Yo 9:5 - Sơ̆p Hlabơar Nơ̆r 'Bok Kei-Dei

⁵ Kơplah Inh oei ala teh âu Inh dang măt 'năr pơchrang hơdah tơ teh âu wă kơ kon bơngai băt tơdrong 'Bok Kei-Dei.”

Yo 9:5 Referans Kwoze

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Jang 13:47

Yua kơ Kră Yang pơkă kơ nhôn sơ̆ thoi âu: ‘Inh rơih ih pơm ŭnh pơchrang hơdah kơ đĭ-đăng khŭl bơngai, wă kơ đĭ-đăng khŭl bơngai jơ̆p kơ teh đak gơh klaih đơ̆ng tơdrong yoch.’ ”

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Jang 26:23

Đơ̆ng sơ̆ sư bơtho khan 'Bok Krist khŏm đei tơdrong pơmat na lôch, klaih kơ noh iung arih đơ̆ng lôch hơdrol kơ lu bơ̆n. Na 'Bok Krist bơtho khan kơ lu bơngai Juđê hăm lu bơngai nai khan, dah lui kơ Sư na lu sư gơh klaih đơ̆ng tơdrong yoch.”

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Mathiơ 5:14

“Lu iĕm thoi lĕ kơ hơdah jơ̆p kơ kon bơngai lăm teh đak, thoi minh pôm pơlei oei kơpal kông ưh kơ đei layơ hlơp.