Yùxanà jɔ̀naà 2:10 - Bible Dzùùngoo Unicode

¹⁰ Mòò riì yè e neemaa kɛ̀niɔ̀n, tɔ ni vyevyeè ɲàn, goo sɔn pɛn to na ni à ɲan, nìi nà à neemaa sàn nà ban è mɛɛy waa.

Yùxanà jɔ̀naà 2:10 Referans Kwoze

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Ɔ̀rɔ̀mùnka reè 14:13

Tà doùn, mùn mà e si jààki waa. Sani ye jààki fa, y'a gaa rii e maà bà e neemaa mɛɛ̀ saabu tàmafa à sàn nà baan kpàà waa.

Piyɛrì fiiraa 1:10

Tɔ̀ kamà n neema ì, Ŋaabla ye kir'lìi fau è ye bo e jaara, ye e maxɔbe, ye tɔ̀ sàn gban. Tɔ̀ ye fa, goo sɔn pɛn fa à to ye yè e san nà ban dɛ.

Yùxanà 8:31

Tɔ̀un, Dzyèèsìbee mòdzin niì reè ɲɛun Yesù rà, è dzin twɛy rà ci: «Mun gooma niì dèu ye ra, ye ye e si kun à ra, ye yè to à shia tsɛ, ye nà bà mun ne kàràndzin sààben saàbèn.

Matsiyù 18:7

Dziɲan dzin naà barau, mòdzian sàn fir'la yè bà tsoo. Àwà sàn fìrì goo kpɛyn na do jàa waa, ŋà wo mòò riì bàa tsoo sàn fir'la yè mòò tàrà, wo raa barau.

Matsiyù 13:21

Ŋà à jiɛ̀ na gbaɔn è ɲan nìi fa waa, è toò à tsɛ waatsi dɛɛnin bàsɔùn nì doùn. Goo xɔù ye è ji nìi tsuru, tàmafa mòdzian yè fù è kpɛyn gooma ree kamà, tɔ̀ yeè è sèè bouma à kpɛyn.

Filipika reè 1:10

ye bà ni à tɔ̀ nìi wù. Tà tsuru Kirisà raa jisee sii sèè, ye bà ni ba fyɛuna, jààma mà bà ni e ra waa.

Yùxanà 11:9

È dzin è ra ci: «Waatsi teeŋ fii rìì na ni bwèy sɔɔ̀n doùn ɔ̀n ? Àwà, mòò ye ba jìɛ bwèy rɔ̀n, à na e san nà baan waa, kàtsu vyevyeè kamà, à jɛ̀y faa cɛyn.

Yùxanà 12:35

Yesù yè dzin è ra tɔ̀un ci: «Vyevyeè kpɛ̀yn ni ye fi ŋe, ŋà, tɔ̀ na waatsi gbaan goo dɛ. Vyevyeè ni waatsi riì bwèy, ye jìɛ̀ fa tɔ̀ bwèy, sànko, tsitsiɛ̀ mà nà bàràma e ɲan waa, kàtsu mòò riì jìɛ tsitsiɛ̀ ɲàn, tɔ̀ na à tɔ̀ wo bèe min niì waa.

Yùxanà jɔ̀naà 2:11

Ŋà mòò riì yè e neemaa kpɛynbee, tɔ jìɛ tsitsiɛ̀ ɲàn, à to na e bema tɔ̀ waa, è ɲɛn à tsɛ, tsitsiɛ̀ y'à baɔ̀ jaana.