Yo 7:32 - Sơ̆p Hlabơar Nơ̆r 'Bok Kei-Dei

³² Bơngai Pharisi kơtơ̆ng ang kon pơlei pơma 'bơm Yêsu thoi noh, na lu bơngai Pharisi păng lu 'bok soi tih wơh lu linh sư năm rôp Yêsu.

Yo 7:32 Referans Kwoze

Jang 5:26

Na 'bok yŏng linh păng lu linh sư năm rôp dơ̆ng jơ̆ng 'bang Yêsu. Mă-lei lu linh ưh kơ đei pơm kơnê̆ ôh yua kơ lu sư hli kơ kon pơlei klơ̆m lu sư păng tơmo.

Yo 18:3

Thoi noh Juđa năm krao iŏk lu linh Rôm păng lu linh Juđê mă gak hnam akŭm tơm mă đêl lu 'bok soi tih hăm lu khŭl Pharisi pơkă ăn kơ lu sư. Lu sư tơ̆k ŭnh, chĕp đao, hơlă, hră, năm tơ pơgar ei.

Yo 12:19

Thoi noh boih, na lu bơngai Pharisi ơh klai. Lu sư pơma khan dih băl: “Iĕm lăng, ưh pă jei bơ̆n tơpă boih; dang ei đĭ-đăng kon bơngai kiơ̆ Sư ngăl.”

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

I Sam 19:20

Sôl wơh bơngai năm rôp Đawit; na lu sư 'bôh minh khŭl bơngai khan lê̆ adrol oei suang pơma khan lê̆ adrol păng Samuel pơgơ̆r lu bơngai ei, Yang Bơhngol 'Lơ̆ng Kră Yang 'Bok Kei-Dei mơ̆t pơm kơ lu sư lu sư kư̆m suang pơma khan lê̆ adrol mơ̆n.

Mathiơ 12:14

Lu khŭl Pharisi noh lĕch đơ̆ng hnam akŭm noh năm pơđâu chă tơdrong wă kơ gơh rôp pơlôch Yêsu.

Mathiơ 26:58

Pêtrôs kiơ̆ lăng Yêsu đơ̆ng rŏng ataih ataih, truh tơ cham hnam 'bok soi tơm, sư oei ngôi hơdai lu bơngai gak. Sư kiơ̆ mơ̆ng wă kơ băt tơdrong đe pơm kơ Yêsu thoi yơ.

Yo 7:30

Thoi noh na lu đe ei wă rôp Sư ră, mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 11:46

Mă-lei lu buăl sư mơ'nah năm roi kơ lu bơngai Pharisi Yêsu tơiung arih Lasarơ.