Yo 7:28 - Sơ̆p Hlabơar Nơ̆r 'Bok Kei-Dei

²⁸ Yêsu băt kơ lu sư pơma thoi noh na Sư bơtho 'bơ̆r re lăm hnam akŭm 'Bok Kei-Dei tơm: “Lu iĕm khan iĕm băt kơ Inh bơngai đơ̆ng yơ. Mă tơpă ưh kơ sĭ Inh bơngai đơ̆ng noh ôh. Ưh kơ sĭ Inh truh tơ iĕm yua kơ akâu Inh wă kơdih ôh. 'Bok Kei-Dei wơh Inh tơpă. Mă-lei iĕm ưh kơ băt kơ Sư.

Yo 7:28 Referans Kwoze

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.

Yo 8:19

Lu sư jet: “'Bă Ih tơ yơ?” Yêsu khan: “Yua kơ iĕm ưh kơ băt kơ Inh, na iĕm kư̆m ưh kơ băt kơ 'Bă Inh mơ̆n. Dah iĕm băt kơ Inh lei iĕm kư̆m băt kơ 'Bă Inh mơ̆n.”

Yo 8:26

Inh oei đei lơ tơdrong wă pơma păng iĕm mơ̆n gah tơdrong wă sek tơlang iĕm. 'Bok mă wơh Inh Sư pơma ling-lang tơpăt na Inh kơtơ̆ng Sư pơma thoi yơ, Inh bơtho đe kư̆m thoi noh mơ̆n.”

Yo 8:14

Yêsu khan kơ lu sư: “Mă Inh pơma tơdrong Inh kơdih, Inh pơma trŏ tơpă, yua kơ Inh băt kơdih Inh bơngai đơ̆ng yơ, wă wih tơ yơ. Mă-lei lu iĕm ưh kơ hlôh Inh bơngai đơ̆ng yơ, gô wih tơ yơ noh ôh.

Je 9:6

Ih oei lăm tơdrong hơlĕnh pơdăr. Đơ̆ng tơdrong hơlĕnh pơdăr noh na lu sư sơngah kuă kơ băt kơ Inh,” Kră Yang khan.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 12:49

Yua kơ ưh kơ sĭ Inh bơtho tơdrong Inh kơdih ôh. 'Bă Inh mă wơh Inh, Sư pơkă kơ Inh bơtho thoi yơ, na Inh bơtho thoi noh mơ̆n.

Yo 5:43

'Bă Inh 'Bok Kei-Dei wơh Inh jur tơ ala teh âu, mă-lei iĕm ưh kơ wă sơng iŏk Inh ôh. Na bơngai nai năm kơdih sư, noh iĕm tơkan sơng iŏk sư hloi.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

I Yo 5:10

Bơngai bu lui kơ Kon 'Bok Kei-Dei, bơngai 'noh lăm to sư, sư băt tơpă gah tơdrong 'Bok Kei-Dei tơbăt gah Kon Sư. Bơngai bu ưh kơ lui kơ nơ̆r 'Bok Kei-Dei pơma, bơngai 'noh sư khan 'Bok Kei-Dei hơlĕnh kơlih kơ sư ưh kơ lui kơ nơ̆r 'Bok Kei-Dei pơma gah Kon Sư.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 1:18

Ưh ôh. 'Bok Kei-Dei ling-lang pơm trŏ thoi Sư pơkă, na nhôn kư̆m lei-lăi. Dôm tơdrong nhôn pơkă nhôn athei pơm hloi; ưh kơ sĭ nhôn pơkă phŏ 'blep phŏ ưh. Ưh kơ thoi noh ôh.

Rom 3:4

Đêl Sư pơkă lê̆ hơdrol Sư gô pơm 'blep thoi Sư pơkă tơpă. Mă kon bơngai bơ̆n juăt kơ hơlĕnh kơ Sư, kuă kơ kiơ̆ 'bơ̆r đon Sư mă-lei Sư oei pơm 'blep kơ nơ̆r Sư pơkă đĕch, Sư ưh kơ hơlĕnh thoi bơ̆n ôh. Na tơdrong noh 'blep thoi tơdrong đe chih roi lê̆ sơ̆ tơpă, sư khan thoi âu: “Ơ Kră Yang, Ih pơma 'lơ̆ng, pơma tơpăt ling-lang. Na kon bơngai wă sek tơlang tơdrong Ih, mă-lei lu sư ưh kơ gơh sek tơlang thoi yơ, yua kơ Ih pơm tơpăt kiơ̆ kơ nơ̆r Ih pơkă ngăl.”

