Yo 5:37 - Sơ̆p Hlabơar Nơ̆r 'Bok Kei-Dei

³⁷ “'Bă Inh mă wơh Inh, Sư pơma bơ̆ng gah Inh. Lu iĕm ưh kơ layơ kơtơ̆ng Sư pơma păng iĕm ưh kơ lah 'bôh akâu Sư thoi yơ.

Yo 5:37 Referans Kwoze

Yo 8:18

Na gah Inh, akâu Inh kơdih păng 'Bă Inh mă wơh Inh pơma bơ̆ng Inh wă kơ iĕm băt tơdrong Inh pơma tơpăt.”

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

I Yo 4:20

Bơngai bu khan sư 'mêm kơ 'Bok Kei-Dei mă-lei oei hil areh kơ 'nhŏng oh sư, bơngai 'noh hơlĕnh đĕch. Dah sư ưh kơ 'mêm kơ 'nhŏng oh sư mă oei hơdai ling-lang, thoi yơ sư gơh 'mêm kơ 'Bok Kei-Dei mă sư ưh kơ 'bôh.

I Yo 4:12

Ưh tam đei bu 'bôh 'Bok Kei-Dei, sơmă dah bơ̆n 'mêm mơnat dih băl, 'noh yua kơ 'Bok Kei-Dei oei hơdai păng bơ̆n păng ăn kơ bơ̆n đei đon 'mêm mơnat kư̆m thoi Sư 'mêm mơnat mơ̆n.

Yo 14:9

Yêsu khan: “Ơ Philip, Inh oei păng lu iĕm đunh boih, lơliơ ih tam băt kơ Inh. Bơngai bu 'bôh Inh boih, bơngai 'noh dang 'bôh 'Bă Inh mơ̆n. Na lơliơ ih khan: ‘Tơ'bôh kơ nhôn 'Bă Ih bĕ, dôm noh boih nhôn wă’?

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Both 4:12

Kơplah noh đơ̆ng lăm ŭnh Kră Yang khan kơ lu iĕm, lu iĕm kơtơ̆ng nơ̆r Sư pơma, mă-lei ưh kơ đei 'bôh akâu Sư ôh, lăp kơtơ̆ng nơ̆r pơma đĕch.

Le 20:19

Kon pơlei khan kơ Môis: Apinh Ih jah pơma hăm lu nhôn na lu nhôn gô mơ̆ng 'nĕ ăn kơ Kră Yang 'Bok Kei-Dei pơma hăm lu nhôn, kơnh hli kơ lu nhôn lôch.

Yo 15:24

Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Êsai 26:10

Lu bơngai kơnê̆ pơm mă đơ̆ng Kră Yang mơnat ăn ră, kư̆m ưh kơ wă hŏk iŏk tơdrong 'lơ̆ng tơpăt, lu sư oei pơm tơdrong kơnê̆ lăm teh đak 'lơ̆ng tơpăt, păng ưh kơ 'bôh ôh tơdrong 'lơ̆ng rŏ tih-tin Kră Yang.

Markôs 1:11

Păng kư̆m đei nơ̆r pơma đơ̆ng plĕnh khan: “Ih boih Kon Inh mă 'mêm kơeng tơpă, Inh lăp đon kơ Ih tôm tơdrong.”

Luka 3:22

Yang Bơhngol 'Lơ̆ng thoi lĕ sem kơtơp jur oei tơ Yêsu. Păng kư̆m đei nơ̆r pơma đơ̆ng plĕnh khan: “Ih boih Kon Inh mă 'mêm kơeng tơpă. Inh lăp đon kơ Ih tôm tơdrong.”

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Yo 5:32

Mă-lei đei minh 'nu nai pơma bơ̆ng Inh tơpă păng Inh kư̆m băt kơ Sư pơma tơpăt tơpă tơdrong Inh.

I Yo 5:9

Thoi bơ̆n lui kơ buăl bơ̆n bơngai mă pơma tơpăt ling-lang, sư roi kơ bơ̆n na bơ̆n lui kơ sư roi, thoi noh bơ̆n athei lui kơ 'Bok Kei-Dei mă loi yua kơ Sư pơma tơpăt ngăl. Na pêng tơdrong 'noh hei đơ̆ng 'Bok Kei-Dei Sư roi tơbăt ăn kơ bơ̆n Yêsu Kon Sư tơpă.