Bib sou entènèt

Paj dakèy
Bib sou entènèt
Korɛntsika reè jɔ̀naà 1:8

Korɛntsika reè jɔ̀naà 1:8 - Bible Dzùùngoo Unicode

⁸ Wò rii nà fààn wɔ ye ɲan sa fɔ à lataan, gè riì ni à to mùn Tsìfa Yesù Kirisà raa jisee sii sèè, jààma mà jà ye ra waa.

Gade chapit la Kopi

tounen moute ⬆

Korɛntsika reè jɔ̀naà 1:8
29 Referans Kwoze

Tesalonikika reè jɔ̀naà 3:13

Arì she Ŋaa yè fààn wɔ e dusùkun neè ɲàn, jààma mà jà e ra fɛnɛbee kàjaa tsɛ mùn Fà Ŋaablà jaa dzuun, mùn Tsìfa Yesù nà sii sèè e re mòò rèè sapɛ ka waa. Àmiinà !

Kolosika reè 1:22

Ŋà dòònuùn, è ɲɛn à Dzin kpir'la saàn tsɛ gɔɔ̀n ɲàn, à ye ko e fia lamɔnɔun, ye yè bà ni kpadè à jaa dzuun mòdzin ì, nìì reè fɛnɛɔ̀, fyɛ̀ na ni è ra waa, jààma to na ni è ra waa.

Filipika reè 1:6

Mun ɲɛɔ̀n goo soo ra, nìi yɛ, ci mòò riì tɔ̀ faagoo wùɔ dzii kuun ye ɲan, tɔ nà à fa è b'a vyɛ̀ e daùn, fɔ è bè suu Yesù Kirisà raa jisee dzu.

Tesalonikika reè fiiraa 3:3

Ŋà Tsìfaà vusootsi. À nà fààn wɔ ye ɲan, è ye tààn ɲaan mà.

Efɛsika reè 5:27

À y'à fa, gè riì ni à to, ɲɛynamoo kur'là yè kpàdè wò jaaterema ko nɔɔrɔ ka, fyɛ̀ na ni nìi rà waa, ɲɔ̀ɔ̀ɲɔ̀rɔ̀ma na ni à ra waa, ko twɛy tsur'lèè pɛn, ŋà à fɛnɛɔ̀, jààma pɛn to na ni à ra waa.

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Filipika reè 1:10

ye bà ni à tɔ̀ nìi wù. Tà tsuru Kirisà raa jisee sii sèè, ye bà ni ba fyɛuna, jààma mà bà ni e ra waa.

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

Ɔ̀rɔ̀mùnka reè 14:4

Wo tsì tɔ̀ tsuru, wo yè bà mòò kpɛr'laa faagoofadzin jaàkia ? À sàn gbaunma tou o, à to mɛrɔun o, tɔ ni à tsìfaà rìì mà. À sàn gbaunma to nà to, kàtsu à dzi ni Tsìfaà rà à y'à sàn gban.

Piyɛrì fiiraa 3:10

Tsìfaà nà jisee nà bàràma mòdzian ɲàn, a ci shɔn bàràmaa mòò ɲàn nìi tsuru. Tɔ̀ sii sèè, jìrànxɔɔ̀ nà dɔ̀n bo peu, baragoò màànkan bla ka. Sàà nà jìrànxɔ̀ ge reè kun è jɛ̀rɛ̀n, dzɔ̀nxɔɔ̀ ko e tsɛ gè rèè sa yeè dzu yè dò.

Korɛntsika reè fiiraa 1:21

Mòò riì ɲe ko ye sa san gbaàn Kirisà ɲàn, è bà mùn bo jiɔ̀ e jaara, tɔ Ŋaablà rii.

Korɛntsika reè fiiraa 1:14

A ci y'a fàànmuɔ̀n nìi tsuru dɛyn nòn, mùn Tsìfa Yesù raa jisee sii sèè, ɲe nà bà ye yɛ̀rɛ̀blàbè saabu, a ci ye sa nà bà ɲe yɛ̀rɛ̀blàbè saabu nìi tsuru.

