Yo 3:4 - Sơ̆p Hlabơar Nơ̆r 'Bok Kei-Dei

⁴ Nikôđem khan kơ Sư: “Thoi yơ bơngai kră boih gơh tơpŭ ming 'nao? Sư gơh mơ̆t lăm klak mĕ sư na tơpŭ ming dơ̆ng hă?”

Yo 3:4 Referans Kwoze

I Kor 2:14

Lu bơngai kiơ̆ kơ sĕch akar wă khan lu ưh kơ lui, lu sư ưh kơ iŏk ôh dôm tơdrong đơ̆ng Yang Bơhngol 'Lơ̆ng 'Bok Kei-Dei, yua kơ lu sư ưh kơ đei Yang Bơhngol 'Lơ̆ng bơtho. Na lu sư ưh kơ hlôh, lu sư lăng dôm tơdrong 'noh nhen lĕ tơdrong kơtul đĕch.

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 6:53

Yêsu khan kơ lu sư: “Inh khan kơ iĕm tơpăt, dah iĕm ưh kơ sa sĕch akar Inh Kon Bơngai păng ưh kơ huch sa pham Inh, lei iĕm ưh kơ đei arih ôh, iĕm dang lĕ lôch đĕch.

Yo 6:60

Lăm lu bơngai mă kiơ̆ Sư đơ̆ng sơ̆ đei lơ 'nu kơtơ̆ng tơdrong Sư bơtho noh na khan: “Tơdrong Sư bơtho noh anat tơpă. Bu gơh pơm thoi noh?”

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.