Korɛntsika reè jɔ̀naà 13:3 - Bible Dzùùngoo Unicode

³ Mun to kɛ̀nsɛɛn ye n suun gee sapɛ tanan tanan gbakɔɔn reè rà ɲwɛyn, min n gɔɔ̀n sìn è dzu, kɛ̀nbààbe ma ba ni mun ɲan, mun na gèsɔn wùbee waa.

Korɛntsika reè jɔ̀naà 13:3 Referans Kwoze

Yùxanà 15:13

A xɔɔn sìn a dzunwɛynsi reè kamà, kɛ̀nbààbe pɛn na ni tɔ̀ rii jɔun waa.

Matsiyù 23:5

È nà goo o goo fa, à sapɛ faa rìì, sànko mòdzian yè ye jà. Tɔ̀ rii kamà, è Ŋaablà re gooma niì tsùa y'à shì e teen ko e sià rà, y'à sapɛ baà blà bla, yè e re mɛ̀yɛ bla reè sàn dziɛ bùsaa gbànbe, yè tɔ̀ ka à kpàdè ci ye Ŋaabla shi jiibaa.

Galatsika reè 5:26

N mà e yɛrɛ blabe waa, n mà e si dzu gaa waa, mùn to mà e si jaaɲininbe waa.

Lukì 18:28

Yesù rè kàràndzin neè ɲàn, nìi tsoo ci Piyɛrì, tɔ̀ yeè dzin tɔ̀ rii ɲàn ci: «Ɲe do ? Ɲe kaariu e suun ge reè sapɛ shɔùn, ɲe yè e gban wo kpɛyn.»

Dzyèèsìbee mòdzin neè 13:9

E maà à to mòò pɛn yè e san fìrì ko kàràn kpɛrɛ ì ka, e na nìi tɔ̀ waa. Àwà, à wùɔ rìì yɛ, Ŋaablà ɲanwùɔ yè fààn wɔ mùn ɲan, sani ɲwɛyn goo shi yeè tɔ̀ fa. Nìì reè gbaɔn ɲwɛyn goo shià raa goo rèè kpɛyn, tɔ̀ na gèsɔn pɛn wùbee twɛy mà waa.

Tsìmotè jɔ̀naà 4:8

E a gɔɔ̀n dɛ̀ɛ̀y ɲuun fa ra, tɔ̀ nàfaà dzyɛ̀n, ŋà nàfa ni nìi ɲàn è geren, tɔ̀ rii Ŋaablà jɔun shiɲaanbeè, è ɲɛn à tsɛ jaamabee làyir'là seòn tɔ̀ rii ɲàn she ko gbey sa.

Yùxanà 12:43

Mòdzian yè blà wɔ è ɲan, tɔ̀ na dzi è ra Ŋaablà raà mà.

Lukì 18:22

Àwà, Yesù tà myɛ̀un min niì, è dzin kpir'la rà ci: «Goo soo wo fɔɔn ŋe. B'à suun ge reè sapɛ gɔɔ, a ɲɛɛn tanan gbakɔɔn reè rà. Tɔ̀ tsuru, nàforo bla nà bà ni wo re jìrànxɔɔ̀ doùn. Tà shɔ̀ùn, e nà a gban mun kpɛyn.»

Kɛɛradzin neè faadziɛ 21:13

Ŋà, Polì yè dzin ci: «Fee ye gɛyn kun ? Ye sào ni ye yè mun akiri bara tɔ̀ ka gbɛ ? À mà dàn kàsò dòùn jia bàsɔùn mà dɛ, arì mun yè bà nà san nì Yerusalɛmùn Tsìfa Yesù kamà, mun ni tɔ̀ ɲan tsuù ɲàn.»

Yùxanà 13:37

Piyɛrì yè dzin à ra ci: «Tsìfaà, feera mun fa dzi n gban bè wo ra dòònuùn ? À ni mun mà, mun yè n xɔɔn sìn wo kamà !»

Yùxanà 6:63

Ŋaablà re Dzia rìì jaamabee sìan, tà boshɔ̀ùn, mòdzian ko e yɛrɛ, à fa gèsɔn pɛn wùbe waa. Mun gooma niì reè dèu ye ra, Ŋaablà re Dzia ko jaamabee tàr'la twɛy rìì ɲàn.

Lukì 19:8

Àwà, Zakè yè fù tɔ̀ rii ɲàn è tsiì, è dzin Tsìfa Yesù rà ci: «Tsìfaà, mun nà n suun ge reè sapɛ sen, m'a tar'la sìn gbakɔɔn reè rà. Mun to ye ba mòò rè ɲɛyn nanmaraɔ, mun nà ɲɛyn nee tsuru nààlen sèè sìn à tsìfa ra.»

Filipika reè 2:3

E maà goo sɔn pɛn fa tsyɛ̀ɛ̀nɛ̀nbe tàmafa yɛ̀rɛ̀blàbe maana maànà ka waa. Ŋà ye e majàà rii, y'a jà ci dzyee rèè blà ye mà.