Yo 5:2 - Sơ̆p Hlabơar Nơ̆r 'Bok Kei-Dei

² Tơ Pơlei Jêrusalem đei minh tŭm dơnâu đak 'bơ̆t jê̆ 'măng tơm pơlei mă đe anăn 'Măng Triu. Đak dơnâu ei lăm nơ̆r Juđê anăn khan dơnâu Betsatha. Tơ noh đei pơđăm tŏ prơng hnam.

Yo 5:2 Referans Kwoze

Ne 12:39

Năm kơpơ̆ng kơ 'măng jang Êphraim, jê̆ 'măng jang So 'măng jang Ka, hnam thôt Hananêl păng hnam thôt Minh-hrĕng truh tơ 'măng jang Triu lu sư pơdơh 'bơ̆t 'măng jang Gak.

Ne 3:1

Êliasip 'bok soi tơm hăm lu 'nhŏng oh sư 'bok soi nai iung man pơdơ̆ng ming 'măng jang Triu. Lu sư 'măn anih noh 'lơ̆ng rơgoh păng pơm 'bar pah tơnang 'măng lu sư 'măn anih noh 'lơ̆ng rơgoh truh tơ hnam Thôt Mêa păng truh tơ hnam Thôt Hananêl.

Ne 3:32

Lu khŭl bơ̆jang hling maih păng lu bơngai mơdro sa kư̆m wang pơm hơmet dur pơlei tih, đơ̆ng tơngơ̆ kơjung truh tơ 'măng jang Triu.

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Jang 21:40

'Bok tih linh ăn kơ sư pơma, na Pôl dơ̆ng 'bơ̆t kung yơ̆r ti sư wă kơ lu kon pơlei pơla oei thĕng. Lăp lu sư thĕng ưh pă đei pơma boih, na Pôl pơma kơ lu sư hăm nơ̆r Juđê:

Yo 20:16

Klaih kơ noh Yêsu khan kơ sư dơ̆ng: “Ơ Mari.” Mari hue 'bôh hloi păng khan hăm nơ̆r Juđê: “Rabôni.” Rabôni wă khan 'bok thây.

Yo 19:17

Yêsu tôi ba 'long pơglang kơdih Sư, năm tơ anih đe anăn kông kơting kơ̆l bơngai lôch. Nơ̆r Juđê khan, Gôlgôtha.

Yo 19:13

Pilat kơtơ̆ng lu sư pơma thoi noh, sư năm ba Yêsu tơ 'ngoaih. Pilat tơoei 'bơ̆t tang-dŏ sek tơlang tơ lăm cham đe krao cham lơ̆k tơmo. Nơ̆r Juđê khan Gabatha.

Êsai 22:9

Lu iĕm 'bôh lơ trong hơđang pơchah lăm pơlei Đawit; na iĕm mong đak đơ̆ng dơnâu gah ala.

Yo 19:20

Lơ bơngai Juđê đŏk lăng gơ'bang 'noh yua kơ anih đe pơ̆ng pơlôch Yêsu 'noh jê̆ Pơlei Jêrusalem. Gơ'bang 'noh chih păng nơ̆r Juđê, nơ̆r Rôm păng nơ̆r Grĕk.

Yo 5:3

Tơ ala prơng noh đei lơ bơngai 'bĭch păn kơ jĭ jăn. Lu mơ'nah măt tol, mơ'nah ti kue, mơ'nah jơ̆ng jo go kơdŭ. Lu bơngai jĭ ei chang gô đak dơnâu tơglăk,

Yo 7:21

Yêsu khan: “Lăm năr pơdơh Sa'bat Inh pơklaih minh 'nu bơngai jĭ jăn, na iĕm khan Inh pơm ưh kơ trŏ.

Tơdrông Tơ'bôh 9:11

Lu sư đei yŏng pơgơ̆r kơdih, yŏng lu sư ei jĭ yang pơgơ̆r sơlŭng jrŭ, anăn sư lăm nơ̆r Hêbrơ khan Abadon; tơ̆ng kiơ̆ kơ nơ̆r Grĕk khan Apôliôn wă khan yang chă blah pơrăm đe.

Tơdrông Tơ'bôh 16:16

Na pêng 'nu yang kơnê̆ ei krao akŭm lu 'bok pơtao tơ anih Armagedon kiơ̆ kơ nơ̆r Hêbrơ khan.