Yo 8:43 - Sơ̆p Hlabơar Nơ̆r 'Bok Kei-Dei

⁴³ Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?

Yo 8:43 Referans Kwoze

Yo 5:43

'Bă Inh 'Bok Kei-Dei wơh Inh jur tơ ala teh âu, mă-lei iĕm ưh kơ wă sơng iŏk Inh ôh. Na bơngai nai năm kơdih sư, noh iĕm tơkan sơng iŏk sư hloi.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Yo 6:60

Lăm lu bơngai mă kiơ̆ Sư đơ̆ng sơ̆ đei lơ 'nu kơtơ̆ng tơdrong Sư bơtho noh na khan: “Tơdrong Sư bơtho noh anat tơpă. Bu gơh pơm thoi noh?”

Yo 8:27

Dôm lu đe noh ưh kơ hlôh Yêsu roi kơ lu sư 'Bă Sư 'Bok Kei-Dei.

Je 6:10

Inh gô roi păng tơbăt kơ bu, wă kơ lu sư mơ̆ng Inh? 'Nâu, đon lu sư chĭt lê̆ boih, lu sư ưh pă kơtơ̆ng boih. Nơ̆r Kră Yang lu sư pơjăm, lu sư ưh kơ 'maih mơ̆ng ôh nơ̆r Kră Yang.

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Êsai 44:18

Lu bơngai noh ưh kơ băt păng ưh kơ tơchĕng lăng yua kơ măt lu sư tep na ưh kơ 'bôh, jơhngơ̆m đon lu sư kư̆m chĭt lê̆ na lu sư ưh kơ hlôh.

Êsai 6:9

Kră Yang khan: “Năm bĕ! Khan kơ kon pơlei 'nâu: ‘Mơ̆ng, mă-lei ưh kơ hlôh kiơ: Lăng 'bôh mă-lei ưh kơ băt kiơ.’

Mi 4:12

Mă-lei lu sư ưh kơ băt kơ tơdrong 'Bok Kei-Dei wă lăp đon, ưh kơ băt hlôh kơ Kră Yang tơchĕng; yua kơ Kră Yang đei akŭm pơpôi lu sư thoi hơchô̆ 'ba tơ anih đe pơjuă 'ba.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Rom 3:11

Păng ưh kơ đei bu hlôh wao tơdrong 'Bok Kei-Dei, yua kơ ưh kơ đei bu wă chă Sư.

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.

Yo 8:33

Na lu bơngai kiơ̆ ei khan kơ Yêsu: “Nhôn kon sâu Abraham. Nhôn ưh kơ lah đĭch đe. Lơliơ Ih khan: ‘Iĕm gô rơngei’?”

Yo 8:39

Lu sư khan kơ Yêsu: “Abraham boih 'bă nhôn.” Yêsu khan kơ lu sư: “Dah iĕm kon Abraham tơpă lei iĕm pơm kiơ̆ thoi sư pơm.