Yo 6:70 - Sơ̆p Hlabơar Nơ̆r 'Bok Kei-Dei

⁷⁰ Yêsu khan kơ lu sư: “Inh rơih mơjĭt-'bar 'nu lu iĕm mă-lei minh 'nu lăm lu iĕm dang lĕ yang kơnê̆.”

Yo 6:70 Referans Kwoze

Yo 13:27

Lăp Juđa iŏk 'bĕng mi ei yang Satan mơ̆t lăm jơhngơ̆m sư hloi. Na Yêsu khan kơ Juđa: “Ih jah năm wăi, na ih jah pơm tơdrong ih wă pơm.”

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 17:12

Kơplah Inh oei hơdai lu sư, Inh yua mơsêh mơyang đơ̆ng Ih pơjao kơ Inh, na Inh wei-lăng lu sư kơjăp. Inh wei-lăng lu sư, lăm lu sư ưh kơ đei bu hiong ôh; lăp minh 'nu bơngai đĕch hiong. Mă-lei trŏ kơ sư wă hiong 'mơ̆i kơlih kơ 'blep trŏ thoi đe chih khan lê̆ hơdrol lăm sơ̆p hla bơar Ih.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.

I Yo 3:8

Bơngai bu oei pơm yoch khŏm khŏm, bơngai 'noh oei kiơ̆ yang Satan đĕch, kơlih kơ yang Satan pơm yoch đơ̆ng tơm hmơm sơ̆. Kon 'Bok Kei-Dei jur tơ ala teh âu sơ̆ wă pơrăm dôm tơdrong yang Satan pơm.

I Tim 3:11

Lu bơngai drŏ-kăn wă jang lăm hnam 'Bok Kei-Dei, sư kư̆m athei pơm mă 'lơ̆ng tơpăt mơ̆n; 'nĕ kơ pơma plĕch kơ đe, 'nĕ kơ et sik suai. Sư athei pơm tôm tơdrong 'lơ̆ng tơpăt ngăl.

Jang 1:17

Juđa sơ̆ oei păng bơ̆n, jang hơdai păng bơ̆n.

Yo 15:19

Dah iĕm khŭl bơngai ala teh âu, lei tơduă iĕm ala teh âu 'mêm mơnat dih băl. Mă-lei Inh rơih iŏk iĕm đơ̆ng khŭl ala teh âu na lu sư lăng iĕm thoi lĕ ưh kơ dih bôl. Kơlih kơ thoi noh na lu sư hil areh kơ lu iĕm.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 13:21

Đơ̆ng rŏng kơ Yêsu roi tơdrong 'noh Sư sơ'ngon tơpă na Sư pơma hơdah hloi gah tơdrong 'noh. Sư khan: “Inh khan kơ iĕm tơpăt, đei minh 'nu lăm lu iĕm wă plơ̆ plĕch kơ Inh.”

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

Yo 2:2

Đe kư̆m wơ̆n Yêsu păng lu bơngai pơhrăm păng Sư năm mơ̆n.

Yo 6:67

Na Yêsu jet mơjĭt-'bar 'nu bơngai pơhrăm păng Sư: “Bĭ lu iĕm hăm wă achăng lê̆ Inh?”

Yo 6:71

Yêsu pơma thoi noh, Sư pơma jô̆ kơ Juđa kon Simôn đơ̆ng Pơlei Ikariôt. Sư boih lăm mơjĭt-'bar 'nu ei, mă-lei sư wă plơ̆ plĕch kơ Yêsu ning-mônh.

Yo 20:24

Minh 'nu bơngai pơhrăm, anăn sư Thôm, đe krao sư Kon Kơmar sư ưh kơ đei tơ lăm noh mă lăm năr Yêsu truh tơ ei.