaablà raa, ye to dzi tarau è tsɛ nòn, è ɲɛn à tsɛ nìi ni ye ɲan, tɔ vùn dziɲaan raà mà.

Yùxanà jɔ̀naà 1:1

Àwà fɔ dan dan, nìi na ni, tɔ̀ yeè bà jaamabee Goomaa, ɲe tɔ̀ gooma myɛun, ɲe y'à jà e jaa ra, ɲe y'à lafyɛ, ɲe yè e si dzyɛn à ra.

Lukì 10:22

Yesù yè dzin kɔn ci: «Mun Fàà gè sapɛ wɔu mun suun. Àwà Fàà soo boshɔ̀ùn, mòò pɛn na à tɔ̀ Dzin Kpirimaa mòò riì waa. Mòò pɛn tsu to na Fàà tɔ̀ à mòò riì waa, Dzin Kpirimaa soo boshɔ̀ùn, ko Dzin Kpirimaa sào ni, à y'à kpàdè mòò riì rà.»

Yùxanà 17:3

A y'a myɛ̀n jaamabe dziù dòbɛɛ, tɔ̀ rii yɛ, e wo Ŋaablà soo takia tɔ̀, tà ko wo mòò riì ka nau, tɔ̀ yeè bà Yesù, wo Jaara Modzìàn e tɔ̀ tɔ̀.

Yùxanà jɔ̀naà 5:18

M'à tɔ̀ ci mòò moò kere boo Ŋaablà re, tɔ̀ na gooɲaan faa waa. È ɲɛn à tsɛ Dzin nìi kere boo Ŋaablà ɲan, tɔ̀ y'a màraɔ̀, Sùtana na dzia e dzyɛn à ra waa.

Yùxanà jɔ̀naà 3:12

N mà bà a ci Kayinìn tsuru waa, tɔ̀ niì bàu ɲan Sùtan'naa, è tseyn kpir'la vu. Feera à y'à vu ? Kàtsu à faadziɛ na ɲaan, tseyn kpirimaa raà yè bà na tereòn.

Matsiyù 11:27

Yesù yè dzin kɔn ci: «Mun Fàà gè sapɛ wɔu mun suun. Àwà Fàà soo boshɔ̀ùn, mòò pɛn na à tɔ̀ Dzin Kpirimaa mòò riì waa. Mòò pɛn tsu to na Fàà tɔ̀ à mòò riì waa, Dzin Kpirimaa soo boshɔ̀ùn, ko Dzin Kpirimaa sào ni, à y'à kpàdè mòò riì rà.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Yùxanà jɔ̀naà 2:12

Dziniin ì, mun nèe sɛbɛn nee sìan ye ra, kàtsu ye re gooɲaantsiɛ mɛɛy bou ye vu ra Yesù tsoò baraka rɔ̀n.

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.

Tsitè 2:6

Tɔ̀ soo tsuru, dzunwɛyn neè sa maxɔ̀n, yè bà akiritsi ì.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Yùxanà 16:3

È nà twɛy goo rèè sapɛ fa, kàtsu, è na Fà Ŋaablà tɔ jà, è to na mun tsu tɔ jà.

Yùxanà 14:9

Yesù yè dzin à ra ci: «Fìlipù, she na mun bà ye ka, arì she wo na mun tɔ̀ ŋe o ? Mòò riì mun jàu, tɔ Fà Ŋaablà rii jàu. Wo dzia dzin dzùrù kɔn ci: "Fà Ŋaablà kpadè mùn na ?"

Yùxanà 8:19

Yè Yesù tey tɔ̀un ci: «Wo Fàà ni min ?» Yesù yè dzin è ra ci: «Ye na mun tɔ̀, ye to na mun Fàà tsu tɔ. Ye yè bà na mun tɔ̀, ye na nà mun Fàà sa tɔ.»

Matsiyù 13:38

Dzùà, tɔ dziɲantsiɛ. Shìmàndzin wuɔ, tɔ Jìrànxɔɔ̀ Màsà ganee dzin nèè. Vun ɲaan, tɔ Sùtan'naa mòò rèè.

Matsiyù 13:19

"Shìmàndzin neè bèu tɔrɔn shi dzii niì rè, mòdzin neè swey ni tɔ̀ shi dziɛ rìì tsuru. È Ŋaablà re Màsàbee goomaa myɛ̀ɛn, ŋà è na à dzin seen waa. È nìi myɛɔ̀n, Sùtana nàa tɔ̀ bo è duùn.

Tsìmotè jɔ̀naà 5:1

Àwà maà a vu màxɔbe mòòbɔɔ̀ ka waa, ŋà à mà nì xɔ̀n a ci a fa. Dzunwɛyn neè, e twɛy màxɔ̀n a ci a tseyn ì.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.

Matsiyù 5:37

E re ɔ̀ɔn ye bà ɔ̀ɔn, ɔ̀ɔɔn ye bà ɔ̀ɔɔn, dzyee gè o ge bàa tɔ̀ tɛ̀y, tɔ̀ sapɛ boò Sùtana ɲan.

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Goo kpàdèuma rèè 2:7

Àwà, Ŋaablà re Dzia nìi dèe ɲɛynamoo kur'lèè rà, toro ì ye ba ni mòò riì rè è bà è ka myɛ̀yn faa, è toro wɔ cɛyn à y'à myɛ̀n ! Mòò riì ye ba dzibaa, jaamabee gɔ̀ɔ̀ku rìi ni Ŋaablà re àrìjinɛɛ̀ doùn, mun nà tɔ̀ dziàn sɔn sin tɔ̀ tsìfa ra, à y'à ɲɔn."»

Goo kpàdèuma rèè 12:11

Mùn neema reè dzi tarau à tsɛ, sààtòmòìriɛ tsìɛn baraka rɔ̀n, ko e re shɛɛrɛbee goomaa baraka rɔ̀n. È na e xɔɔn kɛ̀n yè shi saàn jɔun waa.