Yo 7:37 - Sơ̆p Hlabơar Nơ̆r 'Bok Kei-Dei

³⁷ Tơpă wă tôch Năr Giĕng Bơsŭn ei, năr noh năr đe akŭm giĕng tih tơpă, na Yêsu iung dang dơ̆ng bơtho 'bơ̆r re khan: “Bơngai bu rơhing 'maih nhă đak, năm tơ Inh bĕ.

Yo 7:37 Referans Kwoze

Êsai 55:1

“Ơ lu bơngai mă rơhing kơ đak, năm bĕ tơ đak! Păng bơngai bu ưh kơ đei jên, năm bĕ răt na sa, năm bĕ răt tơdrô păng đak toh mă ưh kơ kăl hăm jên, ưh kơ đei huach kơ răt.

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

Êsai 12:3

Lu iĕm gô chơt hiôk năm chhŏ iŏk đak đơ̆ng tu tơdrong dŏng pơklaih.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Tơdrông Tơ'bôh 21:6

Na 'Bok Kei-Dei khan dơ̆ng kơ inh thoi âu: “Inh pơm tôm tơdrong keh boih. Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh. Thoi noh bu ol kơ đak, inh asong nhă đĕch đơ̆ng tu đak ăn kơ kon bơngai gơh arih ling-lang.

Horiso 42:2

Bơhngol inh rơhing kơ Kră Yang 'Bok Kei-Dei jơ̆ Kră Yang 'Bok Kei-Dei arih ling-lang. Layơ inh gô tơ'bơ̆p Kră Yang 'Bok Kei-Dei.

Horiso 63:1

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Horiso 143:6

Inh yơ̆r ti inh gah Ih; Jơhngơ̆m inh rơhing kơ Ih thoi teh hrĕng kro. Sêla

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

Yo 6:55

Inh wă khan kơ iĕm dơ̆ng, sĕch akar Inh tơmam sa kon bơngai tơpă; pham Inh kư̆m đak nhă kon bơngai tơpă.

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Jo 29:35

Năr mă tơhngam, lu iĕm athei akŭm tih; ưh kơ gơh jang minh tơdrong jang kiơ kơ sĕch akar;

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.

I Kor 10:4

păng đak nhă lu sư đơ̆ng 'Bok Kei-Dei ăn mơ̆n. Đak lĕch đơ̆ng tơmo. Tơmo 'noh kiơ̆ bơwei lu sư khŏm khŏm. Tơmo 'noh wă khan 'Bok Krist.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Lêwi 23:36

Lăm tơpơh năr noh iĕm athei pơyơ̆r rim năr dôm tơmam soi, yua 'buh hăm ŭnh ăn kơ Kră Yang; truh lăm năr tơhngam lu iĕm đei akŭm rơgoh păng năm ba tơmam pơyơ̆r 'buh hăm ŭnh kơ Kră Yang; noh đei tơdrong akŭm tih pơyom. Lu iĕm 'nĕ kơ bơ̆jang kơ sĕch akar minh tơdrong kiơ.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

I Kor 11:25

Kư̆m thoi noh mơ̆n đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn lu iĕm. Thoi noh na 'Bok Kei-Dei pơklaih iĕm đơ̆ng tơdrong yoch. Rim wơ̆t iĕm huch đak âu wă kơ iĕm 'blŏk hơdơ̆r kơ Inh.”

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 6:37

Đĭ-đăng dôm lu bơngai mă 'Bă Inh ăn kơ Inh, lu sư gô lui kơ Inh. Păng bơngai bu lui kơ Inh, Inh ưh kơ tŭk sư ôh.

Yo 5:40

mă-lei iĕm ưh kơ wă năm iŏk tơdrong arih đơ̆ng Inh ôh.

Yo 1:23

Yôhan khan kơ lu sư: “Inh bơngai mă bơtho tơ char glă athei hơmet trong Kră Yang mă tơpăt dang khan tơbral kơdih tơdrong yoch, yua kơ Sư wă truh tơ bơ̆n boih kư̆m thoi Êsai khan lê̆ hơdrol sơ̆.”

