Yo 9:29 - Sơ̆p Hlabơar Nơ̆r 'Bok Kei-Dei

²⁹ Nhôn băt 'Bok Kei-Dei pơma păng Môis tơpă. Mă-lei bơngai noh nhôn ưh kơ băt Sư bơngai đơ̆ng yơ.”

Yo 9:29 Referans Kwoze

Yo 8:14

Yêsu khan kơ lu sư: “Mă Inh pơma tơdrong Inh kơdih, Inh pơma trŏ tơpă, yua kơ Inh băt kơdih Inh bơngai đơ̆ng yơ, wă wih tơ yơ. Mă-lei lu iĕm ưh kơ hlôh Inh bơngai đơ̆ng yơ, gô wih tơ yơ noh ôh.

Jang 26:22

Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.

Jang 22:22

Lu bơngai Juđê chu mơ̆ng Pôl pơma kơ lu sư tôch 'bơ̆t Yêsu wơh sư năm bơtho pơlei tơmoi. Lu sư kơtơ̆ng tơdrong noh na lu sư ơh, pơma re khan: “Pơlôch Pôl bĕ. Sư bơngai kơnê̆, ưh kơ trŏ ăn kơ sư arih ôh.”

Jang 7:35

Hơdrol kơ Môis wă jăk sơ̆ đe Isơrael ưh kơ wă kơ Môis na khan thoi âu: ‘Bu athei ih tŏk pơgơ̆r nhôn păng tơdrong sek tơlang kơ nhôn?’ Mă-lei lăp 'Bok Kei-Dei wơh linh jang 'lơ̆ng pơma păng pơm kơ 'long ŭnh sa ei, na 'Bok Kei-Dei ăn kơ Môis pơgơ̆r păng tơdŏng đe Isơrael đơ̆ng dêh Êyiptơ.

Yo 9:24

Na lu sư krao bơngai đêl măt tol ei minh 'măng dơ̆ng na jet sư: “Ih bơnê kơ 'Bok Kei-Dei đĕch hŏ măt ih gơh 'bôh hơdah boih. Gah nhôn băt kơ Yêsu bơngai yoch tơpă.”

Yo 9:16

Lu bơngai Pharisi mơ'nah khan: “Bơngai pơm thoi noh Sư ưh kơ sĭ lĕch đơ̆ng 'Bok Kei-Dei ôh, yua kơ Sư ưh kơ răk năr pơdơh Sa'bat.” Lu mơ'nah khan dơ̆ng: “Yah lei, bơngai yoch ưh kơ gơh pơm tơdrong mơsêh mơyang thoi Sư noh ôh.” Thoi noh na lu sư tơklah băl đon gah tơdrong Yêsu.

Yo 7:27

Mă-lei bơ̆n băt kơ Sư ưh kơ sĭ 'Bok Krist ôh, kơlih kơ bơ̆n băt kơ Sư bơngai đơ̆ng yơ. Mă-lei dah 'Bok Krist truh bơ̆n ưh kơ băt Sư đơ̆ng yơ ôh.”

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Mathiơ 26:61

iung pơma jâu Sư khan: “Bơngai âu Sư khan Sư gơh yuih hnam akŭm 'Bok Kei-Dei tơm, na pơm ming plơ̆ng dơ̆ng kơtĕch pêng năr keh hloi.”

Mathiơ 12:24

Lu bơngai Pharisi kơtơ̆ng thoi noh, lu sư khan: “'Noh đơ̆ng yang Belsêbul yŏng yang kơnê̆ tơgŭm Sư na Sư gơh pơpuh lu yang kơnê̆ noh.”

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Horiso 106:16

Lu sư hil areh kơ Môis. 'Bơ̆t anih lu sư pơdơh. Păng Arôn, bơngai mă 'lơ̆ng rơgoh Kră Yang.

Horiso 105:26

Sư wơh Môis đĭch đam Sư păng Arôn bơngai mă Sư rơih boih.

Horiso 103:7

Sư tơ'bôh ăn kơ Môis trong Sư, păng ăn kơ Isơrael băt dôm tơdrong mơsêh mơyang Sư.

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

II Pot 9:11

Na Jêhu lĕch hĭ đơ̆ng ei năm truh tơ lu đĭch đam yŏng tơ'ngla sư. Lu đe ei jet khan: “Tôm tơdrong hiôk 'lơ̆ng mơ̆n? Bơngai wơnh 'noh hei sư chă kiơ kơ ih?” Sư tơl lu đe ei khan: “Lu iĕm băt kơ sư păng băt nơ̆r sư pơma.”

I Pot 22:27

khan: “Pơtao khan thoi âu: Rôp chĭt bơngai 'nâu lăm hnam bơnă, iŏk 'bĕng păng đak tŏ sĕt, rong pơmat sư dĭng truh năr inh brŏk hiôk-hian.”

Both 34:10

Đơ̆ng năr noh, lăm lu bơngai Isơrael ưh kơ đei bơngai bu khan lê̆ adrol nhen thoi Môis, mă Kră Yang băt juăt kơ tơ'bơ̆p pơma dơnuh,

Jo 16:28

Môis khan dơ̆ng thoi âu: Đơ̆ng tơdrong 'nâu lu iĕm gô băt Kră Yang đei wơh inh pơm tơdrong 'nâu păng inh ưh kơ đei layơ pơm kiơ̆ kơ inh kơdih,

Yo 7:28

Yêsu băt kơ lu sư pơma thoi noh na Sư bơtho 'bơ̆r re lăm hnam akŭm 'Bok Kei-Dei tơm: “Lu iĕm khan iĕm băt kơ Inh bơngai đơ̆ng yơ. Mă tơpă ưh kơ sĭ Inh bơngai đơ̆ng noh ôh. Ưh kơ sĭ Inh truh tơ iĕm yua kơ akâu Inh wă kơdih ôh. 'Bok Kei-Dei wơh Inh tơpă. Mă-lei iĕm ưh kơ băt kơ Sư.

Yo 9:30

Bơngai đêl măt tol ei khan dơ̆ng: “Inh mah chrêu kơ đon tơpă! Sư pơklaih măt inh mah 'bôh hơdah boih, mă-lei iĕm khan ưh kơ băt Sư bơngai đơ̆ng yơ.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.