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Jang 17:23

Hơtai inh brŏk năm chă lăng pơlei iĕm, inh 'bôh lu anih iĕm kơkuh kơ yang păng inh 'bôh minh anih iĕm chih thoi âu: ‘Anih âu bơ̆n kơkuh kơ yang bơ̆n ưh tam kơnăl.’ Yang iĕm kơkuh noh iĕm khan ưh tam kơnăl, mă yang noh boih inh bơtho kơ iĕm dang ei.

Yo 17:25

Ơ 'Bă Inh, Ih 'lơ̆ng tơpăt, lu bơngai ala teh âu ưh kơ băt kơ Ih, mă-lei Inh băt kơ Ih păng lu sư âu băt kơ Ih wơh Inh.

Yo 16:3

Lu sư gô pơm kơ iĕm thoi noh kơlih kơ lu sư ưh kơ băt kơ 'Bă Inh păng ưh kơ băt kơ Inh mơ̆n.

Yo 14:31

Inh wă kơ kon bơngai ala teh âu băt kơ Inh 'mêm kơ 'Bă Inh. Kơlih kơ thoi noh na Inh khŏm pơm kiơ̆ kơ Sư pơkă kơ Inh. “Na dang ei bĕ bơ̆n jah weh đơ̆ng anih âu.”

Yo 14:10

Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 8:16

Mă-lei dah Inh wă sek tơlang, Inh athei sek tơlang mă tơpăt, ưh kơ sĭ sek tơlang hơdrô̆ Inh ôh, nhi 'Bă Inh mă wơh Inh sek tơlang hơdai.

Yo 5:32

Mă-lei đei minh 'nu nai pơma bơ̆ng Inh tơpă păng Inh kư̆m băt kơ Sư pơma tơpăt tơpă tơdrong Inh.

Yo 3:33

Bơngai bu lui kơ nơ̆r Sư bơtho, bơngai 'noh sư lui kơ 'Bok Kei-Dei pơma sĭt tơpă,

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Yo 1:46

Na Nathanel khan: “Lơliơ? Tam mă biơh đei bơngai bu pơm tih đơ̆ng lăm Pơlei Nasaret ôh.” Na Philip khan dơ̆ng kơ sư: “Na ih jah năm lăng Sư deh wă kơ ih băt kơ Sư thoi yơ.”

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Luka 2:51

Đơ̆ng rŏng kơ 'nei na Yêsu brŏk kiơ̆ mĕ 'bă Sư tơ Pơlei Nasaret. Sư chu yom kơ mĕ 'bă Sư ling-lang. Na mĕ Sư oei tơchĕng 'blŏk ling-lang kơ tơdrong noh hei păng dôm tơdrong đe khan lê̆ hơdrol gah kon sư, mă đơ̆ng sơ̆.

Luka 2:39

Lăp mĕ 'bă Yêsu pơm tôm tơdrong kiơ̆ kơ tơdrong juăt 'Bok Kei-Dei pơkă boih, na lu sư brŏk tơ Pơlei Nasaret, pơlei sư kơdih tơ dêh char Galilê.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Luka 2:4

Yôsep yak đơ̆ng Pơlei Nasaret, dêh char Galilê, năm tơ Pơlei Betlehem, dêh char Juđê, pơlei Đawit sơ̆, yua kơ sư kon sâu adrĕch adrung Đawit.

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.

Yo 7:14

Lăp tŏk-bŏk năr giĕng ei na Yêsu mơ̆t lăm hnam akŭm 'Bok Kei-Dei tơm, na Sư bơtho đe lăm noh.

Mathiơ 26:55

Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Yo 6:42

Lu sư khan: “Bơngai âu ưh kơ trŏ Yêsu ôh hă, mă kon Yôsep? Bơ̆n băt kơ mĕ 'bă Sư. Mă-lei liơ Sư khan: ‘Inh jur đơ̆ng plĕnh?’ ”

Yo 9:29

Nhôn băt 'Bok Kei-Dei pơma păng Môis tơpă. Mă-lei bơngai noh nhôn ưh kơ băt Sư bơngai đơ̆ng yơ.”