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Mi 6:9

Mơ̆ng bĕ nơ̆r Kră Yang krao pơret blah hăm pơlei âu, bơngai hơgei athei hli yom kơ anăn Sư. Mơ̆ng bĕ 'long jra teh na băt kơ bu mă Kră Yang pơkă năm blah.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 40:6

Đei nơ̆r khan: “Krao ôr bĕ!” Inh jet: “Inh gô krao lơliơ?” “Đĭ-đăng kon bơngai nhen thoi 'nhĕt. Tơdrong 'lơ̆ng sư nhen thoi pơkao tơ bri brah.

Ne 8:18

Rim năr, đơ̆ng năr blŭng-a truh tơ năr tuch-luch, sư đŏk lăm sơ̆p hla bơar khôi juăt Kră Yang 'Bok Kei-Dei. Lu sư pơm giĕng sŏng sa lăm tơpơh năr; truh năr mă tơhngam đei akŭm pơm giĕng tih, pơm kiơ̆ thoi đei tơtă boih.

Lêwi 23:39

Truh năr mơjĭt-pơđăm khei tơpơh, g đang kơ lu iĕm kĕch yuă bơyan hơnê̆ sơnăm iĕm bơih, lu iĕm athei bơwei tơdrong pơm giĕng iĕm lăm tơpơh năr, năr blŭng-a jing năr pơdơh đei tơdrong pơyom păng năr mă tơhngam kư̆m năr pơdơh pơyom.

Yo 7:28

Yêsu băt kơ lu sư pơma thoi noh na Sư bơtho 'bơ̆r re lăm hnam akŭm 'Bok Kei-Dei tơm: “Lu iĕm khan iĕm băt kơ Inh bơngai đơ̆ng yơ. Mă tơpă ưh kơ sĭ Inh bơngai đơ̆ng noh ôh. Ưh kơ sĭ Inh truh tơ iĕm yua kơ akâu Inh wă kơdih ôh. 'Bok Kei-Dei wơh Inh tơpă. Mă-lei iĕm ưh kơ băt kơ Sư.

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Tơdrông Pơđơk 8:3

Jê̆ 'măng jang; 'bơ̆t anăp 'măng mơ̆t tơ pơlei tih, Tơ trong mơ̆t, sư krao ôr:

Mathiơ 3:3

Êsai bơngai pơtruh nơ̆r 'Bok Kei-Dei, sư chih khan lê̆ hơdrol gah Yôhan sơ̆ thoi âu: “Đei minh 'nu bơngai bơtho tơ char glă chơngue ning-mônh khan: ‘Bĕ bơ̆n hơmet trong kơ Kră Yang, păng pơm trong Sư mă tơpăt. Wă khan lu bơ̆n tơbral kơdih tơdrong yoch.’ ”

Tơdrông Pơđơk 9:3

Sư đei wơh boih đam drŏ-kăn sư, Sư krao ôr đơ̆ng anih kơjung hloh lăm pơlei tih,

Tơdrông Pơđơk 8:1

Tơdrong gơh hơgei ưh kơ oei krao? Tơdrong hlôh wao ưh kơ oei ôr hă?

Tơdrông Pơđơk 1:20

Tơdrong gơh hơgei krao ôr tơ rok trong tih, Pơma re tơ lăm anih đe akŭm tih.

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Êsêkiên 47:9

Đak krong ro truh tơ yơ, lu kon sem, hơdrông kơep lep-ler đei arih tơ noh. Gô đei lơ lu ka lăp đak krong ro truh tơ noh na đak gô hlăng 'lơ̆ng; đak krong 'nâu ro truh tơ yơ lu sem brem tơ noh gô arih.

Mathiơ 5:6

“Pŭn dêh lu bơngai 'maih pơm 'lơ̆ng thoi 'Bok Kei-Dei wă, 'Bok Kei-Dei gô ăn kơ sư jing 'lơ̆ng thoi noh.

Yo 4:11

Duch ei khan kơ Sư: “Ơ 'Bok, Ih ưh kơ đei gơhnŏk wă sŏ đak, na thoi yơ Ih gơh sŏ yua kơ sơlŭng đak âu jrŭ? Na Ih khan wă sŏ đak ăn kơ inh arih, Ih wă sŏ đơ̆ng yơ?