Yo 9:24 - Sơ̆p Hlabơar Nơ̆r 'Bok Kei-Dei

²⁴ Na lu sư krao bơngai đêl măt tol ei minh 'măng dơ̆ng na jet sư: “Ih bơnê kơ 'Bok Kei-Dei đĕch hŏ măt ih gơh 'bôh hơdah boih. Gah nhôn băt kơ Yêsu bơngai yoch tơpă.”

Yo 9:24 Referans Kwoze

Yo 9:16

Lu bơngai Pharisi mơ'nah khan: “Bơngai pơm thoi noh Sư ưh kơ sĭ lĕch đơ̆ng 'Bok Kei-Dei ôh, yua kơ Sư ưh kơ răk năr pơdơh Sa'bat.” Lu mơ'nah khan dơ̆ng: “Yah lei, bơngai yoch ưh kơ gơh pơm tơdrong mơsêh mơyang thoi Sư noh ôh.” Thoi noh na lu sư tơklah băl đon gah tơdrong Yêsu.

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

Yo 19:6

'Bôh Yêsu boih, lu 'bok soi tih hăm lu linh ôr pơret khan: “Pơ̆ng Sư tơ 'long pơglang, pơ̆ng pơlôch Sư tơ 'long pơglang.” Pilat khan: “Lu iĕm iŏk Sư bĕ, pơ̆ng pơlôch Sư tơ 'long pơglang. Gah inh, inh ưh kơ 'bôh Sư pơm yoch kiơ ôh.”

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

Yo 18:30

Lu sư khan: “Dah Sư ưh kơ đei pơm yoch, nhôn ưh kơ đei năm ba Sư tơ ih ôh.”

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

Yo 8:49

Yêsu khan: “Inh ưh kơ đei yang mơ̆t ôh. Inh pơư pơang anăn 'Bă Inh ră, na iĕm nŏng kơ pơma pơjăm pơjuă Inh.

Yo 8:46

“Lăm lu iĕm ưh kơ đei bu 'bôh Inh pơm yoch kiơ. Dah Inh pơma tơpăt lơliơ iĕm ưh kơ wă lui kơ Inh?

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Luka 19:7

Đĭ-đăng kơ đe 'bôh tơdrong noh na chă pơma kơdih khan: “Lơliơ Yêsu boih khan mơ̆t sŏng sa tơ hnam bơngai yoch?”

Luka 15:2

Na lu bơngai Pharisi păng lu 'bok thây bơtho tơdrong juăt đe Juđê chă mơmơnh khan: “Bơngai âu pơm ăn kơ lu bơngai yoch mơ̆ng sư bơtho, kư̆m sŏng sa hơdai hăm sư mơ̆n.”

Luka 7:39

Lăp bơngai Pharisi mă wơ̆n Sư, 'bôh thoi noh na sư tơchĕng lăm to sư kơdih khan: “Tơ̆ng bơngai âu bơngai pơtruh nơ̆r 'Bok Kei-Dei tơpă, lei Sư băt kơ bơngai mă pel Sư 'noh bơngai đi.”

Markôs 15:27

Lu sư kư̆m pơ̆ng 'bar 'nu bơngai tơtông jê̆ hơdai Yêsu mơ̆n, minh 'nu gah 'ma, minh 'nu gah 'ngiĕo kơ Sư.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Esơra 10:11

Thoi noh dang ei, tơbral bĕ tơdrong yoch iĕm kơ Kră Yang Kră Yang 'Bok Kei-Dei 'bok lu iĕm păng pơm kiơ̆ kơ Sư lăp đon; athei weh bĕ đơ̆ng lu adrĕch tơmoi lăm dêh âu păng đơ̆ng lu bơngai tơmoi mă lu iĕm iŏk pơm akăn.

Yo 9:25

Na bơngai đêl măt tol ei khan kơ lu sư: “Inh ưh kơ băt Sư bơngai yoch dah ưh. Pôm tơdrong âu inh băt: Inh băt tơdra kơ inh bơngai măt tol sơ̆ mă-lei đơ̆ng Sư pơklaih inh âu, na dang ei inh gơh 'bôh hơdah hloi tơpă.”

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.