Yo 5:10 - Sơ̆p Hlabơar Nơ̆r 'Bok Kei-Dei

¹⁰ Thoi noh boih na lu bơngai Juđê khan kơ bơngai 'nao klaih ei khan: “Năr âu năr giĕng lah. Ih 'nĕ tung anhăk sơkok ih.”

Yo 5:10 Referans Kwoze

Yo 9:16

Lu bơngai Pharisi mơ'nah khan: “Bơngai pơm thoi noh Sư ưh kơ sĭ lĕch đơ̆ng 'Bok Kei-Dei ôh, yua kơ Sư ưh kơ răk năr pơdơh Sa'bat.” Lu mơ'nah khan dơ̆ng: “Yah lei, bơngai yoch ưh kơ gơh pơm tơdrong mơsêh mơyang thoi Sư noh ôh.” Thoi noh na lu sư tơklah băl đon gah tơdrong Yêsu.

Luka 6:2

Lu bơngai Pharisi 'bôh thoi noh na khan: “Kơlih kơ kiơ iĕm pơm ưh kơ trŏ lăm năr pơdơh lĕ khan jang?”

Je 17:21

Kră Yang khan thoi âu: “Tơdah lu iĕm wă arih lu iĕm athei kơchăng, 'nĕ pă tung, pŭ tơmơ̆t trong 'măng dur pơlei Jêrusalem, lăm năr Sa'bat.

Luka 13:14

Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Markôs 3:4

Yêsu khan kơ lu bơngai ei thoi âu: “Lăm năr pơdơh Sa'bat, kiơ̆ kơ tơdrong juăt bơ̆n athei pơm tơdrong 'lơ̆ng dah tơdrong kơnê̆, tơgŭm mơnat kon bơngai dah pơlôch bơngai?” Mă-lei lu đe ei thĕng, ưh kơ đei bu pơma tơwih kơ Sư.

Markôs 2:24

Na lu bơngai Pharisi khan kơ Yêsu: “Ih lăng. Kơlih kơ kiơ lu sư pơm ưh kơ trŏ lăm năr pơdơh, năr pơdơh khan jang?”

Yo 5:16

Kơlih kơ tơdrong noh na lu bơngai Juđê wă pơm kơnê̆ kơ Yêsu, kơlih kơ Sư pơklaih đe jĭ lăm năr pơdơh Sa'bat.

Yo 7:23

Iĕm jang kăt tơdra akar đe lăm năr pơdơh kư̆m gơh; liơ iĕm hil kơ Inh pơklaih bơngai jĭ jăn lăm năr pơdơh mơ̆n? Inh pơklaih bơngai jĭ jăn lăm năr pơdơh Sa'bat, noh trŏ hloh kơ iĕm kăt tơdra akar đe lăm năr pơdơh Sa'bat.

Luka 23:56

Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Mathiơ 12:10

Lăm hnam akŭm noh đei minh 'nu bơngai ti kue minh pah, na lu sư răp lăng Yêsu hăm ming pơklaih ti sư dah ưh, yua kơ năr noh năr pơdơh Sa'bat. Dah Sư pơklaih lei lu sư wă jô̆ Sư bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh. Na lu sư jet Yêsu khan: “Kiơ̆ tơdrong juăt bơ̆n hăm gơh ming pơklaih đe jĭ jăn lăm năr pơdơh Sa'bat dah ưh?”

Yo 1:19

Bơngai Juđê wơh lu 'bok soi păng lu bơngai Lêwi mă jang lăm hnam akŭm 'Bok Kei-Dei tơm năm đơ̆ng Pơlei Jêrusalem tơ Pơlei Bethani pah to krong Jôrđăn wă jet lăng Yôhan. Chă Yôhan 'bôh boih na jet thoi âu: “Ih bu mă tơpă?”

Yo 5:11

Bơngai 'nao klaih kơ jĭ ei khan kơ lu sư: “Kơlih kơ 'Bok mă pơklaih inh hei Sư athei inh khan: Lôm sơkok ih chĕp brŏk kơ ih bĕ.”

Yo 5:15

Bơngai 'nao klaih kơ jĭ ei năm khan kơ đe Juđê Yêsu pơklaih sư.