Yùxanà jɔ̀naà 1:6 - Bible Dzùùngoo Unicode

⁶ Mìn ba ci mùn ni dzyèè rà ko a ka, mùn to jìɛ tsitsiɛ̀ ɲàn, mùn doò dèe, mùn na ni sààben tsɛ waa.

Yùxanà jɔ̀naà 1:6 Referans Kwoze

Yùxanà jɔ̀naà 4:20

Mòò ye dzin ci wo Ŋaablà kɛniɔ̀n, tɔ̀ to y'à tàrà è neemasia kpɛynbee, à doodebaa. È ɲɛn à tsɛ, è neemasi riì jàa à na tɔ̀ kɛ̀niɔ̀n waa, à na Ŋaablà riì jàa, à dzia tɔ̀ kɛ̀n dzùrù ?

Yùxanà jɔ̀naà 2:4

Mòò riì ci wò y'a tɔ̀, à to na à dzugooma xɔù rèè màr'la waa, tɔ doodebaa, sààbeen to na ni à ɲan waa.

Yùxanà jɔ̀naà 1:10

Ŋà mìn dzin ci gooɲaantsii na ni mùn vu ra, mùn y'a bàa doodebaa, à re goomaa to na ni mùn ɲan waa.

Yùxanà 8:12

Tà shɔ̀ùn, Yesù yè e vu bo jàmaà nà kɔn ci: «Mun nì dziɲantsiɛ vyevyeè, mòò riì ye e gban mun kpɛyn, tɔ̀ fa jìì tsitsiɛ̀ ɲàn dɛ, ŋà, à tsìfa nà jaamabee vyevyeè tàrà.»

Yùxanà 12:35

Yesù yè dzin è ra tɔ̀un ci: «Vyevyeè kpɛ̀yn ni ye fi ŋe, ŋà, tɔ̀ na waatsi gbaan goo dɛ. Vyevyeè ni waatsi riì bwèy, ye jìɛ̀ fa tɔ̀ bwèy, sànko, tsitsiɛ̀ mà nà bàràma e ɲan waa, kàtsu mòò riì jìɛ tsitsiɛ̀ ɲàn, tɔ̀ na à tɔ̀ wo bèe min niì waa.

Yàkubà 2:14

N neema ì, à fee wùbee mòò mà è dzin ci: «Ɲɛynaà ni mun ne», à to na à kpàdeò e faadziɛ ɲàn waa. Tɔ̀ ɲɛynaà ni dzi à tsi ɔ ?

Yùxanà 12:46

Mun naɔ̀ vyevyee rìì dziɲantsiɛ doùn, sànko mòò riì ye ɲɛn mun na, tɔ mà to tsùù tsitsiɛ̀ ɲàn waa.

Yùxanà jɔ̀naà 1:3

Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

Yùxanà 11:10

Ŋà, mòò ye ba jìɛ fene rɔn, è san nà baan, kàtsu vyevyee na ni à ɲan waa.»

Yàkubà 2:18

Àwà sɔn dzia dzin ci: «Ɲɛynaà ni wo re, faadziɛ yè bà ni mun ne.» Tà doùn, a re ɲɛynaà kpàdè n na, faadzii mà bà ni à ɲan waa, mun sa nà faadziɛ ka n naà kpàdè wo ra.

Yùxanà jɔ̀naà 1:8

Mìn dzin ci gooɲaantsii na ni mùn vu ra, mìn yɛrɛ maniɛ̀n, sààben to na ni mùn ɲan waa.

Yàkubà 2:16

ye sɔn yeè dzin è ra ci: «Ŋaa yè bè e ko xɛɛrɛ tsi, ye vya wɔ, ye mùnkɛɛ̀ bo e ra. Ye ɲwɛyn ɲɔn, ye cɛn.» Wo tɔ̀ sapɛ deè, è màgoo to ni nìi rà, wo na tɔ̀ siɔ̀n è ra waa. Tɔ̀ dzwɛɛ̀ fee wùbee ?

Matsiyù 7:22

Tsìɛ̀ sii sèè, mòò giri nà dzin mun na ci: "Tsìfaà, Tsìfaà, ɲe na kɛɛrabee fa wo rìì tsoo ka ɔ ? Ɲe na kwey rèè kaa bo mòdzian kpɛyn wo rìì tsoo ka ɔ ? Ɲe na kabagoo goo giri fa wo rìì tsoo ka ɔ ?"

Tsìmotè jɔ̀naà 4:2

Doodebaa duungoofiitsi rèè nà è sàn fìrì, twɛy nìì reè kɛ̀sɛmàà ni a ci myɛ̀ɛ̀n xe ka gè riì fyɛ̀ jiɔ̀.

Yùxanà 8:55

tà to y'a tàrà, ye na à tɔ̀ waa. Ŋà mun, mun y'à tɔ̀. Min dzin ci mun na à tɔ̀, mun bàu ye tsuru doodebaa. Ŋà, mun y'à tɔ̀, à re gooma reè yè bà toò mun duùn.