Korɛntsika reè jɔ̀naà 5:5

tɔ mòò riì, è wɔ Sùtana suun, gè riì ni à to à gɔɔ̀n yè bara, à xɔɔn yè bà ni tsiuma tàrà Tsìfaà raa jisee sii sèè.

Lukì 17:24

A y'a jà min tɔ̀ dè, ŋaà bàràmaa è myɛ̀ɛ̀n nìi tsuru è bo ŋaablaxɔɔ̀ kùngɔ soo rà, è bè kùngɔ soo rà, Adamà dziàn nà jisee sa nà bà tɔ̀ rii tsuru.

Lukì 17:30

Adamà dziàn nà kpàdè sii rìi sèè, tɔ̀ goo soo rìì nà fa tɔ̀ sii sèè sa.

Ɔ̀rɔ̀mùnka reè 8:19

Àwà Ŋaablà re gè ɲɛunma rèè sapɛ kɔɔtɔɔ nìi rà, yè bà à màshua, tɔ̀ rii yɛ, Ŋaablà dzin nèè yè kpàdè.

Korɛntsika reè jɔ̀naà 3:13

Ŋà è soo soo sapɛ faagoo kaatsi rìi faɔ̀ tɔ nà kpàdè fyɛ. Tsìɛ̀ sii sèè, tɔ nà tɔ̀, è ɲɛn à tsɛ, sàà nà à kpàdè. Tɔ̀ sii sèè, mòdzian soo sookɔɔn sapɛ re faagoò nìi boò, sàà nà tɔ̀ dzuun bo.

Korɛntsika reè fiiraa 1:13

Àwà ɲe na gèsɔn pɛn kpɛrɛ sɛbɛn siàn ye ra, fɔ ye dzia nìi kàràn y'a fàànmun. Mun to y'à kɛ̀sɛɛ̀, ci ye nà ɲe fàànmun fɔ è bè vyɛ̀ e daùn.

Kolosika reè 2:7

E jiɛ̀ gbaunma yè bà ni à ɲan, e re jaamabee gbàkur'la yè bà fuɔ̀ à tsɛ. E san gbaunma yè to ɲɛynaà ɲàn a ci à kàraun e ra nìi tsuru, ye baraka giri sìn Ŋaablà ra.

Tesalonikika reè jɔ̀naà 5:2

È ɲɛn à tsɛ ye yɛ̀r'leè y'à tɔ̀ taki, ci shɔn bàràma naà nìi tsuru fen nɔ̀n, Tsìfaà nà jisee sa nà bà tà tsuru.

Tesalonikika reè fiiraa 2:2

Goo sɔn pɛn mà e akiri tabe fu è shiɲaanbe ka e ra, ci Tsìfaà nà waatsi wɔu nòn waa. Kɛɛrabe goòmà màà tɔ̀ fa, gooma kpɛrɛ mà tɔ̀ fa, à to mà bà ci à sɛbɛn daunma è bo ɲe re waa.

Tsìmotè fiiraa 1:12

Twɛy goo rèè rìì kamà min bà byɛɛn. Ŋà tɔ̀ seey na ni mun na waa, è ɲɛn à tsɛ, m'a tɔ̀, mun ɲɛɔ̀n nìi rà. Mun si to xɔ à tsɛ, ci à nìi kɛ̀ɛ̀yfaɔ̀ mun mà, à dzi ni à ra è tɔ̀ màrà fɔ è bè suu jisee lataan dzu.

Tsìmotè fiiraa 1:18

Arì she, mùn Tsìfa Yesù y'à to, Tsìfa Ŋaablà yeè màtsuru à ra, tsìɛ̀ sii sèè. À goowùù riì sapɛ fau Efɛsì wɔ̀ rɔ̀n, wo tɔ̀ tɔ̀ è geren mòdzian sapɛ tsɛ.

Swiv nou:

Lyen patwone

Piblisite

Piblisite