Yo 3:8 - Sơ̆p Hlabơar Nơ̆r 'Bok Kei-Dei

⁸ Kial sư thu gô mơ̆ng kơ sư wă, bơ̆n kơtơ̆ng jơwa sư, mă-lei bơ̆n ưh kơ băt sư thu đơ̆ng yơ wă năm tơ yơ. Na Yang Bơhngol 'Lơ̆ng Sư kư̆m pơm kơ bơ̆n thoi noh mơ̆n; bơ̆n ưh kơ băt Sư pơm thoi yơ mă-lei bơ̆n băt kơ Sư ăn kơ bơ̆n tơpŭ ming 'nao tơpă.”

Yo 3:8 Referans Kwoze

I Kor 2:11

Kon bơngai ưh kơ đei bu băt tôm tơdrong tơchĕng tơduă kon bơngai, pôm tơ'ngla bơ̆n kơdih đĕch băt tôm tơdrong bơ̆n tơchĕng kơdih; kư̆m thoi noh mơ̆n kon bơngai bơ̆n ưh kơ đei bu băt tôm tơdrong tơchĕng 'Bok Kei-Dei ôh, pôm Yang Bơhngol 'Lơ̆ng đĕch băt tôm tơdrong tơchĕng 'Bok Kei-Dei.

Jang 2:2

Lu sư kơtơ̆ng grơu đei re jơwa đơ̆ng plĕnh thoi lĕ kial hơbŭt tih 'bĕnh kơ hnam hloi.

Êsêkiên 37:9

Kră Yang khan kơ inh: Athei khan lê̆ adrol kơ kial arih, ‘ơ kon bơngai, athei khan lê̆ adrol bĕ kơ kial arih khan: ‘Kră Yang khan thoi âu: Ơ kial arih năm bĕ đơ̆ng puăn pah kial mơ̆t dui jơhngơ̆m bĕ tơ akâu lu bơngai lôch wă kơ lu sư arih.’”

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

I Kor 12:11

Đei minh 'nu Yang Bơhngol 'Lơ̆ng đĕch ăn kơ bơ̆n tôm tơdrong hơgei 'noh, Sư asong kơ rim 'nu bơngai bu kiơ̆ kơ Sư wă.

Yo 1:13

Lu sư jing kon 'Bok Kei-Dei, kơlih kơ 'Bok Kei-Dei ăn, ưh kơ sĭ kiơ̆ kơ krung kơtum adrĕch adrung kon bơngai ôh.

Horiso 107:29

Sư khă hơbŭt thĕng jing hơđơ̆ng. Păng đak poh-yă thĕng nhĕt.

Horiso 107:25

Nơ̆r Sư athei na đei hloi kial hơbŭt pơm kơ đak poh-yă tŏk.

Horiso 135:7

Sư ăn kơ hơmơ̆l đông đơ̆ng tôch jih kơ plei teh. Sư ăn kơmlat kiơ̆ kơ 'mi, Ăn kơ kial lĕch đơ̆ng anih mong sư.

Bôk Bơthô 1:6

Kial tơthu tơ gah gơal, wơ̆t tơ gah yă-nơ̆m, sư wơ̆t wih ưh kơ pơdơh, đơ̆ng noh wơ̆t tơ đêl trong sư blŭng-a dơ̆ng.

Yo 3:7

Na dang ei đon ih 'nĕ tơchĕng hlĭch gah tơdrong Inh athei iĕm tơpŭ ming 'nao 'noh.

Yo 3:9

Nikôđem khan: “Thoi yơ kon bơngai gơh jing thoi noh lĕ?”