Yo 4:42 - Sơ̆p Hlabơar Nơ̆r 'Bok Kei-Dei

⁴² Lu bơngai lui đơ̆ng rŏng khan kơ duch ei thoi âu: “Nhôn lui kơ Sư dang ei ưh kơ sĭ nhôn băt đơ̆ng ih ôh. Nhôn lui kơ Sư dang ei yua kơ nhôn kơtơ̆ng Sư bơtho na nhôn băt hloi kơ Sư 'Bok Dŏng Pơklaih kon bơngai tơpă.”

Yo 4:42 Referans Kwoze

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 4:29

“Bĕ bơ̆n năm lăng bĕ. Bơngai ei hlĭch dêh roi 'blep dôm tơdrong inh pơm tơpă. Na iĕm tơchĕng bơngai 'noh hăm trŏ kơ 'Bok Krist tơpă dah ưh?”

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Yo 11:17

Lăp Yêsu truh tơ pơlei ei boih, đe 'bŭ Lasarơ lăm hơgơp tơmo puăn năr boih.

Mathiơ 1:21

Sư gô tơpŭ kơ minh 'nu kon drŏ-nglo, ih anăn Sư Yêsu, yua kơ Sư wă dŏng pơklaih bơngai bu mă lui kơ Sư đơ̆ng tơdrong yoch.”

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Yo 4:41

Păng đei lơ bơngai nai dơ̆ng lui kơ Yêsu. Lu bơngai âu lui đơ̆ng Yêsu bơtho kơdih.

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Jang 13:23

'Bok Kei-Dei ăn Yêsu Kon Sâu Đawit wă dŏng pơklaih lu bơngai Isơrael, kiơ̆ kơ Sư pơkă sơ̆.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.