Korɛntsika reè jɔ̀naà 2:1 - Bible Dzùùngoo Unicode

¹ Àwà neema reè, mun bèu ye kpà waatsi riì bwèy, min bè Ŋaablà re gòndoo gooma de ye ra, mun na be gooma tɔ brisi ka, mun to na be akiritsifabe ka.

Korɛntsika reè jɔ̀naà 2:1 Referans Kwoze

Korɛntsika reè jɔ̀naà 1:17

È ɲɛn à tsɛ, Kirisà na mun kaɔ min mòò jaara foò waa, ŋà min Kùnàgoo Dziɔ̀ rìì dè. Mun to mà tɔ̀ fa mòdzin ne akiri gooma ì ka, tɔ̀ yeè nà Kirisà gbaàn gɔɔ̀ bà gè nàfà bɛy waa.

Korɛntsika reè jɔ̀naà 2:13

Ɲe na twɛy goo rèè dèe gooma ì ka, nìi adamàdzin mòdzin ne akiritsifabee kàràn waa, fɔ Ŋaablà re Dzia nìi kàr'na. È ɲɛn à tsɛ, ɲe rìì xɔɔn raa goò dèe xɔɔn raa gooma ì ka.

Korɛntsika reè jɔ̀naà 2:4

Àwà mun ne goomaa, ko mun ne waajibia, à pɛn naà adamàdzin mòdzin ne akiritsifabee gooma tɔ waa, ŋà à sapɛ na goo kpàdèkɔɔn dzibaabe ka, Ŋaablà re Dzia baraka rɔ̀n.

Tsìmotè fiiraa 1:8

Tà doùn, maà seey e mùn Tsìfaà shɛɛrɛbe fa waa. A to mà seey mun ka, ci mun ni kàsoò rà à kamà waa. Kùnàgoo Dziɔ̀ byɛnbee rìì fa mun ka, è kòrò Ŋaablà re dzibaabee ka.

Ɔ̀rɔ̀mùnka reè 16:18

È ɲɛn a tsɛ, twɛy mòdzìn tsu rèè na faagoò faa Kirisà, mùn Tsìfaà rè waa, ŋà y'à faa e yɛr'la doòn rìì lè. È dzugoomaa tsiinbee ko e re nanmara goòmà rèè saabu rɔ̀n, è mòdzin kunsɔ̀ɔ̀ma reè sàn fìr'la.

Korɛntsika reè fiiraa 11:6

Arì mun kɛ̀nsɛɛn ma ba gooma jaa tɔ̀, à na twɛ̀ɛ kàjaa tsɛ waa. Ɲe tɔ̀ kpàdeu ye ra kpàdèù'n kuru gir'la, goo giri doùn.

Goo kpàdèuma rèè 1:2

Yùxanà sa yeè bà shɛɛrɛ, à y'à kpàdè ci wo nìi sapɛ jau, à Ŋaablà re goomaa nì, è bà Yesù Kirisà rè shɛɛrɛbe.

Yùxanà jɔ̀naà 4:14

Nìi ɲe, ɲe y'à jàu, ɲe to y'à shɛɛrɛbe faa, ci Fà Ŋaablà yeè e Dzin Kpir'la ka nau, è nà bà dziɲantsiɛ Tsibaa.

Tesalonikika reè fiiraa 1:10

Tɔ nà fa, jisee riì è na nà, blà ye bà ni wɔ à ɲan e re mòò rèè fi, tà ko nìì reè ɲɛun à ra, è bà kabagoo twɛy sapɛ re. Ye sa to ɲɛun ɲe re shɛɛrɛbee rà do.

Korɛntsika reè jɔ̀naà 1:6

È ɲɛn à tsɛ, Kirisà rè shɛɛrɛbee fààn tarau ye fi.

Kɛɛradzin neè faadziɛ 22:18

"Min Tsìfaà jà. À to yè dzin mun na ci: A tabe bo Yerusalɛmùn, kàtsu, wo nà goo o goo dè mun ne goò ɲàn, Yerusalɛmunka reè na naà e tsiì à ra waa."

Kɛɛradzin neè faadziɛ 20:21

Dzyèèsìbee mòdzin sen ɲɛn kun kpɛrɛ mòdzin ì tsɛ, min vu bou è sapɛ ra, n ci yè e re jaamabee fau'n kur'la lakere Ŋaablà ka, yè ɲɛn mùn Tsìfa Yesù rà.

Goo kpàdèuma rèè 19:10

Tɔ̀un, min kunun gban ji à sàn dzuun, ci mun nà n kuu à bììn, m'a blàbe. È dzin mun na ci: «M'a tɔ̀ fa waa ! Mun sa wo faagoofasià sɔn ni, tà ko wo neemasi reè kòòsi, twɛy nìì reè yè e shiɔ̀ Yesù rè shɛɛrɛbee rà. Ŋaablà rii blàbe. Àwà, kɛɛra goòmà rèè ni Yesù rè shɛɛrɛbee rìì tsɛ.»

Goo kpàdèuma rèè 1:9

Àyìwà mun Yùxanà, ye neema kpir'la, ko ye byɛnbefasià è ɲɛn Yesù rè goo rèè tsɛ, ye ko mun sa yeè bà soo à re màsàbee doùn, mìn bà e mɔɲɔɔ̀n à kamà, mun kun bèu Patsimɔsì kòòyua fi dzɔ̀nxɔ̀ gane sɔn ɲan, Ŋaablà re Goomaa ko Yesù rè shɛɛrɛbee yè bà saabu.

Tsìmotè jɔ̀naà 1:11

Tɔ byɛɔ̀n dzwɛɛ̀ tsìfa Ŋaablà re Kùnàgoo Dziɔ̀ nɔɔrɔmaa mà, tɔ̀ niì kɛ̀ɛ̀yfau mun mà.

Korɛntsika reè fiiraa 10:10

È ɲɛn à tsɛ swey dziàn ci mun ne sɛbɛn neè doun goòmà rèè ɲinmaxɔ, fààn yeè bà ni è ɲan, ŋà ci mun yɛ̀r'la ye ba ni, mun ŋɔn fyɛn, mun ne gooma reè to na pɛn waa.

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Korɛntsika reè jɔ̀naà 2:7

Ŋà Ŋaablà raa akiritsifabee, ɲe tɔ̀ rii gooma deè. Tɔ̀ akiritsifabee na gòndo mɛnɛn tsùuŋma, Ŋaabla na nìi ŋɛ̀nɛ̀ɲaɔ̀n sani dziɲan ye ɲɛn, è bà ni à ka nɔɔrɔ ɲɛn ɲe tsɛ.