Yo 5:41 - Sơ̆p Hlabơar Nơ̆r 'Bok Kei-Dei

⁴¹ “Inh ưh kơ wă kon bơngai ang Inh hơgei ôh, Inh wă kơ 'Bă Inh đĕch lăp đon kơ Inh.

Yo 5:41 Referans Kwoze

Yo 7:18

Bơngai bu bơtho kiơ̆ kơ đon sư tơchĕng kơdih, bơngai 'noh sư wă pơang akâu sư kơdih đĕch. Mă-lei dah bơngai bu bơtho wă pơư pơang nơ̆r 'Bok mă wơh sư, bơngai 'noh bơtho tơpăt, ưh kơ đei layơ hơlĕnh.

I Tes 2:6

Nhôn bơtho iĕm ki ưh kơ sĭ nhôn wă kơ iĕm dah đe nai ư-ang kơ nhôn hơgei ôh. Mưh nhôn wă, pôm tơdrong sŏng sa đĕch iĕm gơh mơnat ăn kơ nhôn yua kơ nhôn jơ̆ng 'bang Yêsu Krist, mă-lei nhôn ưh kơ wă kơ iĕm mơnat ăn kơ nhôn tơmam sa ôh.

Yo 8:50

Inh ưh kơ chă pơư pơang akâu Inh kơdih ôh. Đei minh 'nu 'Bok, Sư wă pơư pơang Inh păng Sư gô sek tơlang tơdrong bơ̆n âu tơpăt.

Yo 5:34

Mă-lei Inh ưh kơ kăl kon bơngai pơma bơ̆ng Inh ôh. Inh khan kơ iĕm thoi âu: Yôhan bơtho tơpăt, wă kơ iĕm lui kơ nơ̆r Sư bơtho, na 'Bok Kei-Dei pơklaih yoch iĕm.

Yo 8:54

Yêsu khan kơ lu sư: “Dah Inh pơma pơang kơdih akâu đĕch trŏ mơ̆n iĕm ưh kơ lui kơ Inh. Mă-lei pôm 'Bă Inh đĕch pơang akâu Inh. 'Bă Inh noh iĕm khan Sư Kră Yang iĕm,

Yo 6:15

Yêsu băt kơ lu đe ei wă rôp pơgŏ Sư athei pơm Pơtao lu sư. Na Sư kơdâu ôn kơdrô̆ Sư tơ kông.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

II Pet 1:17

Kơplah nhôn oei hơdai hăm Sư kơpal kông sơ̆, 'Bă Sư mơsêh mơyang pơma đơ̆ng plĕnh khan: “Sư âu Kon Inh mă 'mêm kơeng tơpă, Inh lăp đon kơ Sư dêh.” Nhôn kơtơ̆ng nơ̆r pơma ư-ang kơ Kon Sư thoi noh tơpă păng nhôn 'bôh 'Bă Sư ăn kơ Sư mơsêh 'lơ̆ng rŏ na nhôn roi kơ iĕm.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

Yo 5:40

mă-lei iĕm ưh kơ wă năm iŏk tơdrong arih đơ̆ng Inh ôh.

Yo 5:42

Mă-lei gah iĕm, Inh băt lăm to iĕm ưh kơ wă 'mêm kơ 'Bok Kei-Dei tơpă.

Yo 12:43

Lu kră ei wă kơ lu bôl buăl sư lăp đon kơ lu sư hloh kơ lu sư wă kơ 'Bok Kei-Dei lăp đon kơ lu sư.